Hörmətli oxucular, bu günlərdə biz “Hattuşa”nın, yoxsa “Apaydın TATİL MMC-nin vədləri” adlı bir yazı ilə çıxış etmişdik. Yazının girişində bir neçə gəncin redaksiyamıza müraciət edərək adıçəkilən şirkət tərəfindən əmək haqlarının mənimsənilməsindən və ümumiyyətlə, şirkətdə yol verilən qanunsuzluqlardan  danışılırdı. Biz GundemXeber.az redaksiyası olaraq 01 avqust 2024-cü il tarixindəsaat 13.04-də qarşı tərəfin deyilənlərə münasibətini öyrənmək məqsədilə şirkətdən bizə verilən ünvana - [email protected] adlı sayta rəsmi şəkildə bir neçə sualla müraciət etdik.

 Azərbaycan Respublikasının qanunvericiliyinin tələblərinə uyğun olaraq 15 gün müddətində şirkətin verəcəyi cavabı gözlədik. Sorğu tələb olunmayan məktublara 15 gün müddətinə cavab verilməli olduğunu nəzərə alaraq həmin müddətdə və ondan bir neçə gün sonra da bununla bağlı saytımızda heç bir yazı dərc etmədik. Yalnız avqustun 26-da bir daha şirkətə müraciət etdikdən sonra “Hattuşa”nın, yoxsa “Apaydın TATİL MMC-nin vədləri” adlı yazını sayta qoyduq və orada da bir daha qarşı tərəfin mövqeyini verməyə hazır olduğumuzu bildirdik. Nəhayət, avqust ayının 30-da “APAYDIN TATİL” MMC-nin və “HATTUŞA TATİL KULUBU”nun rəhbərliyinin adından elektron poçtumuza cavab daxil oldu və həmin cavabı xırda redaktələrlə dərc edirik.. 

- Bildiyimiz kimi, “Apaydın TATİL” MMC Türkiyədə fəaliyyət göstənən “Hattuşa TATİL Klubu”nun Azərbaycanda qeydiyyatdan keçmiş səlahiyyətli nümayəndəliyidir. “Hattuşa Tatil Klubu”nun Azərbaycanda “Apaydın Tatil” MMC adı altında fəaliyyət göstərməsinə səbəb nədir?

- “Apaydın Tatil” MMC “Hattuşa TATİL” Klubunun bir marketing şirkətidir. Satış müqavilələrində Hattuşa markasından istifadə olunur və podratçı şirkət kimi Hattuşa şirkəti adı ilə fəaliyyət göstərir. Korporativ kimliyi və hüquqi ünvanı müqavilədəəksini tapır. Satışlar orta büdcəyə uyğun olaraq hazırlanır və maliyyələrin hesablanması əsasında təklif olunur. Ailə büdcələrinə uyğun olaraq müxtəlif seçimlər mövcuddur. Müştəri özünə uyğun olanı olanı seçir. 

- Müştərilərlə “Apaydın TATİL” MMC arasında beş və ya 10 il müddətinə müqavilələr bağlanır. Bunun müqabilində hər müştəridən təqribən 8-15 min  manat civarında pul alınır. Bu qiymətlər necə tənzimlənir, yaxud satış işlərini “Hattuşa Tatil Klubu” həyata keçirirsə, o halda vergi necə müəyyən olunur? 

Nəzarət necə həyata keçirilir?

- Yuxarıda qeyd etdiyim kimi, “Hattuşa” markasından fərqli bir şirkət deyil. RCİ sistemindən istifadə etmək və dünyanın başqa yerlərinə səyahət etmək etmək istəyənlər RCİ qurumuna xidmət haqqı ödəyirlər. Beləliklə, xaricə səyahət edərkən qaldıqları yerlərdə əlavə qonaqlama haqqı ödəmir. Bu sistemdən təxminən 50 ildir dünyada istifadə olunur. “Hattuşa”ya ödənən 250 dollar isə təmir və xidmət haqqıdır. Bu. Müqavilədə yazılır və müştəri bunu bilir. 

- Müqavilə bağlandıqdan sonra məlum olur ki, müştərinin xarici ölkədə istirahəti zamanı onun ancaq hoteldə qalması təmin olunur. Bundan əlavə, müştəri RCİ proqramından istifadə edərsə, o halda əlavə olaraq 500 dollar ödəməli olur. Tutaq ki, müştəri istirahət etmək üçün Türkiyə dövlətini seçib, həmin vaxt müştəri əlavə olaraq 250 dollar “komendant pulu” ödəməli olur. Bütün bunlara baxmayaraq, bütün səndələşmə işləri və maliyyə əməliyyatları “Apaydın TATİL” MMC-nin adından həyata keçirilir. Fəaliyyət və reklam işləri isə, Türkiyədə qeydiyyatdan keçmiş “Hattuşa TATİL Kubu”nun üzərindən aparılır. Bu halda ortaya sual çıxır, belə bir formada iş aparılmasına səbəb nədir? 

