Akif Çovdarovun qohumunun Mahir Abdullayevlə borc məsələsi
Oğurlanmış MTN zabitinin əşyaları hardan, necə tapılıb?

Fəaliyyəti dayandırılmış Azərbaycan Beynəlxalq Universitetinin rektoru Elşad Abdullayevin qardaşı Mahir Abdullayevin oğurlanması ilə bağlı redaksiyamıza iki yeni məlumat daxil olub. Bu məlumatlardan biri bilavasitə keçmiş ABU rektoru Elşad Abdullayevin qardaşının oğurlanmasına görə, MTN-in generalı Akif Çovdarovu ittiham etməsi ilə əlaqədardır.
Sözügedən sənəd Bakı şəhəri, Binəqədi rayon sakini Qulu Əli oğlu Cəfərovun izahatıdır. Bu izahat Mahir Abdullayevin Qulu Cəfərova borc pul verməsi barəsindədir. İzahatdan aydın olur ki, Qulu Cəfərov iş adamıdır və o, Rusiyanın Sverdlovsk vilayətindən taxta gətirib satmaqla məşğuldur.
Qulu Cəfərov həmin izahatında yazır: “Yazıb bildirirəm ki, mən 72 min beş yüz dollar pul almışam. Sverdlovsk diyarından taxta gətirərkın məbləğ 120 min dollar olmuşdu. Hal-hazırda Abdullayevə Mahir İslam oğluna 300 min dollar borcum qalıb. Öz xəttimlə yazıram. Narazılıq etmirəm. Halal pulunu qaytarıram”. İzahatdan aydın olur ki, bu sənəd 2002-ci ilin oktyabr ayında tərtib edilib. Göründüyü ki, Mahir Abdullayevlə Qulu Cəfərov arasında borc pul söhbəti olub. Qulu Cəfərov borcun bir hissəsini ödədiyini, lakin Mahir Abdullayevə 300 min dollar məbləğındə borcunun qaldığını bildirir.
Burada bir maraqlı məqama diqqət yetirmək lazim gəlir. İş burasındadır ki, belə bir izahatın mövcud olması hazırda Fransada sığınacaq tapmış sabiq ABU rektorunun qardaşının oğurlanmasına görə MTN generalı Akif Çovdarovu ittiham etməsinin təsadüfi olmadığını göstərir. Başqa sözlə, bu izahat Elşad Abdullayevin oğurlanan qardaşının general Akif Çovdarovla münasibətləri, onların Sverdlovskda bir yerdə olması, sonradan MTN generalının Mahir Abdullayevi təhdid etməsi və digər məsələlər heç də fantaziya məhsulu deyil.
Bəs, Elşad Abdullayev özü bü məsələlər haqqında nə deyir? Mətbuat üçün yeni olan Sverdlovsk məsələsi nədən ibarətdir? Akif Çovdarovla Mahir Abdullayevin iş birliyi nəyin üzərində qurulub? General sabiq rektorun qardaşını necə şantaj edib? Göründüyü kimi suallar çoxdur və son açıqlamaları ilə ABU-nun sabiq rektoru bu məsələlərə aydınlıq gətirib.
Əgər indiyə qədər Elşad Abdullayev qardaşının oğurlandıqdan sonra qaytarılması barədə aparılan danışıqlar, bu məqsədlə kimlərlə görüşməsi, kimlərin ondan nə qədər pul alması və s. haqqında danışırdısa, bu dəfə o, daha əvvəl baş verən proses, başqa sözlə Mahir Abdullayevin necə oğurlanması barədə danışıb. O, bu işi kimlərin gördüyünü açıqlayıb, konkret adlar çəkib, açıq ittihamlar irəli sürüb.
