Jurnalist məhkəməsi, yoxsa məmur harınlığı.


Son zamanlar ölkədə dəbə düşən proseslərdən biri də harınlamış bəzi məmurlar tənqidinə dözmədiyi qələm əhlini məhkəməyə sürükləməsidir. Təbii ki, “haqq nazilsə də, üzülən deyil”. Məsələ burasıdır ki, bu hərəkət ilə məmur özünün oğurluğunu, rüşvətxorluğunu və iş bacarıqsızlığını ortaya qoyur. Mətbuat işçisinin isə yalnız vaxtını alır.
Məmura isə özünü hüquq nümayəndəsi kimi göstərən əyalət hüquqşünasları “yardımçı” olurlar. Məlumdur ki, yeyib-dağıtdığını ört-basdır etmək üçün mətbuat işçisinə şər-böhtan atmaqla məhkəməyə yollanan məmurun elə qabiliyyəti olsaydı bu addımı atmazdı. İkincisi də, ona nümayəndəlik edəni kökündən yaxşı tanıyardı.
Demokratiyanın başlıca atributu söz və mətbuat azadlığıdır. Azad sözə və mətbuta basqın demokratiyanı boğmaq, müstəqilliyi məhv etməkdir. Hansısa məmur tutduğu vəzifədə min hoqqalardan çıxacaq, jurnalist isə susacaq? Əsla, bu yol verilməzdir.
Qeyd edək ki, yuxarıda söyləninlərlə səsləşənlərdən bir də Azərbaycan Müəllimlər İnstitutunun Qazax Filialının direktoru Afaq Qasımovadır. Xeyli müəllim kollektivi və 477 nəfər tələbəsi olan filial birbaşa direktorun monopoliyasındadır. “Burda mənəm, Bağdadda kor xəlifə”.
Afaq Qasımova bu vəzifəyə AMİ-nin Gəncə Filialından gətirilib. Adətən bir müəssisəyə, idarəyə və ya təhsil ocağına rəhbər hansısa uğurları ilə yadda qalan təşkilatlardan gətirilir. Bu sovet dönəmindən bu cür olub. İndi isə tərsinədir. Afaq Qasımova filialda tədris işləri üzrə direktor müavini işləyirmiş. Ötən il Gəncə Filialı saxta diplomlar verdiyinə, tədrisin aşağı olmasına görə haqlı olaraq bağlanıldı. Bəs onda Afaq Qasımova niyə irəli çəkilib? Xanım nec ola bilərdi ki, Gəncə filialının direktoru işləmiş Ramiz Məmmədovun saxta diplom əməliyyatından xəbəri olmayıb? Olmayıbsa gülüncdür.
Verilən məlumata görə, Afaq Qasımova Gəncə filialında “öyrəndiklərini” Qazax filialında ikiqat həyata keçirir. Kimini “asır”, kimini “kəsir”. Gələn kimi filialda işini ixtisarla quran Qasımova, yaxşı bilirdi ki, onda bunu daha yaxşı sayacaqlar. Bir parça çörəyə möhtac olanlar işini itirməməyin xətrinə xanımı əzizləyəcəklər... Doğurdan da, onu əzizləyənlər yerində qaldılar, əzizləməyənlər, haqqı deyənlər isə direktorun qəzəbinə tuş gəldilər. Bununla da məhkəmə çəkişmələri başladı. Udan isə xanımın hüquq müdafiəçisi oldu.

Xanım yol ölçür

Salamat adam bir dəfə Qazaxdan Gəncəyə gedib - gələndə istər-istəməz yorğun düşür, ya da bəzən başı ağrıyır. Fikir verin, Gəncədən hər gün filiala gəlib qayıdan Afaq Qasımova görün hə qədər enerjilidir ki, buna dözür. Bu bir yana. Üstəlik, xanın gediş-gəlişinə gün ərzində ən azından 30 manat xərcləyir. Bunu da 20 günə vursaq 600 manat edər. Bəli, ayda 300-350 manat əməkhaqqı alan müəllimə bu pulu da yola verəndə nə yeyir, nə içir? Elə buradaca “xoruz”un quyruğu görünür. Demək, redaksiyamıza verilən məlumatlar belə təsdiqini tapır ki, xanım institutda korrupsiya və rüşvətxorluqla məşğuldur.

Pulla yola verilən sessiya və ya “təsdiqlənməyən” rüşvət.