- Burada gizli bir şey yoxdur. “Apaydın” marka deyil, bir rəsmi şirkətdir. Bunu hər kəsin bilməsi vacib deyil, tanıdılması gərəkən “Hattuşa”dır, onun marka məlumatıdır. Dünyada əksər şirkətlər marka adı ilə fəaliyyət göstərir və tanınır. 

- Fakt budur ki, bu gün “Apaydın TATİL” MMC haqqında sosial mediada heç bir məlumat yoxdur, buna baxmayaraq müqavilələr səlahiyyətli diler funksiyasını yerinə yetirən “Apaydın TATİL” MMC ilə bağlanır. Bu şirkət haqqında məlumatın hər kəsdən gizlin saxlanılmasının səbəbi nədir?

- Bu, beynəlxalq bir markadır. Tanıtım edilən yerlərdə və günlərdə qonaqlara razılaşdıqlıarı halda “tətil” satışı edilir. Günün sonunda alınıb-alınmamasından asılı olmayaraq, dəvətlilər arasında çəkiliş edilir, bir neçə şəxsi Türkiyəydə qonaqlama xərci ödəmədən qonaq edirik. Öz təsislərimizi tanıdırıq. Bu, etdiyimiz işin arxasında durduğumuzun və qarşılığında təhlükəsizliyə zəmanət verməyimizin bir sübutudur. Bu situasiya bizim möhkəmliyimizi və böyüklüyümüzü göstərir. 

- Siz Azərbaycanda 2023-cü ilin dekabrında fəaliyyətə başlamısınız, bu ilin favral ayında isə “Qala gecəsi” adlı tanıtım tədbiri keçirmisiniz. O vaxtdan başlayaraq müştəriləri Bakı şəhəri, Nizami rayonu, B.Çobanzadə küçəsi 33 ünvanında yerləşən “Sapfir” sarayına püşkatmaya dəvət edib, hər ay həftənin 4-cü, 5-ci, 6-cı və bazar günləri təşkil edilən, həmçinin Türkiyədə fəaliyyət göstərən “Hattuşa TATİL KLUBU”-nun tanıtım gecəsi keçirilməsi adı altında çağırıb, guya ki, “endirim ancaq bu gün olacaq” deyərək insanları aldatmaq nə dərəcədə düzgündür? 

-Belə bir şey mümkün deyil, hansı dövrdə yaşayırıq? Yanlış mənbədən verilən informasiyalardır. Türkiyədə 100 minə yaxın üzvümüz var. Bu qədər böyük bir beynəlxalq markanı bu şəkildə təqdim etməyinz düzgün deyil. Obyektiv mətbuat anlayışına uyğun gəlmir. Azərbaycanda yüzlərlə ailə gəlib-gedir və xidmətimizdən istifadə edir. 

- Komanda rəhbərinin mütəmadi olaraq işçiləri təhqir etməsi, tədbirlər başa çatdıqdan sonra gecə saat 2-3 radələrində işçiləri orada saxlayıb, iclas keçirməyinizi, oraya dəvət edilən qonaqları-Azərbaycan Respublikasının vətəndaşlarını nəzərdə tutaraq “iki-üç qoyunu masada saxlaya bilmədiniz, onlar niyə çıxıb getdilər?” deyə təhqiramiz şəkildə işçilərə irad bildirmənizi necə izah edərdiniz?

- Yalandır. Mənbəniz dedi, yoxsa öz iddianızdır? Belə fikirləşən bir qurum Azərbaycana buranın insanları üçün tətil təsisatı yaratmağa, tərəfdaşlıq etməyə gələrdimi? Türkiyədə, yaxud dünyada başqa bir yer yoxdumu? Belə iddiaları qeyri ciddi hesab edirik. Şirkətimizdə çalışanların hamısı rəsmi şəkildə işə götürülüb və məvacib alır. Türkiyədən gələn bütün personalın iş icazəsi var. Bu işlərə nəzarət edən azərbaycanlı tərəfdaşımızın belə bir şeydən bəhs etməsi çox mənasızdır. Bütün əməkdaşlarımızın normal maaş və ya hüquqları təmin edilir. İşdən çıxmış, yaxud çıxarılmış personal mükafat qazanmamışsa, məqsədlərini gerçəkləşdirməmişsə, əlavə bonus qazanmır. Bu məsələ azərbaycanlı insan resursları şirkəti tərəfindən günlük nəzarət edilən və onların nəzarəti ilə hərəkət edilən bir haldır. Belə bir şey mümkün deyil. Bu, bizə qarşı şəxsi qərəz və böhtandır. Buna cavab verməyə ehtiyac yoxdur, belə bir hal mümkün deyil. Bunlar  uydurma iddialardır. Müştəri ilə firma arsında olan problemlər Azərbaycan məhkəmələrində həll olunur. Müştəri Türkiyədə qonaqlama edildiyi zaman rastlaşacağı problemlər üçün Türkiyə məhkəmələrinə müraciət edir. Əlavə olaraq, iddiası olanları sənədlərini bizə və ya hüquq məhkəmələrinə təqdim edib sübut etməyə dəvət edirik. Əks halda, biz bütün əsassız məlumat, sənədsiz iddia və qarayaxmalara qarşı hüquqlarımızdan istifadə edəcəyik.

GundemXeber.Az