Gəlin, sabiq rektorun ittihamlarına diqqət yetirək. Əvvəlcə onu da qeyd edək ki, Elşad Abdullayev bu ittihamları sadəcə səsləndirməklə kifayətlənməyib. O, eyni zamanda MTN generalı Akif Çovdarovun ünvanına səsləndirdiyi ittihamlara fotoşəkillər də əlavə edib. Hansı ki, bu fotolarda oğurlanan və taleyindən bu günə qədər məlumat olmayan Mahir Abdullayevla MTN-də hazırda mühüm post tutan general Akif Çovdarovla birlikdə görünür. Elşad Abdullayevin bildirdiyinə görə, 4 oktyabr 2012-ci il il tarixində Prezidentin sərəncamı ilə Baş Prokurorluq yanında Müstəqil İstintaq Komissiyası yaradılmışdır: “Bu gün MİK-in yaradılmasından 6 ay 16 gün kecir. MİK-na qədər bu işi 12 prokurorluq müstəntiqi araşdırmışdır. Hec biri də yarıtmaz işinə görə məsuliyyət daşımayıbdır, əksinə, tutduqları vəzifələrində irəli cəkiliblər. Mahir Abdullayevinogurlanmasının kriminalistik-hüquq xarakteristikası qaydasız döyüşü xatırladır. Hazıra qədər zərərcəkmiş tərəfindən Azərbaycanda adam oğurluğu ilə məşğul olan mütəşəkkil cinayətkar təşkilatın subyektlərinin 11 videogötüntüsüictimailəşdirilmişdir. Avropanın tanınmış hüquqşünasları təsdiq edirlər ki, Sizin bir video faktınız bu cinayət işinin acılmasıücün kifayətdir.
Azərbaycanda adam oğurluğu ilə məşğul olan mütəşəkkil cinayətkar təşkilatın başlıca subyektlərindən biri də cinayətin icracısıdır. Akif Covdarovun www.google.az saytında cox saylı cinayətlərinin dinamikası verilmişdir”.
ABU-nun sabiq rektoru Elşad Abdullayev bildirir ki, Mahir Abdullayevin oğurluğunu bilavasitə icra edən Rusiya Federasiyasının Sverdlovski Vilayətində taxta-şalban alverçisi, Heydər Əliyevin hakimiyyəti dövründə axtarışda olan, kriminal aləmdə “Təpəgöz” kimi tanınan və hazırda isə Azərbaycan Respublikası Milli Təhlükəsizlik Nazirliyinin (KQB) Energetika və Nəqliyyat Sahələrində Təhlükəsizlik Baş İdarəsinin rəisi olan general-biznesmen Akif Teymurxan oğlu Çovdarovdur: “Yalnız, bir ovuc dövlət quldurunun oyuncaq rejimlərində belə şübhəli tərcümeyi-halı olan kriminal şəxs, “polojeniyaya” baxan adam qısa müddətdə dövlətin əsas təhlükəsizlik idarəetmə orqanında ali vəzifə tuta bilər, bunu bir huquqşünas kimi başa düşmək olmur. Bu isə dövlətçiliyin hüquqi böhran vəziyyətində olduğunu bir daha müəyyən edir”.
Elşad Abdullayevin son açıqlamalarından aydın olur ki, Akif Covdarov Mahiri oğurlamağa bir necə dəfə cəhd edib: “İlk dəfə olaraq 2003-cü ilin yanvar-mart aylarında Akif Çovdarov Mahiri şirnikdirərək Rusiya Federasiyasının Sverdlovski Vilayətinə gətizdirib. Akif Çovdarov Mahirə Sverdlovskdakı taxta-şalban zavodunu təklif edir. İkinci dəfə Akif Çovdarovunişcisi, mügənni Mətanət İsgəndərli Rusiya Federasiyasının Sverdlovsk şəhərində konsert vermək adı ilə Mahiri ora dəvət edir. Həmin ərəfədə banda istəyib ki, Mahiri orada saxlasınlar”.
