Rəbiyyət Aslanovanın Əli Həsənovu açıq şəkildə tənqid etməsi deputat oğlunun sonunu gətirdi

Prezident administrasiyasının ictimai-siyasi əlaqələr şöbəsinin müdiri Əli Həsənovla PA-nın iformasiya siyasəti və analitika şöbəsinin müdiri Elnur Aslanov arasında münasibətlər gərginləşib. Bu haqda yazan avropa.info-nun əldə etdiyi məlumata görə, uzun müddətdən bəri gedən bu mübarizənin birinci mərhələlərində,“yuxarıların” ona olan etimaddan istifadə edən Aslanov Əli Həsənovun bir sıra səlahiyyətlərini ələ keçirərək üstünlük əldə etmişdi. Bu səlahiyyətlərindən istifadə edən Aslanov bir sıra qurumlara da öz kadrlarını yerləşdirmək imkanı əldə etmişdi.
Bu iki şəxs arasında mübarizə hətta o yerə çatdi ki, Aslanovun anası millət vəkili Rəbiyyət Aslanova da dolayısı ilə bu mabarizədə bir tərəf kimi çıxış etməyə başladı. Rəbiyət xanın əgər Əli Həsənovu arxa planda “kuluarlarda”vururdusa, sonda mübarizənin elə bir mərhələsi gəldi ki, “döyüş” mətbuat müstəvisinə keçməli oldu. Rəbiyyət Aslanova məqam düşdükcə Əli Həsənovu mətbuat vasitəsi ilə vurmağa başladı. Əli Həsənovun QHT nümayəndələri qarşısındakı çıxışı ona qarşı silah kimi istifadə edən Rəbiyyət Aslanova, onun bu hərəkətini hakimiyyət nümayəndəsi üçün düzgün olmayan çıxış hesab etdi. Amma Əli Həsənov da Rəbiyyət Aslanovanın bu ismarıcını cavabsız buraxmayaraq bəyan etdi ki, mən harada nə dediyimi yaxşı bilirəm.
Qeyd edək ki, Elnur Aslanovun vaxtilə irəli çəkilməsi məhz Əli Həsənovun təşəbbüsü ilə olub. Vaxtı ilə onun irəli çəkilməsində və “yaşıl işıq” yandırılmasında müstəsna rol oynayan qrup liderinə qarşı etibarsızlığı və bu hərəkətini nümayişkəranə göstərməsi onu iflasına yol açıb. Əldə etdiyimiz məlumata görə, artıq Əli Həsənov Elnur Aslanova qarşı əks hücuma keçmək tapşırıqı verib və bu əks-hücum öz bəhrəsini verməkdədir. Bu işdə hakim komandanın köhnə üzvləri Həsənova ciddi dəstək verməkdədirlər. Bu mübarizə nəticəsində Həsənov vaxtı ilə öz itirdiyi bir sıra məqamları və səlahiyyətləri geri almağa müyəssər olub. Əli Həsənov gənclər təşkilatları ilə bağlı əlindən alınan səlahiyyətlərini yenidən özünə qaytara bilib. Bunun bariz nümunəsi kimi bir müddət Gənclər Təşkilatı Milli Şurasının tədbirində iştirak və oradan Həsənovun verdiyi mesajlar yetərlidir.
Hakim komandanın böyük əksəriyyətindən dəstək alan Əli Həsənov Elnur Aslanov üzərində qələbəsini təmin etmək üçün rəqibindən fərqli hakim komandanın oyun qaydalarına uyğun aparır və yaxın gələcəkdə onu bitirmək niyyətindədir. Bunun üçün Həsənovun əlində kifayət qədər kompramatlar da olduğu bildirilir