Sabiq dövlət məmuru ilə Səttar Bəhlulzadə adina sərgi salonunun direktoru Elçin Orucovun gizlinləri
Səttar Bəhlulzadə adına sərgi salonunun direktoru, Bakı şəhərində antikvariat işinə baxan Elçin Orucov adlı kolleksiyaçı haqda qafqazregion.az saytında maraqlı məlumatlar yer alıb. Məlumata görə,o Səttar Bəhlulzadə adına sərgi salonunun direktoru olsa da onun ,bu salonun yerləşdiyi binada əsas işi heç də bu deyildir. Bir neçə il əvvələ qədər Bakının mərkəzində, Üzeyir Hacıbəyov küçəsi 27 ünvanında Səttar Bəhlulzadə adına sərgi salonu daha geniş idi. Sərgi salonunun çöl hissəsində məşhur rəssamın barelyefi də vardı. İndi həmin binada müxtəlif şirkətlər yerləşir. Binanın əsaslı təmirindən sonra ancaq bir hissə sərgi salonu kimi fəaliyyət göstərir. Səttar Bəhlulzadənin də barelyefi götürülüb. Burdakı sərgi salonu isə “Qalereya-1969” adı altında fəaliyyət göstərir.
Qalereya-1969 sərgi salonuna qalxan ikinci mərtəbənin sağ tərəfində divara Səttar Bəhlulzadənin “Dədə Günəş” və “Mənzərə” adlı əsərləri vurulub. Sərgi salonunda hazırda rəssam Sakit Məmmədovun əsərləri nümayiş olunur. Qalereyanın sahibi, vaxtilə Səttar Bəhlulzadə adına sərgi salonunun direktoru olmuş rəssam Elçin Orucovdur. İndi bura özəl olduğundan Elçin Orucov deyir ki, təmirdən sonra öz istəyi ilə buranı “Qalereya 1969” adlandırıb.
Bəs görəsən Elçin Orucov kimdir və nəyə görə bu gün biz onu mətbuat səhifəsində gündəmə gətiririk ?! O hələ İncəsənət İnstitutunda oxuyarkən, kasib, problemli bir tələbə olsa da lazim olan insanların ətəyindən "yapışmağı" bacarıb, yaxın qohumu Arif Qaraşovun xüsusi təyinatlı "biznes qulluqçularından olub" və onun sağında-solunda hərlənərək "boyuk etimad" qazanib. Böyük sahəsi olan və kiçik bir hissəsində “bəhanə” kimi fəaliyyət göstərən sərgi salonunun yerləşdiyi binanın faktiki sahibi Arif Qaraşovdur. Elçin isə burada yalnız görüntüdür. Mənbə qeyd edir ki,vaxtı ilə belə bir görüntü missiyasını o "Olimp\"magazasının arxasında yerləşən "21-ci əsr" çoxmərtəbəli, dəbdəbəli, özəl məktəbi ucun də edib. Sakinlərin saqqızını "oğurlayandan" sonra, yeni 4-5 binanın əhatəsində yerləşən parkı ələ keçirib məktəbin həyətinə qatandan sonra Elçin Orucov oralardan ilim-ilim itdi və bundan sonra məktəbin əsas sahibi Qaraşov cənabları oralarda hərdənbir görunməyə başladı. Əlbəttə bu heç də o demək deyildir ki, “incəsənət hamisi” olan Elçin Orucov bütün bu biznes layihələrdən özü yaxşı gəlir əldə etmir.Oxucuda aydın təsəvvür oyansın deyə onu xatırladaq ki, adıçəkilən sərgi salonunun yerləşdiyi bina sahəsinə görə ,qeyd etdiyimiz kimi kifayət qədər böyük yerdir və o hissələrə bölünərək iri şirkətlərə kirayəyə verilib ki,hər ay onlardan kifayət qədər böyük məbləğdə pul yığılır.