Elşad Abdullayevin mətbuatda dərc etdirdiyi fotolardan aydın olur ki, Mahir Abdullayev ilə Akif Covdarov bir-birilərini yaxından tanıyıblar. Onlar hətta Sverdlovsda«Sobol» otelinin qarşısında birgə şəkil də çəkdiriblər. Bu fotolardan birində Akif Çovdarov, Mahir Abdullayev və Qəbələli Namiq əks olunub. Bu məqamla bağlı Elşad Abdullayev bildirib ki, ilk vaxtlar bu fotoda qeyd olunan Akif Çovdarov və Namiq Qəbələli Mahirlə birlikdə Rusiyada olmalarını danıb: “Akif Çovdarov Mahiri tanımadığını söylədi, lakin foto-faktlar və video-faktlar əksini təsdiq edir. Onlar və mügənni Mətanət İsgəndərli komandası ilə birlikdə qeyd olunan oteldə birlikdə yaşayıblar. Akif Çovdarov həmin dövrlərdə Bakı şəhəri , Binəqədi rayonunun kecmiş polis rəisi, rəhmətlik kəlbəcərli Ələmdar Tağıyevin adı ilə Rusiyada yaşayıbdır, Bakıya ölmüş adamın pasportu ilə gəlib-gedib.
Foto-faktlar təsdiq edir ki, o, Sverdlovsk vilayətində milyardlarla dollarla hesablanan taxta-şalban biznesi ilə məşğul olub, bütün Azərbaycanı taxat-şalbanla təmin edib və digər biznes əməliyyatları ilə məşğuldur, hazırda da həmin əlaqələri davam etdirir, baxmayaraq ki, Azərbaycan qanunvericiliyi MTN əməkdaşlarına belə fəaliyyətlə məşğul olmağı qadağan edir. Lakin, Akif Çovdarov hakimiyyətin üst qatına işlədiyi üçün belə qeyri-qanuni əməllərlə məşğul olur. O, şahidlərin fikrnə görə, birinci şəxsin Sverdlovski vilayətində 25 milyard dollar pulunu fırladır. Təsadüfi deyildir ki, biz birinci video-faktları yayandan sonra PrezidentAdminstrasiyasının rəhbəri Ramiz Mehdiyev Rusiya qışının sərt vaxtı Sverdlovck vilayətində Bakı “zəhmətkeşlərinin» təntənəli müşavirəsini kecirdi (Bax:Azərbaycan qəzeti, AzTV). Daha yuxarı təbəqənin Sverdlovsk vilayətindəki görüşləri KİV-də öz əksini tapdı. Bu insanları keçmiş sovet QULAQ-ına bağlayan nədir??? Bəlkə də həmin ərazidə Azərbaycan üzrə ölüm eskadronu bərpa olunub???”
Daha sonra Elşad Abdullayev digər fotolar barədə danışıb. O, qeyd edib ki, həmin fotolarda Mahir və Akif CovdarovVerxuturye şəhərinin Kilsə meydanında Rusiyanın dövlət rəmzi qarşısında birgə foto çəkdirib. Başqa bir foto isə Akif Covdarovun taxta-şalban zavodunda çəkilib.
Fotolardan birində Mahir Abdullayevin qoltuğunda qovluq var. Elşad Abdullayev bildirir ki, Mahir Abdullayevin qoltuğunda sənədlər Akif Çovdarovun taxta-şalban zavodunun Mahirə satılması haqqındadır: “Həmin sənədlərə görə, Mahir Akif Çovdarova küllü miqdarda pul ödəyibdir. Mahir Sverdlovsk vilayətində olanda Moskvada “KQB”-də çalışan dostu Nicat Sverdlovski vilayətinin FKİ-inəməkdaşlarından xahiş edir ki, Mahirə yardım etsinlər, onlar da gəlib yardım edirlər. Buna görə də Akif Çovdarov Mahiri Sverdlovsk vilayətində oğurlaya bilmir”.
