Son illər ərzində həbs olunan icra başçılarının aqibəti medianın daim diqqətində olduğu hörmətli izləyicilərimizə məlumdur. Etiraf edək ki, ölkə başçısı onlara etimad göstərib, güvənib. Lakin həmən məmurlar cənab prezidentin etimadından sui-istifadə edərək öz şəxsi maraqlarını güdməklə məşğul olublar. Sonda isə acı həqiqət bütün hadisələrə aydınlıq gətirdi. GundemXeber.Az saytı olaraq icra başçıları ilə bağlı yenidən araşdırmalara start verdik. Görünən tərəf odur ki, bəzi icra başçıları nəticə çıxartmaq əvəzinə, heç nə olmamış kimi öz çirkin əməllərini həyata keçirtməyə çalışır. Ciddi nöqsanlar və bu kimi hallar araşdırıldıqda məlum olur ki, həmən icra başçıları yeni metodla rüşvəti əldə edir. Yəni, dəyişən format xarakterli qurluşdur. Yuxarıda qeyd etdiyimiz neqativ hallar bu gün də davam edir. Tək regionlarda deyil, məhz Bakının rayonları da eyni aqibəti yaşayır. Buna misal üçün Nəsimi rayonunu göstərə bilərik. 15 ildir müxtəlif rayonlara başçılıq edən A.Əsgərovun adı mətbuatda korrupsiya, məmur özbaşınalığı, “yaşıl soyqırım”dan başlayaraq seçki saxtakarlığına qədər ən müxtəlif qalmaqallarda hallanıb: “Hələ oğlunun “avtoşluq” edərək günahsız bir insanın ölümünə səbəb olması və sonra rahat şəkildə azadlıqda gəzməsi ilə bağlı xəbərləri mediadan məxfi saxlamaq mümkün deyil. Diqqətlə baxdıqda onu müəyyən etmək olur ki, bu gün rayonun ərazisindəki yaşıllıqlardan heç bir əsər-əlamət qalmayıb. Nəsimi RİH-nin başçısı Asif Əsgərovun yaşıllıqlara qənim kəsilməsi məsələsi, artıq hər kəsə bəlli olan həqiqətlərdir. Bəli, bu gün icra başçısı öz maraqları çərçivəsində addımlarını atır, aidiyyəti qurumlar, ələlxüsus ETSN-i isə, özbaşınalıqlara göz yumur. Görünür, Nəsimi RİH başçısı Asif Əsgərov keçmiş həmkarlarını xatırlamır. Düşünmək lazımdır ki, ölkənin rəhbəri var və bütün sahələrdə nəzarəti daha da gücləndirib. Hörmətli icra başçısına bildirmək istəyirik ki, tənqid özü bir nəticədir. Movzu ilə bağlı məsələ diqqətimizdədir.

GundemXeber.Az