Xəbər verdiyimiz bir müddətdir ki, Salyan, Neftçala və Sabirabad rayonları ərazisində sahibkarlar əkin sahələrini suvarmaq üçün müəyyən problemlərlə qarşılaşırlar.

Gundemxeber.Az bildirir ki, ununla bağlı Moderator.az-ın redaksiyasına şikayət məktubu ünvanlayan sakinlər aidiyyatı qurumların biganəliyindən gileylənirlər.

Bildirilir ki, hələ 2017-ci ildə Melorasiya və Su Təsərrüfatı” ASC tərəfindən Sabirabadın Azadkənd kəndi ərazisində Kür çayından qidalanan 24 kilometr uzunluğunda dəyəri 38 milyon manat olan kanal inşa edilib. Bu kanal vasitəsilə rayonun Sarxanbəyli, Moranlı, Bala Həşimxanlı və Ələhmədbəyli kəndlərinin 11 min 500 hektar əkin sahərinin suvarılması nəzərdə tutulsa da, kanalda hal hazırda su yoxdur.

Hazırda isə Sabirabadın Sarxanbəyli kəndində əkin sahələri “Sabir” kanalının şor suları ilə suvarıldığından torpaq sahələri şoranşalır.

Sakinlər bildirir ki, dövlətin mülkiyyəti olan torpağa şor su vurub bu cür korlamaq olmaz. Bu birbaşa torpağa xəyanətdir. Kürdə suyun səviyyəsi aşağı düşə, su qıtlığı ola bilər, amma bu o demək deyil ki, torpağı şor suyla suvarmalıyıq. 2030-2050-ci ildən sonra Kürdə suyun səviyyəsi bərpa olunduqdan sonra onda əkin əkməyə yararlı torpaq olmayacaq. Rayonun Azadkənd nasos stansiyasını qurmaq üçün dövlət ora 38 milyon xərc qoyub. Həmin kanalın bir qolu Sarxanbəyli və Moranlı kəndlərinin pay torpaqlarını suvarmaqdan ötrü “Sabir” kollektoruna qoşulur və ordan da Xəzər dənizinə tökülür. Rayondakı aidiyyatı qurumlar iddia edir ki, guya Kür çayına saniyədə bir kub şor su vururuq. Əkin sahiblərinin sözlərinə görə isə deyilənlər yalandır.

Kür çayının təmiz suyunu isə başqalarına satırlar. Hansı ki, ölkə başçısı qeyd edib ki, su kanalı çəkirsinizsə, ora tələbata uyğun olan təsərrüfatlar qoşulsun. Əgər kiminsə suya ehtiyacı varsa, məsələni qaldırın onların da problemini həll edək. Rayondakı bəzi məmurlar isə əkinləri şor suyla suvarıb təmiz suyu isə əkinə aidiyyatı olmayan başqa adamlara satırlar.
Araşdırmamız davam edir...

Gundemxeber.Az