Sumqayıt Dövlət Universitetinin rektoru Nadir Qəhrəmanovun Paşayevlərə qarşı gizli müharibəsinin sonu

Sumqayıt Dövlət universiteti 13 iyun 2000-ci ildə ümummilli liderimiz Heydər Əliyevin fərmanı ilə Azərbaycan Sənaye İnstitutunun bazasında yaradılmışdır. 2000-ci ildə burada baş verən özbaşınalıq, rüşvətxorluq, maliyyə yeyintiləri Təhsil Nazirliyini qəti tədbirlərə əl atmağa məcbur etdi. Rektor dəyişdirildi, bir çoxları həbs edildi. Lakin rektorun dəyişməsi də universitetin normal vəziyyətə saxta diplom verilməsi, maliyyə yeyintiləri hallarının dayanmasına təsir etmədi.
“Gələn gedənə rəhmət oxutdular” prinsipi SDU-da da keçərli oldu. Görmədiyi günə düşən Nadir Qəhrəmanov birdən-birə varlanmağa başladı. Villalar, şadlıq evləri, bahalı maşınlar, binaları, zinət əşyaları rektoru çaşdırdı. Çirkin əməllərini davam etdirək üçün “daydayı” axtarışına çıxdı. Keçmiş Nazir Misir Mərdanov uzaqgörən insan kimi Prezidentin dayısı Cəmil Əliyevi məsləhət gördü. Rektor bunları açıq-aydın çəkinmədən etiraf edir. Bu barədə mətbuatda kifayət qədər yazılar dərc olunub. Cəmil Əliyevin dəstəyini aldıqdan sonra Nadir Qəhrəmanov açıq şəkildə keçmiş “qəssablıq” fəaliyyətini davam etdirdi. Ona göstərilən etimaddan daha çox öz şəxsi maraqları üçün çalışan N.Qəhrəmanovun universitetdəki özbaşınalığı son dövrdə daha dözülməz həddə çatdı. Əslində korrupsiya, rüşvətxorluq elementləri bütün ali məktəblərdə qismən mövcuddur. Fərq etməz az və ya çox. Amma SDU-dan rüşvətxorluq elə geniş şəkildə kök atıb ki, bunun birbaşa Qəhrəmanovlara xidmət etməsinə şəkki-şübhəniz olmasın. Hər ili imtahan sessiyası zamanı rektor öz pulu ilə müxalifət qəzetlərində müxtəlif həqiqətə uyğun olmayan yazılar dərc etdirməklə aidiyyatı qurumların fikirlərini əsas məsələlərdən, şikayətlərdən, korrupsiya, rüşvətxorluq hallarından, qanunsuz əməllərindən, maliyyə maxinasiyalarından məharətlə yayındırmağı bacarırdı. Məsələn, Arif Paşayevlə qırılmaz tellər, Ramiz Mehtiyevlə sıx əlaqələrinin olması, H.Əliyev fonduna pul köçürmələri, Rəfiqə Əliyavanın onu rektor qoydurması, ulu öndər H.Əliyevlə ailələrinin yaxınlığı və sair. Mətbuata diqqətlə nəzər salsanız bu məsələlər kütləvi şəkildə qabardırılır və həqiqi “daydayısıda” öz yerində. Əsil erməni siyasətidir. Hər yerdən sığortalanıb. Təhsil Naziri Misir Mərdanovda hər şeydən bəlli olduğu üçün fürsətdən istifadə edərək hamını qəti şəkildə inandırıb ki, Prezidentin Sumqayıt Dövlət Universitetində gedən qanunsuzluqlardan, rüşvətxorluq, korrupsiya və maliyyə maxinasiyalarından xəbəri var. Ona görə də heç bir icra başçısı Nadir Qəhrəmanovla bacara bilmir. Prokurorluq və dövlət təhlükəsizliyi orqanları keçmiş nazirin sözlərini əsas tutaraq baş qoşmaq belə istəmirlər. Bir sözlə balansı qorumağa üstünlük verirlər. Altda qalanın çanı çıxsın prinsipinə üstünlük verilir. Ən maraqlısı budur ki, Tələbə Qəbulu Üzrə Dövlət Komissiyasının xəbəri olmadan SDU-da birbaşa 2-ci kursa kütləvi şəkildə tələbə qəbulu aparılıb. Rusiyanın bir çox ali məktəblərindən köçürmə yolu ilə SDU-ya qəbul olan tələbələr köçürüldükləri ali məktəblərin adlarını belə bilmirlər. Məsələn Quliyeva Səbinə Zahid qızı və Alıyeva Leyla Zahid qızı kimya fakültəsinin biologiya ixtisasına 39.7 qrupuna qəbul olunublar. Faktlar çoxdur. Qorxularından yoxlama aparmağa adam tapılmır. Keçmiş Təhsil Naziri öz şəxsi maraqlarına görə elə təqdim edib ki, Nadir Qəhrəmanov sanki hər gün Prezidentlə oturub durur. Həqiqətə uyğun olmayan bu yanaşmalar rektora öz çirkin əməllərinin həyata keçirilməsinə şərait yaradır. Şikayətlərin ardı-arası kəsilmir. SDU-nun iqtisadiyyat və idarəetmə fakültəsinin keçmiş dekanı dosent