Saatlının icra başçısı danlanıb və barəsində korrupsiya
şikayətlərinin çox gəldiyi xəbərdarlıq olunub

Saatlının icra başçısı Siraqəddin Cabbarov Prezident Administrasiyasına çağırılıb. İcra başçısına PA-da qulaqburması verilib və danlanıb. Onun diqqətinə çatdırılıb ki, qara dəftərdə adı keçir və elə etməsin ki, tamamilə məsələsi həll olunsun.
Bu barədə “Gündəm-xəbər”ə verilən məlumatda deyilir ki, başçıya xəbərdarlıq olunub, yadına əməlləri salınıb və adının şikayələrdə çox hallandığı, korrupsiya ilə bağlı məlumatlar gəldiyi diqqətinə çatdırılıb. Mənbə qeyd edir ki, prezident korrupsiyaya, məmur özbaşınalıqlarına qarşı mübarizə tədbirlərini gücləndirdiyindən Saatlı RİH başçısı vəzifəsini itirmə təhlükəsi ilə üzləşib.
S.Cabbarova mətbuatla işləmək, şikayətlərin sayını azaltmaq və bir də belə səhvə yol verməmək tapşırılıb. Deyilib ki, əgər korrupsiya dosyelərinin siyahısın uzansa, heç kəs onu xilas edə bilməyəcək. Doğurdan da, Saatlı haqda sensasion və faktlarla dolu müraciətlər mediada aşıb-daşır. Hakimiyət də ona son müşavirələri yada salıb və prezidentə bölgədə problem yaratmaması əmr edilib. Ümumiyyətlə, bu icra başçısı həmkarlarından fərqlənir. Heç kimi saymır, özünü ağa hesab edir, postunu toxunulmaz bilir və bu arxayınçılıq onun müqəddəratını həll edə bilər.
Qeyd edək ki, son aylar ərzində Saatlı RİH-nin başçısı haqqında Prezident Adminstrasiyasına daxil olan şikayətlər xeyli artıb. Buna görə də ehtimal etmək olar ki, ölkə rəhbərliyinin korrupsiya və rüşvətxorluğa, məmur özbaşınalıqlarına qarşı mübarizə tədbirlərini gücləndirdiyi bir zamanda S.Cabbarovun vətəndaşları hakimiyyətdən narazı salmağa yönələn fəaliyyəti onun öz postunu itirməsi ilə nəticələnə bilər.Hələ 2012-ci ildə Saatlıda özbaşnalıqlara dair ölkə mətbuatında dərc olunan tənqidi materiallar xüsusilə küləvi xarakter almağa başladı. Həmin materiallarda Saatlı rayonu neqativ halların ən çox müşahidə olunduğu bölgələrdən biri kimi xarakterizə edilirdi.Siraqəddin Cabbarov rayonu öz şəxsi məqsədləri üçün istifadə etməyə davam etdi. İnternetin axtarış sistemlərində Saatlı sözünü yazmaq kifayətdir ki, Siraqəddin Cabbarov barəsində dolğun məlumat toplayasan.
Vətəndaşların ürək ağrıdan şikayətləri portalları “bəzəməkdədidir”. Özünə münasib insanları təhsil, səhiyyə, sosial sahələrlə bağlı şöbələrə yerləşdirən icra başçısı digər sahələri də nəzərdən qaçırmır. Rayon sakinlərinin sosial şəbəkələrdə yerləşdirdiyi informasiyalardan biri də odur ki, Siraqəddin Cabbarov son zamanlar rayonun problemləri ilə məşğul olmur.
Demək olar ki, əlində olan adminstrativ imkanlardan yararlanaraq öz biznes şəbəkələrini artırmaqla məşğuldur və tutduğu yüksək dövlət vəzifəsindən sui-istifadə edərək rayonda böyük biznes şəbəkəsi qurub. İddialara görə İcra başçısı Saatlı və İmişlidəki geniş çeşidli biznesini sel daşqınlarından ziyan çəkmiş insanlara ayrılmış dövlət vəsatinin mənimsənilməsindən əldə olunan sərmayə ilə inşa edib...” Necə deyərlər, şərhə ehtiyac yoxdur.
Rafiq Qara