Bir neçə gün bundan öncə Bakı şəhəri, Nəsimi rayonu, Tbilisi p-i, 3007-ci məhllə, “Tac Mahal” MTK-nın sakinləri, Baki şəhər İcra Hakimiyyətinin başçısı cənab Eldar Əzizova ünvanladıqları şikayət ərizəsinin bir surətini də, GundemXeber.Az saytının redaksiyasına da təqdim etmişdilər.

Sakinlər təqdim etmiş olduqları ərizələrində yazmışdılar ki, “Biz acınacaqlı və dözülməz vəziyyətlə üz-üzə qalmışıq. Çünki, “Tac Mahal” MTK-nın rəhbərliyi tərəfindən bizə qarşı bəslənilən hegemonluq yenə davam etməkdədir. 2012-ci ildə MTK-nın rəhbərliyi yaşadığımız binaya məxsus həyətin bir hissəsini zəbt edib, qanunsuz tikinti işləri aparmağa başladı. Biz dəfələrlə narazılığımızı ifadə etsək də, o, fikirindən dönmədi və qol qoyduğu qanunsuz əməllərini davam etdirdi. Onu da bildirək ki, qanunsuz tikinti işləri aparılan ərazidə azyaşlılar üçün bağça inşa etmək nəzərdə tutulmuşdu. Ona görə də, şəhər rəhbərliyi olaraq həmin tikinti işlərinin sökülməsinin həyata keçirilməsi üçün, aidiyyəti üzrə müvafiq tapşırığınızı verəsiniz”. Bu adı çəkilən ünvanda yaşayan sakinlərin səsləndirdikləri ittihamlar idi.

Onu da qeyd edək ki, ölkə rəhbəri 2017-ci ilin birinci rübünün sosial-iqtisadi inkişafın yekunlarına dair keçirilən iclasda, yeni tikilən binalarda uşaq bağçalarının inşa olunması yöndə müvafiq tapşırığını vermişdi. Biz verilmiş belə bir tapşırığı və sakinlərin GundemXeber.Az saytının redaksiyasına ünvanladıqları müraciətini əsas tutaraq, qeyd olunan ünvanda olduq və “Tac Mahal” MTK-nın komendantı Xeyrulla Quliyevlə görüşüb bəzi məsələlərə aydınlıq gətirdik. O, söhbət edə-edə binanın həyətində yaradılmış şəraitlə bizi tanış etdi. Xeyrulla Quliyev söhbəti zamanı onu da bildirdi ki, “MTK-nın rəhbərliyi sakinlərin yaşadıqları binada uşaq bağçası açdırmış və binanın həyətində isə, azyaşlıların əylənmələri, istirahət etmələri üçün lazımi işləri də gördürüb. Yaxın vaxtlarda həmin yerdə bir neçə avadanlıqlar quraşdırılacaq və hər biri azyaşlıların ixtiyarına veriləcək.

MTK-nın sakinlərindən olan, həmçinin vaxtilə komendat işləmiş və bizim rəhbərliklə bağlı şəhər icra hakimiyyətinə şikayət yazanlardan Ağalar Cavadovun 94 ay ərzində və hər ay 41 manat olmaqla, bugünə olan borcu 3854 manat, Elçin Qələndərovun 16 ay ərzində və hər ay 30 manat olmaqla, bugünə olan borcu 480 manat, Habil Məmmədovun 32 ay ərzində və hər ay 33 manat olmaqla, bugünə olan borcu 1050 manat, Samir Əhmədovun 46 ay ərzində və hər ay 27 manat olmaqla, bugünə olan borcu 1242 manat, Əsgər Hüseynovun 34 ay ərzində və hər ay 30 manat olmaqla, bugünə olan borcu 1020 manat, Aqşin Rəhimovun 32 ay ərzində və hər ay 33 manat olmaqla, bugünə olan borcu 1050 manat və Cəlal Muradovun isə, 34 ay ərzində və hər ay 57 manat olmaqla, bugünə olan borcu 1938 manat təşkil edir. Əslində, “Tac Mahal” MTK-nın sakinləri olan bu şəxslər, bizim rəhbərliklə bağlı şəhər icra hakimiyyətinə şikayət yazmaqdan əlavə, onunla qərəzçilik də edirlər. Şikayət edən şəxslərin təşilatçısı Ağalar Cavadovdur və o, beş-on nəfər şəxsi başına yığaraq, belə bir addımını atır. Ümumi sakinlərin mövqeyinə gəldikdə isə, onlar “MTK-nın rəhbərliyinin atdığı addımları alqışlayırlar.

Düzdür, əvvəllər uşaq bağçası yox idi və sakinlər uşaqlarını bir qədər aralı məsafədə yerləşən bağçaya aparmalı olurlar. Elə ki, “Tac Mahal” MTK-nın rəhbərliyi uşaq bağçasının açılması yöndə addımını atdı, o halda bu yöndə atılmış addım hər kəsin ürəyincə oldu. “Tac Mahal” MTK-nın ərsəyə gətirdiyi yaşayış kompleksinin həyətində apardığımız çəkilişlərdən və araşdırmalardan o da aydın oldu ki, binanın qarşısında əlavə tikinti işləri aparılmayıb. Həyətdə gəzişən bəzi sakinlərdən, narahatçılıqlarına səbəb ola biləcək maneələrin olmasını soruşduqda, onlar bildirdi ki, “həyətimiz də narahatçılığa səbəb olan heç bir tikintidən söhbət gedə bilməz. Əksinə yeni istifadəyə veriləcək uşaq bağçasının olması bizim işimizi xeyli qaydasına salır.” Biz gördüklərimizi qed edtik və tərəflərin mövqeyinə də hömətlə yanaşdıq.

Gundemxeber.Az