"Faktor Lizinq” MMC-nin sahibi Ehtiram Alıyevlə bağlı redaksiyamıza şikayət məktubu daxil olub. Bakı şəhər sakini Təyminə Yusifova bildirir ki, Ehtiram Alıyevin onun izinə adam salıb məhv edəcəyini, başına oyunlar açacağlnı, nə olur olsun cinayət işi açdıracağı ilə hədələyir və heç kimin onu cəzalandıra bilməyəcəyini deyir. T.Yusifovanın cumhuriyyet.az-a bildirdiyinə görə, E. Alıyev faktik olaraq etibardan sui istifadə edərək dələduzluq yolu ilə onun üzərinə əlavə borc qoyub.

ASAN xidmətdə bağlanan saxta borc müqaviləsi

Hadisənin təfərrüatına gəldikdə isə cumhuriyyet.az-a daxil olan məlumata görə Bakı Şəhəri Səbail Rayon Məhkəməsinin 19.12.2016-cı il tarixli qətnaməsinə əsasən 250.000 manat məbləğində pul Təyminə Yusifovadan alınaraq "Faktor Lizinq” MMC-yə qaytarılması qət edilmişdir. Bu qərardan bir neçə il sonra E.Alıyev öz planını işə salır. Təyminə xanım baş verənlərlə bağlı bildirir: "2019-cu ildə Ehtiram Alıyevə 250.000 pulu hələ ki, qaytara bilmədiyimi, amma hər hansı bir problemin olmadığını, həmin məbləğdə pulun yaxını olan İlqar İsmayılovun formal olaraq mənə verilməsi barədə notariusda müqavilə bağlamağımı, ondan sonra 250.000 manat pulu nə vaxt istəsəm verə biləcəyini dedi”. Bunun ardınca baş verənlər isə əsl dələduzluq əməlidir. Belə ki, İlqar İsmayılov adlı şəxs və Ruslan Alıyev Bakı şəhərində yerləşən 2 saylı ASAN Xidmətdə T.Yusifovaya 290 min dolllarlıq borc müqaviləsinə imza etdirirlər. Halbuki, o vaxta qədər Təyminə xanım İlqar İsmayılov adlı şəxsi ümumiyyətlə tanımayıb, İlqar İsmayılov Ehtiram Alıyevin tanışı olub.

Mənzilin ələ keçirilməsi

Etibardan sui istifadə edilərək borc müqaviləsi bağlanmasından bir neçə ay sonra Ehtiram Alıyev T.Yusifovanı yanına çağırıb İlqar İsmayılovla bağladığım müqavilənin o qədər də güvənli olmadığını, İlqar İsmayılovun Azərbaycan Respublikasından birdəfəlik gedəcəyini, ona görə də onun adına olan Bakı şəhəri, Yasamal rayonu, Nizami küçəsində yerləşən 63 saylı evin 33 saylı mənzilin yarı hissəsini "Faktor Lizinq” MMC-yə keçirilməsi barədə Ruslan Alıyevlə barışıq sazışı bağlamağı tələb edir. Həmçinin bildirilir ki, bu halda İlqar İsmayılovla bağılanan borc müqaviləsi cırılacaq. Təyminə xanım yenə də E.Alıyevə inanaraq, həmçinin ona olan 250.000 manat borcu verəcəyinə əmin olduğu üçün Ehtiram Aliyevlə razılaşır. 

Beləliklə Bakı şəhəri, Yasamal rayonu, Nizami küçəsində yerləşən 63 saylı evin 33 saylı mənzilin yarı hisssəni "Faktor Lizinq” MMC-yə keçirilməsi barədə Ruslan Alıyevlə barışıq sazışı bağlanır. T.Yusifova bildirir ki, bu zaman Ehtiram Alıyev and içərək İlqar İsmayılovla bağlanan borc müqaviləsinin cırıldığı və borc pul verildikdən sonra da evin yarı hissənin "Faktor Lizinq” MMC-yə keçirilməsi barədə Ruslan Alıyevlə bağlanan barışıq sazişinədə xitam veriləcəyini bildirir.

Ehtiram Alıyevin gerçək niyyəti

Bir müddət sonra Ehtiram Aliyevin çirkin niyyəti, yəni etibardan sui istifadə edərək borc və barışıq sazışlərindən əmlakları qanunsuz yollarla ələ keçirmək istəyi üzə çıxır. Belə ki, T.Yusifova məhkəməyə çağırılmadan Bakı inzibati məhkəməsində qərar çıxartdıraraq Ehtiram Alıyev qanunsuz yollarla mənim adıma Bakı şəhəri, Yasamal rayonu, Nizami küçəsində yerləşən 63 saylı evin 33 saylı mənzilin yarı hisssənin çıxarışını öz adına keçirir. Bu bəs etmirmiş kimi İlqar İsmayılovla saxta yolla bağlanan və sonra guya cırıldığı deyilən borc müqaviləsinə əsasən Təyminə xanımdan İlqarın adı ilə pul tələb edir.