Elşad Abdullayev son açıqlamasında bizim yuxarıda söhbət açdığımız izahat barədə də danışıb. O, həmin izahat barədə bunları deyib: “Akif Çovdarovun qohumu və yerlisi Qulu Cəfərovun əl yazmasına görə, onların Mahirə 300 min ABŞ dolları borcları vardır. Mahir Akif Çovdarovla Qulu Çəfərovun vasitəsi ilə tanış olmuşdur. Gürcüstanlı Qulu Cəfərov Akif Çovdarovun həm yerlisi, həm qohumu, həm də biznes və cinayət ortağıdır.
Bundan sonra, Akif Çovdarov Bakı şəhərində bir necə dəfə də Mahiri oğurlamağa cəhd edir. Oğurluq planına görə cinayətin “nakolşiki” MTN-in l müavini Hilal Əsədovun yaxın qohumu Sənan İbrahimov hər gün dalbadal 5 dəfə səhər tezdən Mahirin Binəqədi rayonunda yerləşən Sevinc kafesinə saat 08-09 radələrində gəlir. Oğurluq günüdə , o, sübh çağı diqqəti özündən yayındırmaq məqsədi ilə “Sevinc” kafesində oturub, halbuki, cox yaxşı bilirdi ki, kafe saat 18:00-dan işləyir, həmin vaxt mühafizəçidən başqa heç kim kafedə olmur.
Şahidlərin təsdiqinə görə, Mahir oğurlanana qədər Akif Çovdarovbir neçə nəfərlə Azərbaycan Beynəlxalq Universitetində Mahirin iş otağında “razborkada” olmuşdur. O, Mahiri “Mətanət İsgəndərlinin Qarabulaq sərgüzəştləri” adlı məqaləsi ilə təhdid edib 2 milyon pul tələb etmişdir. Akif Çovdarovun müğənni Mətanət İsgəndərlinin əli ilə Mahiri Rusiyanın Sverdlovsk vilayətinə aldadıb gətirib orada saxlamaq niyyəti baş tutmayanda yenə də mügənni Mətanət İsgəndərlinin əli ilə aldadaraq 13 oktyabr 2003 il tarixində Bakı şəhəri Nizami küçüsi 4, mənzil 8-də səhər saat 10-16:20 radələrində şəxsən paqonlu bandasının əli ilə oğurlatmışdır”.
Elşad Abdullayev qeyd edir ki, Akif Çovdarov əsas cinayətkarı gizlətmək və sabiq rektoru susdurmaq ücüncoxsaylı bir sıra kriminal KİV-n təzyiqindən, Sədinin adından telefon təhdidlərindən, fırıldaqçı falçı-baxıcılardan, paqonlu əcinnələrin kriminal təzyiq tədbirlərindən bacarıqla istifadə edib: ”Başlıca təzyiqlərindən biri də MTN-in ATM-in rəhbəri işləyən zaman PİA-nin müdiri Ramiz Mehdiyevin yaxın qohumu ,lV İdarənin rəisi Fikrət Əliyevi Azərbaycan Beynəlxalq Universitetinə prorektor təyin edərək universiteti ələ kecirmək məqsədi ilə daxildən inzibati-amirlik metodları ilə dağıtdı. Azərbaycan Konstitusiyası ilə vətəndaşını qorumağa borclu olan MTN-in şanlı əməkdaşı Akif Çovdarov vətəndaşına qarşı dövlət terrorunu həyata kecirirdi.
Avropa Konvensiyasında insan hüquqlarının pozulması sahəsində analoqu olmayan bu cinayətkarlıq Avropa Məhkəməsində araşdırılır. ABŞ-in Dövlət Departamentinin Azərbaycan üzrə insan hüquq və azadlıqların pozulması hesabatında insanlıq əleyhinə çevrilmış bu cinayətə xüsusi bölmə ayrılmışdır. ABŞ Dövlət Departamentinin Hesabatına görə, Prezidentin İcra Aparatının müdiri Ramiz Mehdiyev bu cinayətin başlica günahkarı hesab edilir, Azərbaycanda nə cinayəti icra edənlər, nədəki ona himayədarlıq edənlər cinayət məsuliyyətinə cəlb olunmurlar”.
