Polis əməkdaşları bir qrup dəllalı ətrafına toplayaraq, pul qazanmaq məqsədilə istənilən təxribata əl atırlar

“Gündəm Xəbər” qəzetinin ötən saylarının birində “Sumqayıt polisinin yaşatdığı vandalizm” başlıqlı tənqidi məqalə işıq üzü görmüşdü. Məqalədə Sumqayıt şəhər Polis İdarəsi 2-ci polis bölməsinin rəisi Ramiz müəllimin və “Yaşma Bağları” ərazilərinə cavabdehlik daşıyan sahə müvəkkili Azər müəllimin vəzifə səlahiyyətlərindən sui-istifadə etmələri, polis əməkdaşlarına yaraşmayan əməllərə qol qoymaları qeyd olunmuşdur. Məqalənin dərcindən sonra, “Gündəm Xəbər” qəzetinin redaksiyasına ünvanlanan müraciətlərin bəzilərində, sahə müvəkkili Azər müəllimin qol qoyduğu əməlləri xüsusilə vurğulanırdı. Ərizədə qeyd olunurdu, “Azər müəllim sahə müvəkkili təyin olundugu gündən, ərazinin heç bir yerində pulsuz iş görmək mümkün deyil. Polis əməkdaşları bir qrup dəllalı ətrafına toplayaraq, pul qazanmaq məqsədilə istənilən təxribata əl atırlar. Əhalinin su boru xətlərini təmir etmək adı ılə kəsib satdırırlar. Bu barədə polis orqanlarına ünvanlanan coxsaylı şikayətlər, həmişə olduğu kimi yenə də cavabsız qalır. Çoxsaylı şikayətlərə baxılmamasının səbəbkar, Sumqayıt şəhər İcra Hakimiyyəti göstərilir. Sakinlərin icra hakimiyyətinin qarşısına toplaşmaları məsləhət bilinir. Eyni zamanda Yay Olimpiya oyunları keçirilərkən, sakinlərin Bakı-Quba yolunu baglamalarının səbəbkarı, məhz Ramiz müəllimin olması haqda heç bir məlumat da verilmədi. Hətta, DİN-nin 102-xidmətinə sakinlər tərəfindən bu barədə məlumat da verilmişdi. Baş verənlər son anda sahə müvəkkili Azər müəllim tərəfindən ört-basdır edilir. Bu cür addımlar təxribat deyil, bəs nədir?. Bir kimsə qanuni bagında ev tikmək istədikdə, mütləq Azər müəllimi “görməlidir”. Əgər əvvəllər şirinlik 200 manat idisə, indi isə 350 manatdır. Bir qədər vaxt keçdikdən sonra isə, Azər müəllim mimika ilə tikinti sahibinə bildirir ki, əgər “şirinlik” çatmasa icra hakimiyyəti səndən cox pul alacaq. Bu yerdə Sumqayıt şəhər icra hakimiyyətini qınamaga əsas yoxdur. Bu cür faktlarla pul qazanmaq sahə müvəkkilinə yaraşırmı?. Bu cür təxribatla alınan rüşvət, sadəcə olaraq sahə müvəkkilinə ona görə verilir ki, fəhlələrə əl vurmasın, yaxud da tikinti isini Ramiz müəllimin, Azər müəllimin dostları dəllallar aparsınlar. Yoxsa, dolayısı yolla Azər müəllim o pulun üc qatını səndən cıxaracaq. Necə ki, vəzifə səlahiyyətlərini aşaraq sahibkarın obyektinin qarşısını qazdırır, ona külli miqdarda ziyan vurur. O, əhali ilə icra hakimiyyətini üz–üzə qoyur. Pul aldıqdan sonra tikinti işi aparılan sahəyə gəlmir, almadıqda isə icra hakimiyyəti aparatını əsas gətirərək pul tələb edir. O ki, qaldı Ramiz müəllimin vəhabi dini təriqətilə məşgul olması faktına, məqalənin dərcindən sonra məlum oldu ki, vəhabi dini təriqətinə məxsus şəxslərin obyektlərinin günü-gündən köbələk kimi çoxalmasına, məhz Ramiz müəllimin özü səbəbkardır. Yoxsa daşı–daş üstə qoymaq mümkün olmaz. Onu da qeyd etmək istəyirik ki, “Yaşma Bagları”nda Ramiz müəllimin xüsusi öyrədilmiş adamları var. Onlar istənilən vaxt aranı qarışdıra bilirlər. Hətta, Bakı-Quba yolunu kəsmək qalsın bir yana, baglardan ogurluq da edirlər. Bir qədər də dəqiq desək, Ramiz müəllim açıq-aydın məqsədinə catana qədər təxribatlarından əl çəkmir. Bu zaman meydana belə bir suallar çıxır ki, görəsən Ramiz müəllım bu yolla əldə etdiyi pulları kimə toplayır? Bir gün yəqin ki, o da ölkə başcısının qəzəbınə tuş gələcək. Bununla biz hec də Sumqayıt polislərinin şərəfli peşələrinə kölgə salmaq niyyətində deyilik. Amma, adlarını çəkdiyimiz “qəhrəmanlar”ın öz cirkin əməllərindən peşman olmalarını və yaxud da əl cəkmələrini istəyirik. Bag sahiblərindən əldə etdiyimiz məlumatlara görə, yerli sakinlərdən aldadılaraq adanbaşına toplanan 30 manat pullar, guya ki, su turbalarının təmiri məqsədilə toplanır. Amma, Ramiz müəllimin yaxını olan Mətləb adlı şəxs toplanan pulları, illik su pullarını və.s yıgıb hara xərcləməsi barədə, bu gün də bir kimsəyə nəsə demir. Bag sakinləri bildirir ki, “bu günə kimi toplanan 1800 manatın da, hələlik aqibəti bir kimsəyə məlum deyil . Çox böyük ehtimalla, bütün bunlar yəqin ki, Ramiz müəllimə gün təki aydındır. Şəhər İcra Hakimiyyəti ücün isə, qaranlıq məsələdir. Cünki, su boru xətlərinin kəsilməsi Bakı- Quba yolunun bağlanması öz-özlüyündə təxribat xarakterli addımlardır. Yəqin ki, Sumqayıt şəhər İcra Hakimiyyətınin rəhbərliyi, belə bir məsələlərlə ciddi maraqlanacaq.

”Gündəm Xəbər”