Dövlət orqanlarınan adından sui istifadə

Ehtiram Alıyev son 3 ay ərzində Təyminə Yusifova və onun keçmiş həyat yoldaşı Barat Abdullayevə zəng edərək Bakı şəhəri, Yasamal rayonu, Nizami küçəsində yerləşən 63 saylı evin 33 saylı mənzilin hamısının və Bakı şəhəri Nəsimi rayonu Mirzə İbrahimov küçəsi 18 ünvanında yerləşən "Nemi Museum” adlı hotelin yarısını onun adına keçirtməyi, əks halda bütün əmlaklara əl qoyacağını bildirir. T.Yusifova son baş verənlərlə bağlı bildirir: "Azərbaycan Respublikası Daxili İşlər Nazirliyində, Məhkəmələrdə və digər orqanlarda Ehtiram onun adamlarının olduğunu, ona heç bir şey etməyə gücümüzün çatmayacağını, mənə cinayət işi açdıracağını, İlqar İsmayılovu tanımadığını, başıma oyun açacağını bildirir. Həmçinin son 2 həftədir ki, zəng edərək Bakı şəhəri, Yasamal rayonu, Nizami küçəsində yerləşən 63 saylı evin 33 saylı mənzilin yarı hisssənin çıxarışını öz adına aldığını, artıq həmin evin onun olduğunu və evin açarını verməyimizi tələb edir və açarı verməsək qapını sındıraraq girəcəyini bildirir”. Təyminə Yusifova və Barat Abdullayev dəfələrlə Ehtiram Alıyevlə şəxsən görüşərək və telefonla danışaraq ondan alınan borcu (yəni məhkəmə qərarı ilə müəyyən edilmiş məbləği, Ehtiram Alıyevin özünün hesabladığı məbləği deyil) tam və artıqlamasıyla verəcəklərini, həmçinin ona verməli olunan pulun 2 qat məbləği həcmində Bakı şəhəri, Yasamal rayonu, Nizami küçəsində yerləşən 63 saylı evin 33 saylı mənzilin yarı hisssənin çıxarışını öz adına aldığını bildirsələr də Ehtiram Alıyev həmin evin tam hissəsini onun adına keçirməyi, əlavə olaraq ümumilikdə ona 2 milyon pul verməyi tələb edir.

İlqar İsmayılovun dələduzluq şərikliyi

Baş verənlər onu göstərir ki, Ehtiram Alıyev əslində İlqar İsmayılovla əlbir olub vətəndaşları aldatmaqla məşğuldur. Bu gün də İlqar İsmayılovu tanımadığını bildirməklə özünü kənarda saxlayan Ehtiram əslində İlqarla bütün dələduzluqlarda şərikdir, həm də biznes ortaqlığına malikdir. O, İlqar İsmayılovun vasitəsi ilə başqa əmlakları və külli miqdarda pul əldə etmək istəyir. İlqar İsmayılov hazırda Amerikada yaşayır və Ehtiram Alıyev də dəfələrlə onunla bu ölkədə görüşüb. Digər tərəfdən E.Alıyev tanımadığı İ.İsmayılovla necə müqavilə bağlayır? İlqar İsmayılovun Ehtiram və Ruslanla əlaqələri araşdırılsa Ehtiramın və Ruslanın hazırkı tarixədək gördüyü bütün saxta işlər ortaya çıxacaq və onların əsl niyyəti bilinəcəkdir. İlqar İsmayılovun məlum müqavilədə göstərilən 290 min dolları necə qazanması da sual doğurur. Bu qədər kapitalı olan şəxs dövlətə vergi verməliydi ki, bu da araşdırılması vacib olan məqamdır. Eyni zamanda İ.İsmayılovun məhkəmədə iştirak etmədən onu kimlərin təmsil etdiyi də sual yaradır. Həmçinin İlqar Azərbaycan Respublikasına gətirilsə, T.Yusifovanı tanımadığı, onun adı ilə Ehtiramın saxta yolla pul qazanması məlum olacaqdır.

Son ümid yeri dövlətdir

Vətəndaş bütün baş verənlərlə bağlı ölkə rəhbərliyinə, hüquq mühafizə orqanlarına müraciət edib. Bir xanım olaraq Azərbaycan Respublikasının Birinci Vitse Prezidenti Mehriban Əliyevadan kömək istəyən Təyminə Yusifova hüquqlarının qorunması üçün dövlətə güvəndiyini bildirir: "Sizə inanıram və ümid edirəm ki, "Faktor Lizinq” MMC-nin sahibi Ehtiram Alıyevin və Ruslan Alıyevin saxta sənədlər və aldatma (dələduzluq) yolu ilə bir xanıma məxsus əmlakların ələ keçirilməsinə imkan verməməklə yanaşı həmin şəxsin fəaliyyətinin araşdırılması ilə bağlı qanunvericiliyə uyğun hərəkətlərin edilməsinə göstəriş verəcəksiniz. Çünki Ehtiram Aliyev mənə dəfələrlə pulunun və hər bir orqanda adamlarının olduğunu deyib, ona heç bir şey edə bilməyəcəyimi bildirib məni gülləyərək öldürməklə hədələyir. Məni izlətdiyini, silahının olduğunu, başıma oyun açacağını bildirir. Mən əmlakım və həyatım üçün ciddi təhlükə görürəm. Bir Azərbaycan qadını kimi tək ümidim Sizədir!”.

Gundemxeber.Az