Baxşeyiş Xudayarov: “Əgər lazımi araşdırmalar aparılsa, o halda həmin şəxslərin adicə latın qrafikası ilə yazıb-oxuya bilməmələri də aşkara çıxar”
Laçın rayonunun təhsilində baş verən çoxsaylı qanunsuzluqlar, mənimsəmə faktları və s. zaman-zaman gündəmi zəbt edən mövzulardan birinə də çevrilmişdir. Vaxtilə rayonun təhsil şöbəsinə rəhbərlik edən Malik Vəliyevin, (hazırda Malik Vəliyev Tərtər Regional Təhsil İdarəsi maliyyə şöbəsinin müdiridir ) bu sahədə yol verdiyi ciddi qanun pozuntuları, təhsil nazirinin birinci müavini Ceyhun Bayramov tərəfindən ört-bastdır edilir. Yəqin ki, belə bir hoqqalardan da, təhsil naziri Mikayıl Cabbarovun xəbəri yoxdur. Onun bu günədək qol qoyduğu qanunsuzluqları ardıcıllıqla sıralayaq. Məsələn, o, qeyri-qanuni yola 30-dan çox şəxsi yüksək məbləğdə rüşvətin qarşılığında hərbi hazırlıq müəllimi kimi işə götrüb. Əgər lazımi araşdırmalar aparılsa, o halda həmin şəxslərin adicə latın qrafikası ilə yazıb-oxuya bilməmələri də aşkara çıxar.
Rayonun təhsil şöbəsində evdə təhsilə cəlb edilmiş şagirdlər yenidən psixoloji-tibbi-pedaqoji komissiyadan keçirilərsə, o halda həmin şagirdlərin 90%-nin sağlam və yüngül fiziki qüsurlu olduğu, eyni zamanda məktəbdəki dərs məşğlələrində iştrak edikləri də aşkar olar. Şagirdlər məktəbə gələ-gələ onlara saxta sənədlər düzəldib fərdi dərs saatlarının yazılması və hər ay alınan vəsaitin 50%-in direktorlar vasitəsilə yığaraq Malik Vəliyevə çatırılması da sübuta yetirilər. Malik Vəliyev saxta diplomu olan şəxslərdən külli-miqdarda rüşvət alaraq və onlara bir aylıq kurs keçməklə, rüşvət aldığı şəxsləri məktəblərə psixoloq vəzifəsinə təyin edib. Bu yöndə də araşdırmalar aparılarsa 20-dən çox saxta diplomlu şəxslərin, rayonun ayrı-ayrı ümumtəhsil məktəblərinə psixoloq vəzifəsinə təyin olunduqları müəyyən edilər.
Ümumiyyətlə, Malik Vəliyev saxta diplomu olan müəllimlərdən hər tədris ilində rüşvət alaraq, onların müəllim işləmələrinə də şərait yaradıb. Belə bir səbəblər üzündən də, bu gün LRTŞ-də 100-dən çox saxta diplomu olan müəllim var. LRTŞ-inin müdri Nicat Həsənov təhsil haqqında qüvvədə olan normativ hüquqi aktların tələblərini pozaraq H1 və H2 həvəsləndirmə ilə, rayon mərkəzindən uzaq məktəblərə musabiqə yolu ilə işə götrülən müəllimləri yüksək məbləğdə rüşvətin qarşılığında, Laçın rayonunun Bakı şəhərində yerləşən məktəblərinə yerdəyişmə edir.
Sabiq təhsil şöbəsi müdirinin əsas gəlir mənbələrindən biri də,fakultativ məşğələlərə ayrılan dərs saatlarıdır. Həmin saatları məktəb direktorları müəllimlərin adına yazırlar və hər ay da əldə olunan vəsaitlər toplanaraq Malik Vəliyevə çatdırılır.
Rayonun təhsil şöbəsində əmək qanunvericiliyinin tələbləri də pozulur və ikinci qrup əlillərə 36-48 saat dərs tədris etdirilir. Qanunun tələblərinə görə ikinci qrup əlillər 12 saatdan artıq dərs tədris edə bilməzlər. LRTŞ-də vərəm, şəkərli diabet, hepatitC, ruhi xəstəlik və s. kimi yolxucu və keçrici xəstəlikləri olan və təqaüd alan müəllimlərə 36-48 saat dərs tədris etdirilir, əvəzində də aylıq hesab yığılır. Hətta, ruhi-əsəb xəstəliyi ilə penisya alan ikinci qrup əlillər, yüksək məbləğdə rüşvətin qarşlığında məktəb direktoru vəzifəsinə də təyin olunublar.
