Gundemxeber.az » GündəmXəbər » Pulu ucuz alıb, baha satanlar: “Günah Mərkəzi Bankdadır ki...” - NƏ BAŞ VERİR?
Pulu ucuz alıb, baha satanlar: “Günah Mərkəzi Bankdadır ki...” - NƏ BAŞ VERİR?
Hazırda 12 ay müddəti üzrə ən yüksək əmanət faizlərini “Günay Bank”, “AccessBank”, Bank BTB” və “Muğanbank” təklif edir.
Hazırda məbləği 100 min manatadək, illik faiz dərəcəsi 12%-ədək olan manat əmanətləri Əmanətlərin Sığortalanması Fondu tərəfindən sığortalanır. Məbləği 100 min manatdan və ya illik faiz dərəcəsi 12%-dən yuxarı olan əmanətlər üzrə sığorta hadisəsi baş verdikdə (bank müflis olduqda, lisenziyası ləğv edildikdə) kompensasiya ödənilmir.
Qeyd edək ki, ölkədə hazırda bir çox banklarda əmanət faizləri elə də yüksək deyil. Belə ki, ölkədəki banklarda ən yüksək əmanət fazi 11 faizdirsə, ən aşağı faiz 5-6 faiz təşkil edir. Bu da bir faktdır ki, banklar krediti yüksək fazlə verirlər.
Maraqlıdır, banklar niyə əmanəti aşağı fazilə götürür, krediti yüksək faizlə verirlər? GUNDEMXEBER.AZ-ın məlumatına görə, iqtisadçı-ekspert Əkrəm Həsənov Cebhe.info-ya bildirib ki, ümumiyyətlə, əmanət faizləri ilə kredit faizləri bərabər ola bilməz:
“Çünki bank müəyyən əmanəti qəbul edir, üzərinə də bir neçə faiz qoyaraq kredit verməlidir. Bankın qazancı həmin o faiz fərqidir. Bu gün Azərbaycanda qorunan əmanət faizi 12 faizdir ki, bunun özü də yüksəkdir. İnkişaf etmiş ölkələrdə 12 faiz yoxdur. Bəs niyə bəzi banklar 10-12, digərləri isə 5-6 faizlə qəbul edir? Bu, o deməkdir ki, 5- 6 faizlə əmanət qəbul edənlərin başqa yerdə ucuz pulu var. Ucuz pulu isə böyük ehtimalla Mərkəzi Bankın uçot dərəcəsi ilə kreditləridir. Yəni onlara Mərkəzi Bank verir. Mən hər zaman bu problemi qaldırıram ki, Mərkəzi Bankın uçot dərəcəsi işlək mexanizm deyil. Ona görə ki, bütün banklara o faizlə vermir. Bu günə Mərkəzin Bankın uçot dərəcəsi 7 faizdir. Mərkəzi Bank hamısına bərabər o faiz dərəcəsi ilə kredit verərsə banklar kredit faizləri endirəcək. Ancaq Mərkəzi Bank onu cəmi bir neçə banka verir və onlar yüksək faizlə əmanət qəbul etməkdə maraqlı deyil. Ona görə də 5-6 faizlə qəbul edirlər. O banklar Mərkəzi Bankdan ucuz kredit götürə bilir və onların da verdikləri kreditlər üzrə faizlər aşağı deyil. Çünki sağlam rəqabət yoxdur. Əgər o banklar bilsəydi ki, bütün bankların Mərkəzi Bankdan ucuz krediti var, onlar da faizləri endirərdilər. Ancaq bilirlər ki, onsuz da digər bankların Mərkəzi Bankdan ucuz pulu yoxdur və deyirlər ki, niyə endirim?”
Ekspert bildirib ki, bunun səbəbi inhisarçlıqdır:
“Mərkəzi Bankın qeyri-şəffaf fəaliyyəti var. Əgər kimsə banka əmanət qoymaq, faiz qazanmaq istəyirsə, o böyük ehtimalla gedib 5-6 faizlə olan banka deyil, 11 faiz olan banka qoyacaq”.
Gundemxeber.Az
Oxşar yazılar :
-
-
Banklar cibimizi necə qarət edirlər? - Kredit ...
31-05-2018, 11:33
-
Kredit faizləri niyə aşağı salınmır? ...
11-06-2013, 12:15
-
Əmanət və kredit faizləri arasında uçurum ...
17-09-2018, 16:34
-
Azərbaycan banklarındakı 2 milyard manatlıq ...
9-01-2014, 13:01
-
Azərbaycanda manat kreditləri ucuzlaşır? — ...
19-10-2017, 21:45
Sorğu
Hansı nəqliyyat növündən daha çox istifadə edirsiniz?