Bakıdakı Naçxıvan Konsulluğunda məxfi toplantı

gundemxeber.az Bakı şəhərində yerləşən Naxçıvan muxtar Respublikasının Konsulluğunda dünən gecə saatlarında bir neçə iri oliqarx məmurun görüşü keçirilib. GUNDEİNFO.AZ- a bu barədə daxil olan məlumatda bildirilir ki, Bakı,Nərimanov,Mirzəbala Əhmədzadə, 8 ünvanında keçirilən görüşdə əsasən naxçıvandan olan məmurlar iştirak ediblər.
Görüşdə hansı məsələlərin müzakirə edildiyi barədə təfərrüatları ilə məlumat ala bilməsək də, əsasən son zamanlar hakimiyyət içindəki «Naxçıvan klanı» ilə bağlı gəlişmələrin müzakirə edildiyi söylənilir. Bildirilir ki, görüşdən çıxan məmurlar toplantı yerini kefi kök halda tərk ediblər. Hətta konsulluqda gecə yarısı keçirilən görüşdə iştirak edən məmurların özləri ilə mühafizəçi və sürücü gətirmədikləri də söylənilir.
«Maşınlar çox bahalı olsa da, xidməti dövlət seriya nömrələri deyildi. Avtomobilləri də tanıdığımız dövlət məmurları özləri idarə edirlər» deyə bu barədə saytımıza informasiya verən mənbə danışıb. Maraqlıdır ki, görüşdə iştirak edən naxçıvanlı oliqarx məmurlar haqqında hər hansı bir adlı bilgi verməyən mənbəmiz iddia edir ki, konsulluqda hətta işçilər də çox az sayda olub. Bildirilir ki, yalnız bir nəfər qapıda, bir neçə nəfər isə içəridə olub.
Saytımıza məlumat verən mənbə iddia edir ki, Bakıdakı Naxçıvan Konsulluğundakı toplantıda YAP-dan olan millət vəkili Siyavuş Novruzov da iştirak edib. Daha doğrusu yaxınlıqdakı çayxanalarda olan şəxslər təsadüfən naxçıvanlı YAP-çı deputatı tanıyıblar.

Fuad Həsənli