Milli Şuranın təşəbbüs qrupunun iclası başa çatdı. Mətbuata qapalı keçirilən toplantıdan sonra media nümayəndələrinə qəbu lolunmuş qərar barədə məlumat verildi.

Toplantının gündəliyində dayanan əsas məsələlər bunlar olub: təşəbbüs qrupunun yaradılması, ona ad verilməsi, təşəbbüs qrupunun nümayəndəsinin seçilməsi və seçkilərdə namizədliyinin irəli sürülməsi, namizədin sənədlərinin təsdiq olunması üçün MSK-ya bildiriş təqdim edilməsi.

Təşəbbüs qrupunun adı Milli Şuranın Təşəbbüs Qrupu oldu. Milli Şuranın üzvü, ALP-nin icra komitəsinin sədri Elman Məmmədzadə Milli Şuranın Təşəbbüs Qrupunun sədri seçilib.

Toplantıdan sonra mətbuata məlumat verən E.Məmmədzadə bildirdi ki, gündəlikdə olan məsələlər yekdilliklə qəbul edildi: “Bu gün 100 nəfərdən artıq təşəbbüsçülərin, seçki hüququ olan vətəndaşların qərarı ilə Milli Şuranın Təşəbbüs Qrupu yaradıldı. Təşəbbüs Qrupu tərəfindən Milli Şuranın sədri Rüstəm İbrahimbəyovun prezidentliyə namizədliyi irəli sürüldü. Bu qərar yekdilliklə qəbul edildi. İbrahimbəyovun namizədliyinin təsdiq olunması üçün sənədləri hazırlanaraq MSK-ya təqdim olunacaq. Bu məqsədlə MSK-ya bildiriş göndəriləcək”.

* * *

Hazırda Rüstəm İbrahimbəyovun təşəbbüs qrupunun iclası davam edir.
Artıq iclasda Rüstəm İbrahimbəyovun prezidentliyə namizədliyi rəsmən irəli sürülüb və sənədlər MSK-ya təqdim olunacaq.