Ramiz Yediyarovun heykəl dəyişmə “maxinasiyası”
Bu gün istər paytaxtda, istərsə də bölgələrdə icra başçısının dəyişməsi sakinlər üçün ən arzuolunmaz haldır. Ona görə yox ki, insanlar keçmiş icra başçısından çox razıdırlar və onu heç bir halda yeniləmək istəmirlər. Məsələ ondadır ki, hər təzə başçı gələndə yerli camaat onun “yeni qaydalarına” ram olmaq məcburiyyətində qalır. Götürək, elə Gədəbəydə baş verən son “heykəl” sökmə əməliyyatını.
14 saylı Ərazi Vergi İdarəsindən sonra Gədəbəy Icra Hakimiyyətinin rəhbərliyinə gətirilən Ramiz Yediyarov rayondaki bəzi heykəllərin sökülməsi barədə tapşırıq verərək Gədəbəylilərin diqqətini birdaha özünə cəlb etdi. Yaxud, Gədəbəyə təyin edilən başçı Ramiz Yediyarov İstrahət və Ticarət mərkəzlərinin sökülməsi barədə göstəriş verdi. Məsələ ondadır ki, Azərbaycan kimi bir ölkədə heç kim özbaşına nə ticarət mərkəzi tikdirə bilər, nə də qanunsuz torpaq zəpt edə bilər. Deməli, hər şey köhnə rəhbərliklə razılaşıdırılıb və xərci də ödənilib. Belə olan halda bir qələmdə hər şeyin üzərindən xətt çəkib, öz qaydalarını diktə etmək nə dərəcədə doğrudur?
Başqa əcaib məqam da hər dəyişmədən sonra abadlıq adı altında büdcə pullarının göyə sovrulmasıdır. Gədəbəyin icra başçısı məsələn, “filan heykəl xoşuma gəlmir, yenisini qoymaq lazımdır” deyib dövlətin pullarına açıq-aşkar qənim kəsilir. Bütün bunların acısını isə büdcə pulları və sadə camaat çəkməli olur. Iqtisadçı Ekspertlər hesab edir ki, icra başçılarının bu “islahatları” heç bir halda vətəndaşların maraq və mənafelərinə toxunmamalı, onların mülkiyyət hüquqlarını pozmamalıdır: “Yalnız bu halda islahatların həyata keçirilməsi qəbahət sayılmaz. Vaxtilə insanlar böyük rüşvətlər hesabına özlərinin mənzil şəraitlərini yaxşılaşdırıblarsa, ya özlərinə ticarət köşkləri qoyublarsa, yeni gələn icra başçısı buna sayqı ilə yanaşmalıdır. Çünki bu adamlar həm rəsmi, həm qeyri-rəsmi ödənişlər ediblər.
Nəzərə almaq lazımdır ki, rəhbərliyin bu addımları ciddi sosial narazılığa, hətta sosial partlayışa səbəb ola bilər”. Yeni təyinatlardan sonra heykəlləri, ayrı-ayrı mərkəzləri təzələmək istəyinə gəlincə, Ekspertlərimiz bunu büdcədən ayrılan vəsaitləri yumaq cəhdləri kimi qiymətləndirir: “Məhz bu səbəbdən belə layihələrə əl atırlar. Bu, şəhərin gözəlləşməsinə yox, büdcədən ayrılan təmir-tikinti xərclərinin yuyulmasına xidmət edir. Bu yolla həm də özlərinə yaxın çevrələrə tikinti biznesi üçün yeni imkanlar yaradırlar”.Bugünlərdə Gədəbəy sakinlərinin redaksiyamıza verdiyi məlumatdan, bildik ki, rayonda 1941-45-ci illərdə həlak olmuş həmvətənlərimizin adına ucaldılmış abidədə olan Ana heykəli götürülmüşdür və Haraya aparılması haqda məlumat yoxdur. Onuda bildirək ki, rayon mədəniyyət şöbəsinin qarşısında ucaldılan dahi şairimiz Səməd Vurğunun büstü də keçən il digər heykəllər kimi götürülərək Komunal Təsərüfat idarəsinin yaxınlığına atılmışdır.İcra başçısı Ramiz Yediyarovun bu cür zoraki addımlar atmasının əsas səbəbi dövlət büdcəsini talan etməkdir.Əgər icra başçısı abadlıq və Quruculuq işləri ilə məşqul olmaq istəyirsə, zəhməd çəkib Milli Qəhrəmanımız İlham Əliyevin adını daşıyan küçə və bulaqla maraqlansın.Mövzu diqqətimizdədir. Bizi izləyin.