Kamil Abdullayev SDU-da baş verənlər barədə Prezidentə açıq məktub ünvanladığına görə Universitetdən qanunsuz olaraq çıxarılıb. Bir məsələyə diqqət yetirmək çox vacibdir. Müraciətdə deyilir SDU-da onsuzda yaxşı hörmətə malik olmayan TQDK-nın sədri Məleykə xanım Abbaszadə, Prezident aparatının şöbə müdiri Fatma xanım Abdullazadə və bunları müdafiə edən xanım barəsində dəfələrlə əxlaqsız sözləri təkrarlaması məni onlara cavab qaytarmağa məcbur etdi. Lakin təəssüflər olsun ki, SDU-nun rektorunun gözü qarşısında korrupsiya bataqlığına batan şəxslər vaxtında cəzalansaydılar bu gün onlar heç vaxt deməzdilər ki, ölkəni əxlaqsız xanımlar idarə edirlər. Bu nə söz azadlığıdır, nə də ki, insaniyyətlikdir. Bu müraciətə Prezidentə “sadiq” aidiyyatı orqanların heç biri fikir vermədilər. Bu birbaşa Ali baş Komandana və onun ailəsinə hörmətsizlikdən başqa bir şey deyildir. Görəsən Nadir Qəhrəmanovu dəstəkləyən ailə üzvü Cəmil Əliyev bunlardan xəbərdardırmı. Hər zaman H.Əliyev fonduna çoxlu çirkli pullar köçürdüyünü iddia edən rektor kimi ləkələməyə can atır. Məqsəd nədir. Bunlar nədən qaynaqlanır. Budurmu ulu öndərə olan ehtiram prezidentə sadiqlik. Azərbaycan Respublikasının qanunları ölkə daxilində hər yerdə bərabərhüquqlu olaraq keçərlidir. Neçə olur ki, Lənkəran dövlət universitetinin prorektoru rüşvət faktına görə tutulur cinayət işi açılır. SDU-nun prorektoru rüşvət sübutu ola-ola əməkdar müəllim adına layiq görülür. Bir məna var. Paşayevlərə qarşı mübarizədə rektor Nadir Qəhrəmanovla həmfikirdirlər. Fikir ayrılığı olanlar dərhal SDU-dan atılırlar. Nizami Namazov prezidentə açıq məktub yazdı. SDU-da baş verən bütün qanunsuzluqları, maliyyə pozuntusu saxtakarlıqlarını çılpaqlığı ilə ortaya qoydu. Yenə tədbir görən tapılmadı. Şikayətin əsas məqsədi nə idi. Tərbiyə işləri üzrə prorektora ulu öndərin və Ali Baş Komandanın portretlərini dörd ay zaldan asmağa rektorun icazə verməməsi. Bunlar doğru həqiqətdir. Sadəcə maraqlananın fikrini rektor kisəsinin ağzını açaraq başqa bir səmtə yönəltməyi bacarır. Təki pul olsun. Başqa bir misal olaraq SDU-nun baş mühasibinin Prezidentə müraciəti, müraciətdə deyilir 215 nəfər, ölücanlının pulları saxta kredit kartları ilə prorektor Yadigar Hüseynov, prorektor Əkbər Ağayev, prorektor Qafar Ramazanov və tədris şöbəsinin müdiri Sadiq Xəlilov tərəfindən mənimsənilir. Bu faktlar var. Faktları yoxlamaq əvəzinə biçarə baş mühasibə, prorektora, dekana hüquq mühafizə orqanları təzyiq göstərərək təkzib vermələrini bildirdilər. Budur prezidentə sədaqətlilik. Bu günə kimi özbaşınalıq davam edir. Ümid isə yeni təhsil naziri Mikayıl Cabbarov qalıb. Yeni təhsil naziri təyin olunanda SDU-nun rektoru bilərəkdən işçilərin əmək haqlarını və məzuniyyət pullarını vermədi. Kollektivin qarşısında isə Yeni təhsil nazirini səriştəsizlikdə ittiham etdi. Yazılanlar barədə əlimizdə kifayət qədər materiallar var. Görüntülü və audio. Bir sözlə Nadir Qəhrəmanov son zamanlar İlham Əliyevin göstərdiyi diqqət və qayğıdan layiq olmadığı nə varsa hamısına layiq görülüb. Paşayevlərə qarşı mənfi fikirin formalaşması isə yəqin ki, keçmiş səhiyyə naziri Əli İnsanovun tutulmasından və keçmiş təhsil naziri Misir Mərdanovun çıxarılmasından qaynaqlanır. Lakin bu heç də SDU-nun rektoruna əsas vermir ki, korrupsiya rüşvətxorluq əməlləri ilə internet saytlarından düşməyən prorektorlarını göz bəbəyi kimi qorusun, ölkəni əxlaqsız xanımlar idarə edir deyən bu şəxslərə Prezidentin fərmanı ilə əməkdar müəllim adı verilsin. Buna xəyanət adı verilməlidir. Çünki bu şəxslər xəyanətkardırlar. SDU-nun kollektivi inanır ki, bu xəyanatkarlar layiqli cəzalarını alacaqlar.