Əli Zəngilanski Mahir Abdullayevin oğurlanmasında Kəmaləddin Heydərovun adın çəkir

Fəaliyyəti dayandırılmız Azərbaycan Beynəlxalq Universitetin rektoru Elşad Abdullayev qardaşı, MTN zabiti Mahir Abdullayevin oğurlanmasından sonra baş verənlər haqda yeni video yaymağa hazırlaşır. Bu haqda bizə daxil olan məlumata görə növbəti video ABU rektoru ilə Əli Zəngilanski arasındakı söhbətdi.
Xatırladaq ki, Əli Bayramovun (Zənglianski) adı Mahir Abdullayev məsələsində bir neçə dəfə hallandırılıb.. Əli Zəngilanskinin oğlu MTN-də çalışır və mayor rütbəsi daşıyır. E.Abdullayevin bunaqədərki açıqlamalarına görə bu şəxs hay-küylü cinayətlərin iştirakçısı olub: “Məni Əli Zəngilanski Bakı Dövlət Universitetinin hüquq fakultəsinin dekanı mərhum Məmmədxan Rəsulov ilə tanış edib. 2007-ci ildə Qurd Qapısı restoranında Bakı Dövlət Universitetinin hüquq fakültəsinin dekanı Məmmədxan Rəsulovu Sevinc Babayeva sayağı zəhərlədilər. Bu əməliyyatda Əli Zəngilanskinin rolu olub. Sumqayıtda bir zavod direktorunu da bu cür aradan götürdülər. Əli Zəngilanski adam oğurluğu ilə məşğul olan mütəşəkkil cinayətkar təşkilatın da üzvüdür. Bildiyim qədər MTN-nin 4-cü idarəsilə əlaqəlidir”.
ABU rektorunun sözlərinə görə Əli Zəngilanski ilə bağlı onda 16 video var. Bu videolar 2003-2007-ci illərdə çəkilib. Mənbəmizin sözlərinə görə bu günlərdə yayılması gözlənilən videoda Əli Zəngilanski bir çox dövlət adamlarının adını çəkir: “O Mahirin Namiq Abbasovun nazir olduğu dövrdə oğurlandığını Eldar Mahmudovun isə bu işə kömək etmək istədiyini deyir. Ə.Zəngilanski bildirir ki, M.Abdullayevin oğurlanmasından prezidentin xəbəri yoxdur. “Onu Kəmaləddin Heydərovun göstərişi ilə oğurlayıblar Eldar Mahmudov isə azad edəcək” –deyə söhbətdə Ə.Zəngilanski bildirir.” Bizi məlumatlandıran şəxs söhbət zamanı həmçinin M.Abdullayevin müxalifətlə yaxın olması, guya müxalifət tərəfindən dövlət çevrilişinin planlaşdırılması və Abdullayev qardaşlarının da bu işin içində olmasından danışılır.
Xatırladaq ki, buna qədər də M.Abdullayevin oğurlanmasında Heydərovların adı hallanmışdı. E.Abdullayev bu haqda açıqlamasında FHN şefi ilə görüşdüyünü də bildirmişdi: “Kəmaləddin Heydərovala qəbul otagında görüşdüm və Arzu Kazımovun köməkçisi Rövşanə ogurlanmış qardaşım Mahirin həmin günü geri qaytarılması barəsində mənimlə sizin ananız hacı Simuzərin adı və səsi ilə danışığının audio yazısını ona təqdim etdim. Cənab nazirə bildirdim ki, bu cinayətkar adamlar ananızın adından danışmaqla sizi cəmiyyətdə hörmətdən , nüfuzdan salırlar . Kəmaləddin Heydərov bir necə dəfə audio kassetə qulaq asdıqdan sonra çox əsəbləşdi, söyüş söyərək bildirdi ki, Arzunun atası mənim atamın Naxcıvanda nökəri olubdur, mən Arzudan başqa Naxcıvandan üstümə gələn hamıya əl tutmuşam, hörmət etmişəm, Arzu Kazımov mənim düşmənimdir, Naxcıvanda yeganə adamdır mən bu adama nifrət edirəm, hec demə, bu …. belə yollarla varlanıbdı. Bundan sonra nazir yenə A.Kazımovun ünvanına söyüşlər söydü və mənə köməklik edcəyini, özü məni axtaracağını dedi. Səhərisi günü, mən həmin audio kasseti Kəmaləddin Heydərovun atası Milli Məclisin deputatı Fəttah Heydərova təqdim etdim. O, cox əsəbləşdi və bildirdi ki, Siz bilirsiniz ki, bunun arxasında kim dayanıbdır (Ramiz Mehdiyev) ... Gecə-gündüz mənim oglumdan da qəzetlərə məqalə ötürən də bunlardır, arxalı köpək qurd basar. Çalışacağam Sizə köməklik edim”

Elçin