“Gündəm Xəbər” qəzetinin 03-09 iyul-2015-ci il tarixli sayının 4-cü səhifəsində “Sumqayıt polisinin yaşatdığı vandalizm” başlıqlı tənqidi məqalə işıq üzü görmüşdü. Məqalədə Sumqayıt şəhər Polis idarəsi 2-ci polis bölməsinin rəisi Ramiz müəllimin və Yaşma Bağları ərazilərinə cavabdehlik daşıyan sahə müvəkkili Azər müəllimin vəzifə səlahiyyətlərindən sui-istifadə etmələri, polis əməkdaşlarına yaraşmayan əməllərə qol qoymaları qeyd olunmuşdur. Məqalənin dərcindən sonra, “Gündəm Xəbər” qəzetinə ünvanlanan müraciətlərin bəzilərində, sahə müvəkkili Azər müəllimin qol qoyduğu əməlləri xüsusi vurğulanırdı. Ərizədə qeyd olunurdu, “Azər müəllim sahə müvəkkili təyin olundugu gündən, ərazinin heç bir yerində pulsuz iş görmək mümkün deyil. O, bir qrup dəllalı ətrafına toplayaraq, pul qazanmaq üçün istənilən təxribata əl atırlar. Əhalinin su boru xətlərini təmir adı ılə kəsdirərək satdırır. Bir kimsə qanuni bagında ev tikmək istədikdə, mütləq Azər müəllimi görməlidir. Əgər əvvəllər 200 manat verilirdisə, indi isə 350 manat verməlisən. Bu sadəcə sahə müvəkkilinə verilir ki, fəhlələrə əl vurmasın, yaxud da tikinti isini Ramiz müəllimin, Azər müəllimin dostları dəllallar aparsınlar. Yoxsa, dolayısı yolla Azər müəllim o pulun üc qatını səndən cıxaracaq. Necə ki sahibkarın obyektinin qarşısını qazdıraraq, ona külli miqdarda ziyan vurdu. O, əhali ilə icra hakimiyyətini üz–üzə qoyur. Pul aldıqda tikinti işi aparılan sahəyə gəlmir, almadıqda isə icra hakimiyyətini aparatını əsas gətirərək pul tələb edir. O ki, qaldı Ramiz müəllimin vəhabi dini təriqətilə məşgul olması faktına, məqalənin dərcindən sonra məlum oldu ki, vəhabi dini təriqətinə məxsus şəxslərin obyektlərinin günü-gündən köbələk kimi çoxalmasına, məhz Ramiz müəllimin özü səbəbkardır. Yoxsa daşı–daş üstə qoymaq mümkün olmaz. Onu da qeyd etmək istəyirəm ki, “Yaşma Bagları”nda Ramiz müəllimin xüsusi öyrədilmiş adamları var. Onlar istənilən vaxt aranı qarışdıra bilirlər. Hətta, Bakı-Quba yolunu kəsmək qalsın bir yana, baglardan ogurluq da edirlər. Bir qədər də dəqiq desək, Ramiz müəllim məqsədinə catana qədər təxribatlarından əl çəkmir. Bu zaman meydana belə bir suallar çıxır ki, görəsən Ramiz müəllım bu yolla əldə etdiyi pulları kimə toplayır? Bir gün yəqin ki, o da ölkə başcısının qəzəbınə tuş gələcək.




Bag sahiblərindən aldadılaraq toplanan 30 manat pullar, guya ki, su turbalarının təmiri məqsədilə toplanır. Amma, Ramiz müəllimin yaxını olan Mətləb adlı şəxs. toplanan pulları, illik su pullarını yıgıb hara xərcləməsi haqda, bu gün də bir kimsəyə nəsə demir. Bu günə kimi yıgılan 1800 manatın da aqibəti məlum deyil . Çox böyük ehtimalla, bütün bunlar Ramiz müəllimə gün kimi aydındır. Cünki, su boru xətlərinin kəsilməsi təxribat xarakterli addımlardır. Yəqin ki, Sumqayıt şəhər İcra Hakimiyyətınin rəhbərliyi, belə bir məsələlərlə ciddi maraqlanacaq.
”Gündəm Xəbər”