Müğənni Ayan Babakişiyeva yeni kilipini təqdim edib.

ANS PRESS-in məlumatına görə, gənc ifaçı Ayan Babakişiyeva ötən gün media əhlini başına toplayaraq “Səndən sonra” adlı mahnısına çəkdirdiyi klipin təqdimatını keçirib.

Ceyhun İbrahimoğlu və Vüsal Həsəninin rejissorluğunu etdiyi klip paytaxtın mərkəzində və dəniz kənarında çəkilib. Maraqlı görüntülər yer alan klipdəki yataq səhnəsi də sosial şəbəkədə gün ərzində müzakirə olunan mövzulardan biri olub.

Klipdə gənc ifaçının imici üzərində Səbinə İmanova işləyib, libaslarını isə modelyer Şəlalə Qurbanova hazırlayıb.

Qeyd edək ki, “Səndən sonra” mahnısının sözləri və musiqisi Tural Bayraməliyevə məxsusdur.