2003-cü il prezidentin sərəncamı ilə ildə bir sıra mədəniyyət ocaqları özəlləşdirməyə çıxarılmışdı. Onların içində bəzi kinoteatrlar, sərgi nümayiş salonları da vardı. Həmin vaxt bu salon da özəlləşdirməyə çıxarılıb və İqtisadi İnkişaf Nazirliyi tərəfindən özəlləşdirilib. Düzdür hal-hazırda Səttar Bəhlulzadə adına sərgi salonunun fəaliyyəti bərpa olunub, ancaq bununla mahiyyət dəyişməyib. Araşdirma aparanda məlum olur ki, Elçin Orucov üçün elə də əhəmiyyət kəsb etməyən Səttar Bəhlulzadə adına sərgi salonunun direktoru vəzifəsinə heç də təsadüfdən təyin olunmayıb. İş orasındadır ki,onun şəhərin müxtəlif yerlərində çoxsaylı əntiq əşyaların alış-veriş ilə məşğul olan dükanları var ki,bunlardan biri elə düz İçərişəhərdə yerləşir.Düzdür o özünü kolleksiyaçı adlandırır , incəsənətin hamisi kimi təqdim edir və antik, qədimi əşyalara biznes gözü ilə baxmadığını hər yerdə bildirsə də əslində bu heç də belə deyildir. Qeyd edək ki,o sərgi salonunun binasını adına özəlləşdirən zaman Mədəniyyət və Turizm naziri hal-hazırda Rusiyada səfir olan Polad Bülbüloğlu idi.( Qeyd edək ki,1989-cu ildәn. 2006-cı iləcən Azərbaycan Respublikasının Mədəniyyət naziri olub)
Baki Texniki Inventarlaşdırma Idarəsinin(BTI) keçmiş rəisi, daha sonra Prezident Yanında Ozəlləşdirmə Idarəsinin rəisi kimi “gəlirli” vəzifələrdə işləyən Arif Qaraşov da bu obyektə həmin ərəfədə qol qoyub. Onu da bildirək ki,Elçin Orucov həm də Arif Qaraşovun çox yaxın qohumudur.Qeyd edək ki, əntiq əşyalrı yığmağı özünə hobbi sayan Elçin Orucov həmçinin yuxarı eşalonda vəzifədə olan bəzi məmurlarla da yaxın dostluq münasibətindədir.O həmçinin keçmiş təhsil naziri Misir Mərdanovla da yaxşı münasibətdədir.
Məsələn, aldığımız məlumata görə,bir gün Elçin Orucov hətta öz hesabına Misir Mərdanovu Avropaya da aparıb. Güman edilir ki, sabiq nazir bu dəvəti Elçindən Avropadakı hansısa qeyri-adi əntiq əşyanı almaq istədiyindən qəbul edib. Deyilənə görə Elçin Orucov ümumiyyətlə bu kimi işlərdə bacarıqlı insandır. Həmçinin bildirilir ki, özünü hər yedə həm də rəssam kimi təqdim edən sərgi salonunun direktoru, Rəssamlar İttifaqının üzvü olsa da o rəssamlıqdan elə bir anlayışı yoxdur və bu sahədə heç bir istedada malik deyil. Ancaq Elçin Orucov bunun heç fərqində də deyil. Çünki onun üçün ən əsas rəssamlıq bacarığı yox, bəzi vəzifəli məmurlara yol tapıb qazanmaq bacarığıdır. Bəzi məmurlarla oturub-durandan sonra direktorun rəssamlıq bacarığına artıq lüzum qalmır.
Deyilənlərə görə onu imkanlı məmurların dairəsinə Arif Qaraşov gətirib,ancaq sonradan o özü, öz bacarığı ilə həmin təbəqədəki adamların bəzilərini ələ ala bilib. Dia.az-ın bildirdiyinə görə Elçin Orucovun qardaşı , Namik Orucova əsasən məmurlar üçün əyləncəli proqramlar təşkil etdiyinə görə ona,bu işlə məşğul olan digərləri kimi “Proqram” deyirlər ki,bu sənət də Azərbaycanda təzə-təzə çiçəklənməkdədir. Maraqlıdır ki, Namik Orucov tamam başqa sahədə biznes qursa da lazımlı adamlara yol tapmaq sarıdan qardaşından geri qalmır.
Mövzu diqqətimizdədir və sonrakı yazımızda biz Elçin Orucovun hansı banklarda neçə milyon olması, əlində hansı villaların açarlarının olduğu və kimlərin obyektlərini onun vasitəsilə satışa çıxardılması ilə bağlı söhbət açacağıq.
Şamil