Hazırda Milli Şuranın növbəti sessiyası keçirilir.
Bu günki sessiyada Milli Şuranın vahid ehtiyat namizədinin seçiləcəyi gözlənilir. Bu günki sessiyaya sədrliyi Müsavat başqanı İsa Qəmbər edir. İsa Qəmbər qeyd edib ki, artıq 79 nəfər qeydiyyatdan keçib. Bununla da tədbir açıq elan olunub.

Qeyd edək ki, bu iclasda qurumun prezidentliyə ehtiyat vahid namizədi müəyyənləşəcək.

***

ACP sədri Sülhəddin Əkbər deyib ki bu gün Milli Şuranın tarixində mühüm bir gündür: “Ayın 12-də təşəbbüs qrupunu yaratdıq . Rüstəm bəyə qarşı əsas iddia o idi ki, onun gəlməsinə mane yarana bilər. Rüstəm bəy məktub yazdi ki, Milli Şura proseslərdən kənar qalmasın deyə başqa namizəd seçilsin. Əsas olan bizim dərk edərək qərar verməyimizdir. Bu gün yeni vahid namizəd irəli sürürüksə bu Milli Şuranın konsepsiyasının üzərindən qırmızı xətt çəkmək deməkdir. Milli Şura sədri gördü ki, ona inanmırlar. Rüstəm bəy də yoruldu və dedi ki, namizəd seçin. Cəmil müəllimi tapdılar ki, öz simalarını qorusunlar və seçki prosesindən kənardsa qalsınlar. Mən toplantıda da partiya sədrlərinə sual verdim ki, niyə siz seçkidə iştiurak etmirsiniz? ACP bu gün yeni namizədlə bağlı səsvermə keçirələcəksə, onda iştirak etməyəcək”.

***

Milli Şuranın İcra Aparatının rəhbəri Eldar Namazov qeyd edib ki, keçən dəfə qeyd etdiyi ki, demokratiya uğrunda mübarizə aparan insanlar özü demokratik qaydalara əməl etməlidir: “ Vahid mövqeyə gəldik ki, sessiyanı çağıraq. Biz ona təkcə hüquqi mandat verməli deyilik. Eyni zamanda həmin şəxsə siyasi status verək. Ən şanslı namizədə hamı səs versin. Hamımız birləşib onu müdafiə edək. Korporativ maraqları kənara qoyub ən çox səs toplayan adamı dəstəkləyək”.

***

ALP sədri Əvəz Temirxan bildirib ki, yaxşı ki Rüstəm ibrahimbəyov var imiş və Azərbaycanı idarə etmək iddiasında olan bir araya gələ bilməyən siyasiləri bir yerə yığdı: “Qısa müddətdən sonra məlum oldu ki, sən demə qatar başqa yerə gedirmiş. Biz bu gün ziyalılar adından namizəd olmağa kim razı olubsa ona təşəkkür edirik ki, həm Milli Şuranı, həm də bizi qoryur. Biz onun namizədliyinin leyhinə səs verəcəyik. Çünki bizim üzərimizdə məsuliyyət var. Bilənlər bilir ki, Lalə Şövkət deyirdi ki, kim axıra qədər davam edəcəksə, əzimlidirsə onu dəstəkləyək, onunla yola davam edək. Reyintq səs verməsi ilə belə qərar gəldik ki vahid namizədlə seçkidə iştirak edək. Siyasilərdən də kimin namizəd olacağı reytinq səsvemrəsi ilə seçilməlidir”.

***



İclasda Rüstəm İbrahimbəyovun müraciəti oxunub. “Hesab edirəm ki, Milli Şuranın yeni namizədi Azərbaycan tarixini yaxşı bilən, vətənpərvər bir kəs olmalıdır. Hamının yaxşı tanıdığı Cəmil Həsənli bu xüsusiyyətlərə malikdir. Milli Şura üzvlərinə üzümü tutaraq onlara Cəmil Həsənliyə səs vermələrini xahiş edirəm”.

Günel Türksoy