Bakı şəhərinin müxtəlif ərazilərində yerləşən evlərin pilot layihə çərçivəsində sökülməsi bəzi narazılıqlar yaratmaqdadır.

Belə bir narazılıqlardan biridə hazırda Nərimanov rayonu "Montin" qəsəsbəsində həyət evlərinin söküntüsü zamanı baş verməkdədir.

Gundemxeber.Az xəbər verir ki, pilot layihə çərçivəsində ərazidəki həyət evlərinin söküntüsü zamanı Nərimanov icra başçısı Abdin Fərzəliyev prezident İlham Əliyevin göstərişinə əməl etməyərək qanunsuzluğa və zorakı üsullara əl atmaqdadır.

Ərazidə rəsmi qeydiyyatda olan və yaşayan Rzayev Zal Nəbi oğlu AzFakt.com-a şikayət edərək bildirir ki, onun həyətdində iki ev mövcuddur və əlində dövlət qurumunun rəsmi kupçası olmasına baxmayaraq Nərimanov icra başçısı Abdin Fərzəliyev evlərdən birini görməzdən gəlir:

"İcra başçısına bir neçə dəfə məsələ ilə bağlı şikayət etsəm də heç bir nəticəsi olmayıb. Ərazidə birinci müavin Şahmar İbadovun maklerləri kimi tanınan bəzi şəxslər isə bir neçə dəfə mənə deyiblər ki, məsələnin ən yaxşı çözümü icra hakimiyyəti ilə anlaşmaqdır". Yəni Nərimanov icra hakimiyyəti ilə onlar istədiyi kimi anlaşa bilməsəm, dövlətdən sökülən evimin pulunu belə almaya bilərəm".

Vətəndaş qeyd edir ki, həyətində yerləşən və hazırda mövcud olan iki evdən birini Abdin Fərzəliyev və ərazini sökən "RR Contructions" MMC şirkəti görməzdən gəlir.

Ölkə prezidenti İlham Əliyev göstəriş verib ki, sökülən ev sahiblərinin ilk öncə mənzillə təmin edilməsi həyata keçirilməlidir. Amma Abdin Fərzəliyev, "dəstəsi" və söküntü ilə məşğul olan "RR Contructions" MMC şirkəti bu göstərişə əməl etmir.

Şikayətçi bildirir ki, hər gün Nərimanov icra hakimiyyətinin işçiləri və Abdin Fərəzliyevin müavini Şahmar İbadovun maklerləri qapımıza gələrək bizə müxtəlif hədə-qorxular gəlirlər.



Gundemxeber.Az