Bu haqda GundemXeber.Az-a Arazmedia.az-ın müxbiri Hacıağa Qayıbov məlumat verib. Jurnalistin redaksiyamıza göndərdiyi yazını olduğu kimi təqdim edirik:

Son günlər gecə saatlarında Ələt qəsəbəsində küçə və yollarda işıqların yanmadığının şahidi oluruq. Qəsəbə sakinləri haqlı olaraq bununla bağlı şikayətlər edirlər. Onların sözlərinə görə, indi qış ayları olduğu üçün qaranlıq tez düşür və işdən qayıdarkən çox vaxt qaranlıq yollarla irəliləmək məcburiyyətində qalırlar.



Sürücülər isə xüsusən bu halı pisləyirlər. Avtomobil sahibləri qəsəbənin yollarında küçə işıqlarının yanmamasından çox narahatdırlar. Onlar bu halın, təhlükənin - qəzaların baş verməsinin əsas səbəblərindən hesab edirlər.

Bəs nə üçün Qaradağın Küçə işıqları idarəsi bu hala laqeyd yanaşır? Niyə gündən günə gözəlləşən, inkişaf edən və çiçəklənən Qaradağ rayonunun Ələt qəsəbəsinin gecələri zülmətə bürünüb?!



Sizi bu ''qaranlığa qərq olmuş'' kəlmələrlə yormaq istəməzdim. Problemlə bağlı gecə saatlarında qəsəbəmizin küçə və yollarında çəkdiyim fotolara baxmağınız kifayətdir. Bu kadrlarda da əsas yolun qaranlıqa çökdüyünü aydın görmək olar.



Məsələ ilə bağlı Küçə İşıqları İdarəsi məlumatlandırılıb, sakinlərin haqlı narazılıqlarını onların diqqətinə çatdırılıb. Lakin problem bir həftədir ki, hələ də aradan qaldırılmayıb.

GundemXeber.Az