Misir Mərdanovun istefaya göndərilməsi kimləri narahat edib?

Təhsil naziri Misir Mərdanovun vəzifədən azad olınması hakimiyyət daxilindəki müəyyən qrupları hərəkətə gətirib. Xüsusən də, Rusiyameylli qruplaşma həm İlham Əliyevin islahatlara start verməsindən ciddi narahatçılıq keçirir, həm də yaranmış fürsətdən istifadə edib, rəqiblərinə qarşı aşkar hücuma keçiblər. Bu baxımdan, son günlər hakimiyyətdəki məlum klana bağlı mətbu orqanların M.Mərdanovdan sonra vəzifədən çıxarılacaq məmurların siyahısında əks qruplaşmaya aid bəzi nazirlərin adını hallandırması hec də təsadüf deyil. O cumlədən də, müdafiə naziri Səfər Əbiyevə qarşı basqıların artması, guya onun tezliklə vəzifədən azad ediləcəyi haqqında informasiyaların dərc edilməsi deyilənlərin bariz nümunəsidir.
İndi Azərbaycanda siyasi proseslərdən və hakimiyyət daxilindəki klanlararası savaşdan az-çox xəbərdar olan əksər ölkə vətəndaşına bəllidir ki, Prezident Administrasiyası (PA) rəhbərliyində təmsil olunan bəzi ruspərəst məmurlar, eləcə də, həmin klana bağlı olan müəyyən qüvvələr S.Əbiyevin istefaya göndərilməsi üçün illərdir böyük çaba göstərirlər. Sözsüz ki, burada da əsas məqsəd Azərbaycan ordusunu yenidən dolayısı ilə Rusiyanın nəzarəti altına salmaqdan ibarətdir. Təsadüfi deyil ki, Rusiyameylli qüvvələrin səyi nəticəsində ötən il Səfərbərlik və Hərbi Xidmətə Cagırıs uzrə Dovlət Xidməti adı altında yeni bir qondarma qurum yaradılaraq, müdafiə nazirinin səlahiyyətinin bir hissəsi əlindən alındı. Lakin görünür, bütün bunlar məlum qruplaşma üçün qaneedici deyil, bu səbəbdən də onlar bütün vasitələrə əl ataraq S.Əbiyevin istefasına nail olmağa çalışırlar. Son günlər məlum qruplaşmanın özlərinə yaxın mətbu orqanlarda «Səfər Əbiyevi istefaya göndərməsinə» də məhz bu prizmadan yanaşmaq lazımdır.
Əslində Misir Mərdanovun vəzifədən alınması bir daha sübut etdi ki, Azərbaycan hakimiyyətində istefa mədəniyyəti hələ formalaşmayıb. Bəlli olduğu kimi, M.Mərdanovun istefaya göndərilməsindən bəzi mətbu orqanlar ondan oncə xəbər tutmusdu. Yəni, nazirin rəqibləri bu xəbəri məqsədli şəkildə KIV-ə sızdırmışdılar. Deməli, Misir muəllimdən fərqli olaraq hakimiyyətdə çoxları təhsil nazirinin bəlkə də hələ bir gün öncədən vəzifədən alındığını bilirmiş. Misir Mərdanov isə prezidentin onu istefaya göndərməsindən xəbərsiz bir şəkildə həmin gün Təhsil Nazirliyində geniş toplantı keçirirdi. Məlumata gorə, onu toplantının gedişi zamanı Prezident Administrasiyasına çağıraraq xəbər veriblər ki, artıq vəzifədən alınmısan. Nazirsə məyus halda geri qayıdaraq, toplantı iştirakçılarına prezidentin onu istefaya göndərdiyini elan etmiş və öz şəxsi əşyalarını toplayaraq, 15 illik kürsüsünü tərk etmişdir.
Bu təcrübə bir daha göstərir ki, Azərbaycanda hanısa məmur istefaya göndərilən zaman bundan ən yaxşı halda bir gun öncə kimlərsə xəbər tuta bilir. Yəni, hər şey birbaşa prezidentin öz iradəsi ilə həll olunur. Məhz bu baxımdan indi hansısa qəzetin Səfər Əbiyevin və yaxud da digər hansısa nazirin M.Mərdanovdan sonra vəzifədən azad olunacaq məmurlar siyahısında olmasını elan etməsi tamamilə cəfəng fikirlərdir. Hər halda, tezliklə biz bir daha şahidi olacağıq ki, özlərini «müstəqil», «müxalifyönlü» adlandırmalarına rəğmən, hakimiyyət daxilindəki bəlli qruplaşmanın diktəsi altında fəaliyət gostərən həmin qəzetlər oxucularını necə aldadırlar…
Əlbəttə, biz olkə bascısı Ilham Əliyevin həyata kecirdiyi kadr islahatları cərcivəsində daha çox Rusiyameylli məmurların istefaya göndərilməsi ehtimalı üzərində dayanırıq. Çünki Azərbaycanın illərdir məhz həmin qruplaşmanın caynağında can verdiyinin fərqindəyik və prezidentin də bütün gerçəkliklərə yaxşı bələd olduğuna əminik. Odur ki, bu gün hansısa yeni istefalar olacaqsa, Azərbaycan ordusunun NATO-ya inteqrasiyasına çalışan, bu istiqamətdə ardıcıl fəaliyyətlər göstərən S.Əbiyevin deyil, uzun illərdir Moskvanın Azərbaycandakı buyruqçusuna çevrilən məmurların vəzifədən azad olunacağı daha inandırıcı görünür…

Rəşad