Musiqi həyatımızın istər qəmli, istərsə də şən vaxtlarında həmişə lazım olub. Buradan belə çıxır ki, musiqi həm adamı ağladır, həm də güldürür. Bəs bu musiqini ifa edən şəxslər ifa etməyi haradan oyrənir. Əlbəttə musiqi məktəblərində. İndi bəhs edəcəyimiz mövzu məhz musiqi məktəblərində baş verən özbaşınalıqlarla bağlı olacaq. Müəllim sənəti hər zaman hörmətlə qarşılanıb. Biz bu mövzuda az-az hallarda yazılar dərc edirik. Yenə də mövzuya münasibət bildirməyimiz kollektivin müraciətindən sonra baş verir. Bu dəfəki mövzumuzu Cəlilabad şəhər Uşaq İncəsənət Məktəbinin bir qrup əməkdaşları tərəfindən göndərilən şikayət məktubu əsasında hazırladıq. Gundemxeber.az gundelik-baku.com-a istinadla birbaşa şikayətçilərin müraciətini oxuculara təqdim edir.

  Hörmətli redaksiya. Sizə bir qrup musiqi məktəbinin müəllimi adından yazaraq bildiririk ki, Cəlilabad şəhər Uşaq İncəsənət Məktəbinin direktoru Azər Əhədzadə heç kəsdən qorxmayaraq müxtəlif korrupsiya əməlləri həyata keçirir. Azər Əhədzadə musi məktəbimizə direktor təyin olunandan sonra Masallı şəhər Onbirillik İncəsənət Məktəbində etdiyi korrupsiya əməllərini burdada rahat şəkildə etməkdə davam edir. Belə ki, Azər Əhədzadənin təklifi ilə musiqi məktəbimizdə 15-ə yaxın müəllimin dərs saatı 4-7 saat artırılıb və onlara verilən maaş direktora çatır. Hər ay Azər Əhədzadə artırılmış dərs saatlarından ümimilikdə 2 min manatdan çox vəsait mənimsəyir. Bildiririk ki, 1 saat dərs saat 35 manat hesablanır.
  Onuda bildiririk ki, Azər Əhədzadə Mədəniyyət Nazirliyindəki tanışları vasitəsi ilə köhnə iş yerinə Masallı şəhər Onbirillik İncəsənət Məktəbinə direktor vəzifəsinə qayıtmaq istəyir. Ancaq Azər Əhədzadənin həyat yoldaşı və oğlunun Masallı şəhər Onbirillik İncəsənət Məktəbində işləməsi onun planını pozur. Məhz buna görədə Azər Əhədzadə həyat yoldaşını məcbur edir ki, onunla boşansın.
Yazıda adları çəkilən bütün şəxslərin mövqeyini dərc etməyə hazırıq. 

GUNDEMXEBER.AZ