“Gənclər evi” Nazirlər Kabinetinin 2016-cı il 8 iyun tarixli 218 nömrəli qərarı ilə təsdiq edilmiş, inzibati ərazi vahidlərində əhalinin sayı nəzərə alınmaqla, dövlət büdcəsindən ayrılan vəsaitlər hesabına inşa edilmiş və gənclər siyasətinə aid sahələrdə fəaliyyət göstərən sosial xidmət müəssisəsidir.

“Gənclər evi” Gənclər və İdman Nazirliyinin strukturuna daxil olmayan, tabeliyində olan və dövlət büdcəsindən maliyyələşdirilən qeyri-kommersiya hüquqi şəxsdir. “Gənclər siyasəti haqqında” qanuna uyğun olaraq gənclər arasında vətənpərvərlik işinin gücləndirilməsi, onların ahəngdar inkişafı və asudə vaxtının təşkili, gənclərə psixoloji reabilitasiya, hüquqi və informasiya yardımlarının göstərilməsi məqsədi ilə “Gənclər evi” sosial xidmət müəssisələrinin şəbəkəsi yaradılıb.

Azərbaycan Respublikası Gənclər və İdman Nazirliyinə tabeli “Gənclər Evi” Sosial Xidmət Müəsissələrinin rayonlarda yerləşən şöbələri maşın və avadanlıq (kompüter,videokamera və s.) satın alınması üzrə kotirovka sorğusu keçiriblər.

“Biləsuvar Gənclər Evi” Sosial Xidmət Müəsissəsi tərəfindən maşın və avadanlıq (kompüter,videokamera və s.) satın alınması üzrə keçirilmiş kotirovka sorğusu prosedurunun qalib “GRESER LUX TECHNOLOGY” MMC seçilib və şirkət ilə 22.966,30 AZN dəyərində satınalma müqaviləsinin bağlanması nəzərdə tutulur.

Bu məlumat ətrafında araşdırma apardıq. Məlum oldu ki, “GRESER LUX TECHNOLOGY” MMC ilə 22.966,30 manat “Yevlax Gənclər Evi”, 22.966,30 manat “Mingəçevir Gənclər Evi”, 22.966,30 manat “Şəmkir Gənclər Evi”, 22.966,30 manat “Beyləqan Gənclər Evi”, 22.966,30 manat “Füzuli Gənclər Evi”, 22.966,30 manat “Sabunçu Gənclər Evi”, 22.966,30 manat “Balakən Gənclər Evi”, 22.966,30 manat “Ucar Gənclər Evi”, 22.966,30 manat “Suraxanı Gənclər Evi”, 22.966,30 manat “Qobustan Gənclər Evi”, 22.966,30 manat “Sumqayıt Gənclər Evi”, 22.966,30 manat “Göygöl Gənclər Evi”, 22.966,30 manat “Siyəzən Gənclər Evi”, 22.966,30 manat “Gəncə Gənclər Evi”, 22.966,30 manat “Kürdəmir Gənclər Evi”, 22.966,30 manat “Bakı Gənclər Evi”, 22.966,30 manat “Göyçay Gənclər Evi”, 22.966,30 manat “Saatlı Gənclər Evi”, 22.966,30 manat “Tovuz Gənclər Evi” , 22.966,30 manat “Sabirabad Gənclər Evi”, 22.966,30 manat “Şirvan Gənclər Evi”, 22.966,30 manat “Qazax Gənclər Evi”, 22.966,30 manat “Ağstafa Gənclər Evi” Sosial Xidmət Müəsissələri arasında satınalma müqavilələrinin bağlanılması planlaşdırılır.

Bəs bir şirkətin bir nazirliyə tabeli müəssisələrin keçirdiyi kotirovka sorğularının qalibi olmasına qanunlar necə, yol verirmi? Qanun bəzi istisnalardan başqa istənilən şirkətin istənilən satınalmalarda iştirakına yol verir. Qanunla satınalmalarda iştirakçı şirkətlərin sayı üçdən az olmamalıdır. Bəs necə ola bilər ki, Gənclər və İdman Nazirliyinə tabeli “Gənclər Evi” Sosial Xidmət Müəsissələrinin keçirdikləri kotirovkaların hamısında qalib məhz “GRESER LUX TECHNOLOGY” MMC seçilir? Hansı üstünlüklərinə görə bu şirkət qalib seçilir. Bu satınalmalarda bu şirkətlə rəqabət apara biləcək şirkət heç iştirak etmirmi?

Maraqlı orasıdır ki, on ildən çoxdur ki fəaliyyət göstərən, Gənclər və İdman Nazirliyinə tabeli “Gənclər Evi” Xidmət Müəsissələrinə kompüter, videokamera avadanlığı satan “GRESER LUX TECHNOLOGY” MMC-nin açıq internet axtarış sistemlərində nə bir sosial şəbəkə hesabı, nə də veb səhifəsi var. Həmçinin də MMC-nin qanuni təmsilçisi Rüstəmli Elçin Rüstəm oğlunun barəsində heç bir məlumat yoxdur.

Rəsmi, Dövlət Vergi Xidmətinin hüquqi şəxslərin dövlət reyestrinə daxil edilmiş məlumatlarında “GRESER LUX TECHNOLOGY” (VÖEN: 1002940911) Məhdud Məsuliyyətli Cəmiyyətinin 13.05.2013-cü il tarixdə Bakı şəhəri Lokal Gəlirlər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı cəmi 4 manat olan MMC-nin hüquqi ünvanının , BAKI ŞƏHƏRİ BİNƏQƏDİ RAYONU, SÜLEYMAN SANİ AXUNDOV, ev 2, MƏH.3123, m. 51, qanuni təmsilçisi kimi isə Rüstəmli Elçin Rüstəm oğlu qeyd olunub.

Satınalmaların internet portalına yerləşdirilimiş bu məlumatlardan da görsəndiyi kimi “GRESER LUX TECHNOLOGY” MMC son iki gün ərzində Gənclər və İdman Nazirliyinə tabeli 20-dən çox “Gənclər Evi” Xidmət Müəsissələrinin keçirdiyi kotirovkaların qalibi seçilib və ümumi dəyəri 500 min manatdan çox olan satınalma müqavilələri bağlamağı nəzərdə tutur.

Burada ya Gənclər və İdman Nazirliyinə, ya da tabeliyindəki “Gənclər Evi” Xidmət Müəsissələrinin hər hansı birinə sorğu yazsaq, hamısı cavab verəcək ki, kotirovkalar elektron qaydada, “Dövlət Satınalmaları Haqqında” Azərbaycan Respublikası Qanununun tələblərinə uyğun keçirilib, heç bir qanunsuzluğa yol verilməyib. Əlavə malumatları Antiinhisar və İstehlak Bazarına Nəzarət Dövlət Xidmətindən əldə edə bilərsiniz.

Odur ki, sualımız Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin rəsmilərinədir. Gənclər və İdman Nazirliyinə tabeli “Gənclər Evi” Xidmət Müəsissələrinin hamısının bir şirkəti qalib seçməsində şəffaflıq varmı? Əlbəttə, yoxdur. Bu azad rəqabətin açıq şəkildə pozulması deməkdir. Burada şəffalıqdan əsər-əlamət belə yoxdu.Bu inhisarçılıqan başqa bir şey deyil. Bu satınalma deyil, bu Gənclər və İdman Nazirliyinin rəsmilərindən birinin sifarişinin icrasıdır./Aktualinfo.org/