Gədəbəy və gədəbəyliləri «boğan» Ramiz Yediyarovun şəhər icra nümayəndəsi ilə gizlinlərinə dair, daha bir şok iddia yayıldı

Gədəbəy rayon icra hakimiyyəti başçısı Ramiz Yediyarovun özbaşınalıqları haqda «Gündəm Xəbər»in ötən saylarında məqalələr dərc etmişdik. Bu məqalələrdən sonra, redaksiyamıza silsilə şikayətlər daxil olur.

Rayon sakinlərinin verdiyi budəfəki xəbərə görə, Gədəbəydən şikayətlərin sayı çoxaldıqca, icra başçısı Ramiz Yediyarov da qanunsuz əməllərini həndəsi silsilə ilə artırır:

«O, öz qanunsuz əməllərinə davam elətdirir. Hələ də bu məmura “dur” deyən tapılmır. Təyin edildiyi 3 il müddətində Gədəbəyi xarabaya çevirən bu məmur, indi də qədim tariximizə aid olan irsimizi dağıdıb, talan etməklə məşğuldur. Belə ki, qədim dövrlərə aid Gədəbəy rayon Mədəniyyət Şöbəsinin qarşısında qoyulan “Qoc” heykəlləri müəmmalı şəkildə, bu məmurun sifarışı ilə oradan götürülüb. Həmin abidələrin talyeini isə, rayonda 3-5 məmurdan savayı bir kimsə bilmir. Bu məsələlərə aydınlıq gətirmək əvəzinə o, özbaşına, özü də prezidentin səlahiyyətlərinə aid olan məsələlərə qarışır, qeyri-qanuni olaraq Gədəbəyin 3500 ilini qeyd etdirir. Təbii bu yaxşı işdir. Ancaq Ramiz Yediyarov belə xəbərsiz yubileyləri keçirtməklə, ondan da hansısa gəlir mənbəyi əldə etməyə çalışır. Yubiley keçirilən ərəfədə elə bir idarə və müəssisə yox idi ki, o, həmin idarələrdən ən azından 500 manat rüşvət almamış olsun. Və Gədəbəyi rüşvət mənbəyinə çevirən icra başçısı söküntü işlərini başa vurduqdan sonra, ordan heç bir gəlir götürə bilmədiyini fikirləşib, dərhal maxinasiyalarını dəyişdirdi. Əslində yaxşı olardı ki, başçı təyin edildikdən sonra Gədəbəyin təhsilinin, mədəniyyətinin, səhiyyəsinin inkişaf etməsi üçün, hansısa addımları atardı. Ramiz Yediyarov dövlətin əsas stunlarından sayılan sahələri iflic vəziyyətinə gətirərək, rüşvət mənbəyinə çevirib. Gədəbəy əhalisnin təhsilini, mədəniyyətini və səhiyyəsini demək olar ki, tamimilə məhv etdirib. Əgər belə olmasaydı o, 124 min manat rüşvətin müqabilində, təhsili xarabaya qoyan bir şəxsi yenidən mədəniyyətin başına gətirməzdi».

Şikayətçilər bildirirlər ki, Ramiz Yediyarovun və tabeçiliyində olan işçilərin qanunsuz torpaq satmaları, yeyinti və korrupsiya faktları pik nöqtəyə çatıb:

«Baş verənləri normal məntiqlə izah etmək çox çətindir. Bircə onu bilirik ki, Ramiz Yediyarovun atdığı addımlar, onun gədəbəylilərə olan qərəzindən baş verir.

Qeyd edək ki, Gədəbəy Şəhər İcra nümayəndəliyinin tabeçiliyində 4 məktəb, 2 uşaq bağçası, 1 kənd klubu və digər sahələrə ayrılmış təsərrüfat xərcləri, Ramiz Yediyarovun gözləri qarşısında, şəhər icra nümayndəsi vəzifəsini daşıyan Şahbaz Bayramov tərəfindən mənimsənilir. Pulların təyinatı üzrə xərclənməsinə aid olan sənədlərdəki imzalara nəzər salsaq, ekspertsiz - filansız hər kəsə aydın olar ki, bütün imzalar aidiyyatı vətəndaşlara yox, Şahbaz Bayramova və onun yaxınlarına aiddir. Belə ki, rayonda fəaliyyət göstərən 2 uşaq bağçasına hər ay 2600 manat pul ayrılır. Bağça rəhbərlərinə cəmi 600 manat pul verilir. Pulun mənimsənilən hissəsindən bağça rəhbərlərinin xəbəri olmur. Ona görə yoxdur ki, bu əməliyyatlar gizli aparılır. Hər il şəhər icra nümayəndəliyi tərəfindən uçaq bağçalarına 7-8 min manat yanacaq pulu ayrılır. Bu pulun müqabilində isə, cəmi hər bağçaya 8-10 kb odun verilir. Verilən 10 kb odunun bugünkü bazar qiyməti təqribən 200-300 manatdır. Beləliklə, Gədəbəy rayon icra hakimiyyətinin başçısı Ramiz Yediyarov, rayonda olan 43 inzibati ərazi vahidliyindən təkcə biri ilə, yəni şəhər icra nümayəndəsi ilə əlaqəyə girərək, mənimsədiyi pulların həcmi milyonları ötür. Hələ bu azmış kimi, Ramiz Yedoyarov Gədəbəy məktəblərini də böyük rüşvət mənbəyinə şevirməkdə davam edir. Belə ki, hər məktəb direktorundan ən azından ay ərzində 500-600 manat rüşvət alır.

Onu da bildirək ki, İlham Əliyev adına şəhər orta məktəbində baş verən qanunsuzluqlara və etirazlara baxmayaraq, məktəbin direktoru Sevda Musayeva Ramiz Yediyarov tərəfindən dəstəklənməkdədir. 2015-ci il “Kənd Təsərrüfatı İli” olduğunu nəzərə alsaq, soruşmaq istəyirik ki, “hörmətli” Ramiz Yediyarov axı siz əkinə yararlı olan sahələri sahibkarların əllərindən zorla alıb, fərdi adamlara ev tikmək üçün satmısınız. Deyə bilərsinizmi ki, gələcəkdə fermerlər hansı torpaqlardan istifadə edəcəklər? Yəqin ki, deyə bilməyəcəksiniz. Prezidentin son müşavirədəki çıxışında işlətdiyi “yarıtmaz məmurlar” sözü deyəsən birbaşa sizə ünvanlanır. Nəticə çıxartmağa çalışın. Bir fikirləşin ki, 3 ildir siz Gədəbəyə nə kimi divanlar tutmusunuz?. Yəqin ki, etdiklərinizin cəzasını alacaqsınız. Hələ ki, hökmranlıq edirsiniz. Əgər belə olmasaydı, siz və sizin qoçu dəstələriniz vətəndaşlara qarşı haqsızlıqları durmadan artırmazdı. Əgər belə olmasaydı, büdcəni talamaq siyasəti ədədi silsilə xətti üzrə yüksəlməzdi. Ramiz Yediyarovun əməlləri haqqında açıqlamalarımız hələ bundan sonra da davam edəcəkdir. Bizi maraqlandıran odur ki, Ramiz Yediyarova bu məmləkətdə «dur» deyən tapılacaqdırmı?

Əgər Ramiz Yediyarova “dur” deyilməsə, o halda Gədəbəy daha da acınacaqlı durumda qalacaq».

Cəfər