Qəribə bir tendensiya yaranıb. Rüşvət 2 nəfər şəxs arasında aparılan haldır. Fakt bilirsən ki, düzələn işə çox vaxt əmma qoyulyr. Bir də eşidirsən düzəldi. Həmin işin əmması rüşvətlə aradan götürüldü. İş orqana gedəndə 1-ci sual bu olur: bu barədə faktın varmı, ya da isbat elə? Məsələn, AMİ-nin Qazax filialında qış imtahan sessiyasında direktor qrup nümayəndələrinin əli ilə hər tələbədən ən azından 300 manatdan yığdığı açıq-aşkar danışıldı. Bunu hamı da bilir. Di gəl Afaq Qasımovaya heç nə deyən olmadı. Belə çıxır ki, xanım bu işə havadarlıq edənlərlə “dostlaşıb”. İndi sən gəl bunu bilə-bilə, eşidə-eşidə antikorrupsiyadan danış.
O da bildirilir ki, direktor qrupda yaxşı oxuyan və özbaşına imtahan verən tələbələrin qəti əleyhinədir. Biliyin yeganə meyar olaması Qasımovaya sərf eləmir. Hətta, bir dəfə belə hal olub. Elə olub ki, qrupda oxuyan tələbələrin yarısından çoxu öz biliyinə imtahan verib. Bu işdən qəzəblənən Qasımova müəllimlərə deyib ki, bu nədir? Yəni tələbə çoxmu bilir ki, öz biliyinə qiymət alır?. Bir də belə olsa, məcburam imtahanda müəllimləri Gəncədən gətirəm. Qoyun qrupda öz biliyinə cəmi 2-3 tələbə qiymət alsın. Qalanları ilə işiniz olmasın...

Ulu öndərə sadiqlik yaxşı işlə, əməllə ölçülməlidir.

Elə bir idarə, müəssisə və təşkilat müdiri olmaz ki, başının üstündə mərhum ulu
öndər Heydər Əliyevin şəkili olmasın. O cümlədən, Afaq Qasımovanın. İndi bu Allaha da xoş getməz ki, başının üstündə ulu öndərin şəkili, altında isə rüşvət məcarası. Hansısa valideynlərin halal zəhməti ilə qazandığı pulların göz yaşları ilə filial direktoruna verilməsi. Baxmayaraq ki, tələbə valideynlərinin acınacaqlı dolanışığını nəzərə alıb, yaxşı oxumuşdur ki, öz biliyinə imtahan verəcək.
Təəssüflər olsun ki, filiala qazanc mənbəyi kimi baxan Qasımova buna imkan vermir. Bundan böyük nə dərd ola bilər? Bu bir valideynin, gələcəyə nikbin gözlə baxmaq istəyən tələbənin dərdi deyil, bütün millətin dərdidir. Bu dərdi də görənlərin susmasının özü də bir dərddir.

Təkbaşına müzakirə.

Filialda baş verən eybəcərliklər haqqında ictimailəşdirilən mövzular Qasımova Afaqın daxilində böyük istirablar törətsə də, guya büruzə vermir. Təhsil ocağındakı saxtakarlıqlar haqqında yazılanlar geniş kollektivdə müzakirə edilmək əvəzinə, bir neçə nəfər arasında yalandan protokollaşdırılır.
Filialda bacarıqlı kadrlardan olan, adının çəkilməsini məsləhət bilmədiyimiz, hansı ki, Qasımovanın sirr yoldaşı olan bir nəfər müəllimənin dediyinə görə, ali məktəbdən yazılan tənqidi məqalələri xanım özü özlüyündə müzakirə edir. Direktorun şəxsi fikirləri kompüter mərkəzində işləyən İlkin xanımın vasitəsi ilə lazımi ünvanlara göndərilir. Həmin ünvanlara da İlkin xanım formal surətdə kompüter mərkəzini “mətbuat xidməti” adlandıraraq göndərdiyi məlumatın (022 29 5 22 94 nömrəli telefonla) oxunulmasını xahiş edir. Təbii ki, bu da Afaq Qasımovanın növbəti oyunudur. Ancaq, bu məsələdə direktor da qınanılası deyil. Müəllimləri rüşvətə təhrik edən bir adam haqlı tənqidə qarşı nə deyə bilər? Yəqin ki, bunun gülünc doğuracağından ehtiyatlanaraq təkbaşına müzakirəyə keçib.

P.S. Yazı capa hazırlanarkən AMİ-nin Qazax Filialı ilə əlaqədar müvafiq orqanlara göndərilmiş şikayət dolu ərizələrlərə, təhsil nazirliyinin məsul işçisi Gültəkin xanımdan cavab məktubu aldıq. Məktubda filialın 2001-ci ildən hazırkı dövrə kimi işi yoxlanılmasından, orada bir sıra nöqsanların aşkarlandığını və bu barədə hazırlanmış arayışın Baş prokuror yanında Korrupsiyaya Qarşı Baş Mübarizə İdarəsinə göndəriləcəyi bildirilir.

Mövzuya qayıdacağıq

İlham Hacalı