Laçın rayon Təhsil Şöbəsinin tabeçiliyində 120-dən çox ümumtəhsil məktəbləri var və hər məktəbin minumum 10 nəfər texniki işcisi də var. Həmin işcilərdən maksumum iki nəfəri işə gəlirlər, yerdə qalan ştatlar isə məktəb direktorları və onun yaxın qohumlarının adlarına yazırlar. Hər ay belə bir yollarla əldə olunan vəsaitlər də LRTŞ-inin sabiq müdri Malik Vəliyevə çatdırılır. Ümumi məbləğ kifayət qədər böyük olur. Yəni, təqribən 960- dan çox texniki işcinin hər aylıq 115 manat maaşını nəzərə alsaq və 960×115=110400 manat dövlət vəsatinin mənimsənilməsi demək olur. Təhsil şöbəsində müəllimlərin əmək haqqı tarifləri də, rüşvətlə müəyyən olunur. Hətta, dəniz səviyyəsindən yüksəkliyə görə əmək haqqına əlavə olunan 20-30% -də, təhsil şöbəsinin müəyyən etdiyi məbləğdə rüşvət verməklə, bir çox müəllimlər yaşından və Laçın rayonu işğal edilənədək heç bir yerdə işləməməsindən asılı olmayaraq, yüksəklik ödənişi şamil edilir.
Malik Vəliyev LRTŞ-ində olan biznesinin davamlılığın təmin etmək məqsədilə, şöbə müdiri vəzifəsinə yaxın qohumu olan Nicat Həsənovu, yüksək məbləğdə rüşvətin qarşılığında müdir təyin etdirib. Nicat Həsənov ixtisasca iqdsadçıdı və bundan əvvəl kağız üzərində faliyyət göstərən Uşaq Gənclər İdman məktəbində müdir vəzifəsini daşıyıb. Heç bir pedoqoji faliyyəti də olmadığından, onun təhsildən xəbəri yoxdur. Sadəcə olaraq onu rüşvət yığmaq məqsədilə bu vəzifəyə gətiriblər. Sual oluna bilər ki, Laçın rayonunda 120-dən çox məktəb direktoru var və bunlar içərisində şöbə müdri işləyəcək bir şəxs tapılmadımı?
Onu da vurğulayım ki, Malik Vəliyev yuxarı dövlət orqanlarında vəzifə sahibi olanlarla yaxın qohumluq əlaqlərindən istfadə edib, bu günədək milyon manatlarla dövlət vəsaitini mənimsəmişdir. LRTŞ-ində 2005-ci ildən hazırkı dövrə kimi, heç bir maliyyə araşdırılması aparılmayıb və hər il də milyon manatlarla dövlət vəsaitləri də müxtəlif yolarla mənimsənilib. Baş verənlərdən Dövlət Maliyyə Nəzarət Xidmətinin və 10 saylı Regional Maliyyə Müfəttişliyinin xəbəri olsa da, təəssüflər olsun ki, heç bir tədbir görmürlər.
Sözsüz ki, işıq üzü görən açıqlamada sadalanan faktlar, Laçın rayon sakini, hal-hazırda Ağcabədi rayonunun Taxta-Körpü ərazisində müvəqqəti məskunlaşmış Xudayarov Baxşeyiş Salyan oğluna məxsusdur. Açıqlama dərc olunmazdan öncə LRTŞ-nin müdiri Nicat Həsənovla əlaqə saxlayıb məsələlərə münasibətini öyrənmək istəsək də, onun cavabı olduqca qısa oldu və bildirdi ki, “o, ora-bura çox yazır, yaxşı olar ki, onu cırıb kənara atın” desə də, “Gündəm Xəbər” olaraq göndərilmiş açıqlamanı dərc etməyi özümüzə borc bildik. Mövzunu diqqətdə saxlayacağıq. Qarşı tərəfin də mövqeyini dinləməyə hazırıq.

Mirzə