«Qırmızı Körpü» Keçid Məntəqəsindəki qarşıdurma ölkə gündəmində ciddi rezonans doğura bilər, söhbət gömrüyün böyük sirlərinin mətbuata ötürülməsindən gedir
Son zamanlar gömrük məntəqələrində böyük «çəkişmələr» diqqəti gəlb edir. Bakı Baş Gömrük İdarəsinin rəisi Vüsal Novruzovla Astara Gömrük Məntəqəsinin rəisi Hikmət Məmmədov arasında başlanan «böyük mətbu savaş» bitmədən gömrük sahəsində yeni savaşın sədaları eşidilib. Amma bu dəfə «savaş» Gömrük Məntəqəsinin rəisi ilə onun müavini arasında başlayıb.
Məlumatda bildirilir ki, gömrük sahəsində başlanan savaşın əsil səbəbi təhlükəsizlik xidmətlərinin birində yüksək vəzifə sahibi olan bir generalın Gömrük Komitəsini fövqəladə hallar naziri Kəmaləddin Heydərovun kurasiyasından çıxarmaq istəməsi və gömrük sistemini öz nəzarəti altına almaq niyyətidir. Elə bu üzdən də son zamanlar gömrük sistemində böyük «çəkişmələr» yaşanır. Hazırda isə bu savaş Qazaxda, Gürcüstan sərhədində yerləşən «Qırmızı Körpü» Keçid Məntəqəsinə sıçrayıb.
Bu barədə daxil olan məlumatda bildirilir ki, «Qırmızı Körpü» Keçid Məntəqəsinin rəisi Ceyhun İbrahimovla, onun müavini Elsevər Vəkilovun arasında «savaş» başlayıb. Belə ki, məlumata əsasən təhlükəsizlik xidmətlərinin birində yüksək vəzifə sahibi olan generalla anlaşan Elsevər Vəkilov Ceyhun İbrahimovun yerinə keçmək bütün imkanlarını səfərbər edib. Elsevər Vəkilovun artıq bir çox yerlərdə söhbətinin keçdiyi bildirilir və durumdan Ceyhun İbrahimovun da xəbərdar olduğu bildirilir. Elə bu üzdən də, Ceyhun İbrahimov uzun iilər boyu birlikdə çalışdığı müaviniini «yola salmaq» istəyir. Lakin bu heç də asan məsələ deyil. Çünki Kəmaləddin Heydərovun yaxınlarının gömrükdə vurulması artıq daha yüksək səviyyədə gündəmə gəlib və bu sahədə «fövqəlnazir» bu məsələdə doğurdan problemlə üzləşib.
Mənbə bildirir ki, bu problemin həlli üçün «fövqəlnazir»ə zaman lazımdır və yəqin ki, Gömrük Komitəsinin Kəmaləddin Heydərovun nəzarətindən çıxıb-çıxmaması seçkilərdən sonra bəlli olacaq. Amma problem ondan ibarətdir ki, getdikcə Gömrük sahəsində qarşıdurmalar artır və bu da «fövqəlnazir» üçün ciddi problemə çevrilməkdədir. Çünki artıq bir çox yerlərdə gömrük sistemində Kəmaləddin Heydərova yaxın olan şəxslərin bəziləri tərəf dəyişməyə başlayıblar ki, bu heç də sıradan bir prosses kimi qəbul oluna bilməz. Daxil olan məlumatda qeyd olunur ki, «Qırmızı Körpü» Keçid Məntəqəsindəki qarşıdurma ölkə gündəmində ciddi rezonans doğura bilər. Söhbət gömrüyün böyük sirlərinin mətbuata ötürülməsindən gedir.
Qeyd edək ki, «Qırmızı Körpü» Keçid Məntəqəsi ölkənin ən biabırçı gömrük məntəqələrindən biridir. Bildirilir ki, bu keçid məntəqəsində həftəlik rüşvətin həcmi 10 milyon manatı aşır və bu keçid məntəqəsində 20 ildir ki, çalışan Elsevər Vəkilovun sərvəti ölkənin sayılan oliqarxlarının sərvətindən heç də dala qalmır.
Yazıda adı keçən şəxslərin mövqeyini dərc etməyə hazırıq
Zaur