Türkiyədə Allahşükür Paşazadəyə qarşı etiraz aksiyası

Hələ nurçu və vəhabilərə qarşı ilk sərt açıqlamaları ilə diqqətə gələndə Qafqaz Müsəlmanları İdarəsinin rəhbəri, bütün Qafqazın Şeyxi Hacı Allahşükür Paşazadəyə qarşı bir mətbu savaş açıldı. Kompaniyanın arxasında kimlərin dayandığı da məlum idi. Şeyx barəsində müxtəlif böhtan dolu dezinformasiyaları cəmiyyətə ötürən bəlli şəbəkə nəhayətdə usandı.
Daxil olan informasiyalardan isə aydın olur ki, deyəsən, məlum çevrə yenidən aktivləşmək fikrinə düşüb və Paşazadəyə qarşı yeni kompaniya qərarı veriblər.
Məlumatlı mənbənin iddialarına görə, birbaşa olaraq Türkiyədəki Fətullah Gülən camaatından gələn sifariş əsasında Allahşükür Paşazadəyə qarşı KİV-lərdə təbliğatın aparılması planlaşdırılır: “Burada məqsəd Şeyxə bacarılan qədər zərbə vurmaqdan ibarətdir. Bu məqsədlə Fətullah Gülən camaatına aid şirkətlərdən birinin büdcəsindən yüklü miqdarda pul da ayrılıb. Yəni Türkiyədən gələn mesajda deyilir ki, “para sorun deyil”. Bu isə Bakıdakı nurçu emissarlarını daha da fərəhləndirəcək”. Fətullah Gülən Allahşükür Paşazadəyə qarşı hərəkətə keçmə əmri verib.
Məlumatı verən mənbə açıqlamasında onu da bildirib ki, Şeyxə qarşı total hücum kompaniyasının nədənlərindən biri də QMİ-nin məscidlərə vəhabi və nurçulara qarşı kitablar paylatdırması faktıdır. Qeyd edək ki, həmin kitablarda vəhabi və nurçuların müqəddəs hesab etdikləri tarixi şəxslər də hədəfə alınır. Onu da bildirək ki, Şeyxə qarşı Türkiyədən sifarişi verilən növbəti kompaniyanın Fətullah Gülənin şəxsinin marağında olduğu da iddia edilir və hətta deyilir ki, Fətullah Gülən Şeyxlə bağlı bu günlərdə açıq fətva da verəcək.
Bu arada daxil olan məlumata əsasən İranlı alim Ayətullah Cəfər Sübhaninin Azərbyacan dilinə tərcümə edilmiş “Vəhhabilik Cərəyanı” kitabı Türkiyəni ayağa qaldırıb. Bu barədə Türkiyədən verilən məlumata görə, vəhhabiliyin tənqid edildiyi kitabda Əbu Bəkr və Ömər pis qələmə verilib. Türkiyənin İslami çevrələrdə ən tanınmış internet xəbər saytı olan islahhxeber.net buna görə Qafqaz Müsəlmanları İdarəsinin Allahşükür Paşzadəni hədəf alıb. Məlumatda Allahşükür Paşazadənin sünnilərin məscidində həmin kitabın məcbur oxudulması göstərişi verdiyi və məqsədin İranın sifarişi ilə sünnilərin hörmət etdikləri Əbu Bəkr və Öməri gözdən salmaq olduğu qeyd edilib. Xəbərdə həmçinin bildirilir ki, yaxın vaxtlarda İstanbuldakı Sultan Ahmed məscidində A.Paşazadə əleyhinə mitinq keçiriləcək. Bununla bağlı Türkiyənin baş naziri Rəcəb Tayyib Ərdoğana da müraciət olunacağı bildirilir.
TURAL