Əvvəlki yazımda bildirmişdim ki, Rəvanə xanımın mücadiləsindən yazacam.  

 2017_ dən 2019_ un əvvəlinə kimi öldürülənlərin varislərinin heç biri mənimlə əlaqə saxlamırdılar..... çox soyuq münasibətimiz var idi, bu qatil sürüsü elə bir vəziyyət yaratmışdı ki, məni düşmən gözündə görürdülər, ......

   Validə müxalifətə qoşulub, onun sonu yaxşı olmayacaq, müxalifət düşməndi bu dövlətə, nə bilim daha nələr......

   Hər birimizə ayrı ayrılıqda deyirdilər sənin oglun, sənin həyat yoldaşın səfən aparıblar, məsələn Xavər xanıma demişdilər Saxavəti o biri Səxavətin yerinə dəyişik aparıblar   mənim qaynımgilə Babək Səmidli demişdi Elçin səhvən gedib səs küy salmayın cinayətkar şəbəkə aşkarlanıb ...səs küy salsanız acıga düşüb cinəyatkar şəbəkəyə,  cinayətkar dəstəyə qatarlar.....hətta bir dəfə Xavər xanım məhkəmənin qarşısında (hərbi prokurorluq Xavəri elə doldurmuşdu ki öldürülənlərin varisləri ilə hər an savaşa girirdi) ucadan dedi ki Şöhrət Qəhrəmanov deyir ki, o ucadan danışan valideyinlər var eyyyyyy məhkəmənin sonunda başın yerdən qaldıra bilməyəcək......təbiiiiiii ki, bərkdən danışan Elçinin valideyinləri idi.......Xavər  xanıma yaxınlaşıb var gücümlə qışqıra qışqıra dedim:  hansı kopəyin oglu, hansı köpəyin qızı mənim səsimi kəsə bilirsə buyursun kəssin.....və o gün mənim bu sözümdən sonra Xavər xanım Şöhrət Qəhrəmanova ( o qatilə) zəng etdi, eşitdim ki, o alçaq qatil Xavər xanıma deyir ki onun oğlun 11_ nəfərlik vətən xainlərin içinə yazmışam........

  Deyəcəyim odur ki,  qatil sürüsü varisləri açıq aşkar idarə edirdi.......nə qədər başa salmağa çalışırdım  ki, mən müxalifət nədi bilmirəm. biləcəyim bir şey var, mənim oğlumu öldürənlərlə dost ola bilmərəm, əlbəttə müxalif olacam, yəni demiyəcəm ki, yaxşı edib öldürmüsünüz, ancaq savadsız cahil, dünyadan bixəbər,  gecə gündüz balalarımızı böyütmək üçün çalışan insanlar idik.........

    Beləcə özləri də bilmədən qatillərin o iyrənc əməllərinə xidmət etmiş olurdular......

   Bir gün Rəvanə xanım mənə zəng edib dedi ki, getmişdim bir qocaman gözəl insan vəkil var onun yanına olanları başımıza gələnləri danışdım ...... Validə xala senin dediklərini məsləhətlərini də ....tələb etdiklərini də.  ( artıq iki   ilə yaxın idi ki, aksiyalar keçirirdik) danışdım nəyin düz, nəyin səhv olduğunu soruşdum, vəkil mənə hər şeyi başa saldı:  dedi ki, bu qatil sürüsü sizi aldadırlar, get o Validə deyilən ana nə edir sən də onu et.......

   Rəvanə xanım artıq anlamışdı ki,  onları aldadırlar, o gündən sonra iki balansını da götürüb bizlə bərabər aksiyalara qoşuldu və hər kəsdən fəal oldu ......iki körpə uşaqla bir dəfə də olsun bizdən, biz valideyinlərdən geri qalmadı, əksinə çox valideynlərdən aktiv oldu .....və həm də tam dərk etmişdi ki, qatillər kimlərdi ......mənim qədər mənimlə birlikdə mücadilə etdi və bu gün də o mücadiləni davam etdirir......  Haqq yerin tapmayınca geri durmayacagını dəfələrlə bəyan edib.......

   Tərtər qətliamının açılmasında Rəvanə xanımın xüsusi bir yeri var.....( dəfələrlə iki körpə balasını  qonşuya, anasına, atasına, qardaşına verib gəlirdi) 

    Gələn yazımda zərərçəkmişlərdən yazacam və zərərçəkənləri necə qorxu altında saxlamaqlarından  yazacam ən əsası Vaqif Abdullayevdən.....Vaqifin mücadiləsindən yazacam......." 

(c) Validə Əhmədova 

Validə Ananın bu yazısında göstərilənlərə dair kiçik bir arayış: 

Yazıda adı çəkilən və hansı canlıdan törədiyi elmə məlum olmayan Tərtər qətliamının sözün əsl mənasında ən mürdar iştirakçılarından biri Şöhrət Qəhrəmanov (fotoda gördüyünüz məxluq) Tərtərdə törətdiyi cinayətlərdən sonra 2019-2022 illərdə vəzifədə ildırım sürətilə böyüdülüb. Bu gün də cinayətlərini davam etdirməkdədir. Elə digər qatillərin hamısı kimi. 

Öncə 2019-da Bakı hərbi prokurorunun müavini, ardınca 2020-ci ildə Şəmkir hərbi prokuroru və 2022-ci ildə isə Gəncə hərbi prokuroru təyin olunub. Bunu sadəcə bilməyiniz üçün yazmadım. Yazdım biləsiniz ki, insanlıq düşməni olan bu qatilləri sonuncusuna qədər aradan qaldırmayınca (istənilən şəkildə) Azərbaycan xalqının mövcudluğu sual altında olacaq. 

Ərəstun Oruclu

GundemXeber.Az