Hörmətli oxucular, gördüyünüz bu kafedə əxlaqdan, milli ruhdan başqa hər şey var desək, bəlkə də yanılmarıq. Yəni, Azərbaycan Respublikasının müstəqilliyinin əldə olunması uğurunda canlarını fəda edənlərin əziz xatirəsinə ucaldılmış “20 Yanvar Şəhidləri” abidəsinin lap yaxınlığında fəaliyyət göstərən “Məhsul” kafesi, bu gün müəyyən mənada qınaq obyektinə çevrilən ictimai-iaşə müəssisəsidir. Buna əsas səbəb, gündəlik qeyd olunan ünvanda müştərilərə spirtli içkilərin satılması, göstərilən digər xidmət növlərinin müqabilində bir kimsəyə ödəniş qəbzlərinin verilməməsidir. Bəzi söz-söhbətlərə görə, hal-hazırda bu kafedə elektrik enerjisindən və sudan istifadə zamanı müəyyən “sapmalar”a yol verilir. Deyilənlərə görə, “Məhsul” kafesi mərhum prezidentimiz Əbülfəz Elçibəy dünyasını dəyişdiyi vaxtlara qədər, bugünkü ərazisinin arxa hissəsindəki parkın içində vaqon şəraitində fəaliyyət göstərib. İllər keçdikcə isə, bu kafeyə sahiblik edən şəxs və şəxslər arxa-dayaqlarını o qədər gücləndirirlər ki, hal-hazırda bu obyektdə çalışanlar “20 Yanvar Şəhidləri” abidəsinin yanında, məhz şəhid ruhları üzərində minbir hoqqadan çıxırlar. Yəqin ki, bu kafeni işlədən şəxs və ya şəxslər heç də bilməmiş deyillər ki, həmin ərazidə Azərbaycanın müstəqilliyi uğrunda neçə-neçə soydaşlarımız işğalçı rus ordusu tərəfindən qətlə yetriliblər. Məsələnin görünən tərəfi odur ki, bu gün elə sahibkarlarımız var ki, onlar zaman-zaman millətimizin qanına susamış rus şovinizminə xidmət etməyi özlərinə şərəf bilirlər. Ona görə də olduqca diqqətli və ayıq olmalıyıq ki, əsl həqiqətləri üzə çıxaraq, gördüklərimizi ifşa edək və milli ruhumuzun yaşadılmasına çalışaq. Yoxsa, bizi ...

GundemXeber.Az