Onu da qeyd edək ki, Elşad Abdullayev bu məsələ ilə bağlı yeni açıqlamalar verəcəyini bildirib. Biz isə redaksiyamıza daxil olan digər sənəd barədə danişmaq istəyirik. Bu, Səfərov Nizami İbiş oğlunun yazdığı izahatdır. O, yazır: “Mən Səfərov Nizami İbişoğlu yaşadıgım yerin yaxınlıqdakı Balaxanı zibilliyindənselofana bükülmüş qırmızı klyok tapdım. İçərisindən Abdullayev Mahirin sənədləri çıxdı. Odur ki, bu sənədləri götürüb “Əzizbəyov” metrosunda əl telefonu gəzdirənlərə yaxınlaşıb 050 398 31 96 nömrəyə zəng etməyi xahiş etdim. O, zəng etdi. Lakin abonentin əhatə dairəsindən uzaq oldugunu bildirdilər.Gəldim “28 may”a. Orda arıq kişiyə yaxınlaşdım, 050 3983196 nömrəsinə zəng eləməyi xahiş etdim. Zəng etdi. Kürdəmirdən zəng gəldi. Mahir dedi ki, Kürdəmirdəyəm. Bir-iki günə Bakıya gələcəm. Telefon nömrəni ver, sənə zəng eləyim. Bu, olub 15.10.2003-cü ildə, saat 12-də”.
Nizami Səfərov bildirir ki, iki-üç gün keçəndən sonra yenə “28 may”a gəlib: “Orda bir nəfərə yaxınlaşıb 050 3983196 nömrəsinə zəng etməyi xahiş etdim. Zəng etdi. Kimsə götürüb dedi ki, gözlə, çağırım gəlsin. Çox gözlədim, 2 dəqiqəyə qədər. Telefon yiyəsi dedi ki, kontur gedir, söndürək sonra zəng edək”.
Nizami Səfərovun sözlərinə görə, o, ikinci dəfə zəng edəndə həmin şəxs deyib ki, “otboy” vermə. Həmin şəxs “otboy” verənə söyüş söyüb. Belə anlaşılır ki, artıq Mahir Abdullayevin telefonuna cavab verən kənar şəxs olub.
Nizami Səfərovun məktubunun ardına diqqət edək: “O, dedi ki, gözlə, çagırım. Yenə gözlədim. Telefon yiyəsi dedi ki, a kişi, kontur gedir, sənin bu qədər pulun olacaq? Odur ki, söndürdü. Bir azdan yenə zəng etdi. O şəxs yenə zəngi söndürənə söyüş söydü. Və dedi ki, Mahir gəldi. Danış. Mahirlə dedim ki, sənədləri gətirmişəm, onu sizə necə çatdırım? Mahir dedi ki, indi vaxtım yoxdur, 2 saatdan zəng et”.
Bu məqam bir qədər müəmmalıdır və güman ki, telefona çağırılan adam Mahir olmayıb. Ola bilsin kimsə onun əvəzinə cavab verib. Nizami Səfərov sonradan 3 dəfə 050 39831 96 nömrəsinə zəng etdiyini bildirir: “Bu gün - 07.11.2003-cü ildə şəhərlərarası telefon qovşağından zəng etdim, yenə telefon baglı idi. Odur ki, evlərini tapıb sənədləri onlara verdim. Bu məlumatı onlara verdim.İmza: Səfərov Nizamı İbişoğlu”. Məktubdan belə anlaşılır ki, Nizami Səfərov həmin nömrəyə zəng edəndə artıq Mahir Abdullayeb oğurlanıbmış...
Vaqif