Ərdoğan höküməti iqtidarın “bizi ABŞ-la barışdırın” mesajına yox dedi

Prezident seçkiləri ərəfəsində bir neçə istiqamətdən sıxışdırılan Azərbaycan hakimiyyəti beynəlxalq təzyiqləri önləmək üçün yollar axtarır. Gunxeber.com-a bu bununla bağlı maraqlı məlumatlar daxil olub. Həmin məlumatlarda bildirilir ki, Rusiya ilə münasibətləri son dərəcə pisləşən hakimiyyət çıxış yolunu ABŞ-la münasibətləri düzəltməkdə görür. Bunun üçün bir müddət əvvəl Səməd Seyidovun rəhbərliyi ilə ABŞ-a nümayəndə heyəti göndərilib və Amerikadakı lobbiçilərin dəstəyi ilə bir sıra görüşlər keçirilib. Amma qapalı görüşlərdəki müzakirələrdə müsbət nəticə əldə etməyən nümayəndə heyəti Obama administrasiyasına açıq mesajlar vermək məcburiyyətində qalıb. Hətta iş o yerə çatıb ki, S.Seyidov Amerikaya isti münasibətlərinə görə bəzi qüvvələrin və dövlətlərin Azərbaycanı sendviş kimi əzdiklərini bəyan edib. əslində S.Seyidov bununla hakimiyyətin durumunu anlatmağa çalışıb və bu bəyanatla iqtidarın necə vəziyyətdə olduğunu bəlkə özü də istəmədən ortaya qoyub.
Amma nümayəndə heyəti ABŞ səfərində hakimiyyət üçün hətta minimal uğur sayıla biləcək nəticəyə belə nail ola bilməyib. Bakıya dönən heyət adından rəhbərliyə ABŞ-ın Azərbaycan hakimiyyətindən tamam üz döndrməsi və seçkilər ərəfəsində vəziyyətin daha da pis olacağ haqda xəbərdarlıq xarakterli məlumat çatdırılıb.Bundan sonra hakimiyyət müxtəlif üsullara əl atsa da, bunlar da nəticə verməyib.
Hakimiyyətin son ümidi isə ABŞ dövlət katibinin müavininin köməkçisi Tomas Melianın Azərbaycana səfərinə olub. Bu səfər zamanı ABŞ-a bir sıra mesajlar verməyə çalışan hakimiyyət gözlədiyindən də sərt mesajlar alıb. Diplomatik qaynaqların bildirdiyinə görə, T.Melia açıq şəkildə deyib ki,ABŞ indiki şərtlər altında Azərbaycanda demokratik seçki keçirilməsini qeyri-mümkün sayır və belə bir durumda hakimiyyətə qarşı hər hansı xoş münasibətdən söhbət gedə bilməz.
Bundan sonra hakimiyyət uzun müddətdir soyuq münasibətlərdə olduğu Türkiyə iqtidarı ilə münasibətləri normallaşadırmaq və ABŞ-a Ankara üzərindən “qarmaq atmaq” variantı üzərində işləyib. Qısa müddət ərzində AKP iqtidarının ən üst düzeyindəki şəxslərlə təmasa girilib və Ərdoğana ciddi mesajlar verilib. Amma gələn məlumatlar gösətir ki, Ərdoğan Azərbaycan hakimiyyətinin bu mesajlarına əhəmiyyət verməyib və faktiki olaraq “bizi Amerika ilə barışdırın” istəyinə yox deyib. Bundan sonra nə olacağı, hakimiyyətin daha hansı yollara baş vuracağı hazırda ölkə rəhbərliyi səviyyəsində düşünülən və iqtidarı ən çox qayğılandıran məsələlərdən birincisidi.
Hakimiyyətdə gözəl anlayırlar ki, ABŞ-ın qəbul etmədiyi şərtlər altına seçki keçirmək və nəticəni hakimiyyətin xeyrinə dünyaya qəbul etdirmək çox baha başa gələ bilər.

Tahir