Yerlərdə rüşvətlə kimlərəsə saxta şəhidlik status verilib; bu cinayətin başında kimlər dayanıb?

Azərbaycanın bütövlüyü uğrunda torpaqlarımızın qorunmasında canlarından keçmiş şəhidlərimizin ömür yolu hər bir kəsə örnəkdir. Hər bir Azərbaycan vətəndaşı öz milli qəhrəmanına ehtiramla yanaşmalıdır. Torpaqların qorunması, vətənimizin müdafiəsi uğrunda canından,qanından keçərək şəhidlik zirvəsinə ucalmaq ən böyük şərəf və qürurdur. Azərbaycanın elə bir şəhəri, kəndi tapılmaz ki, orada şəhid məzarı olmasın. Amma hər bir sahədə olduğu kimi, əfsuslar olsun ki, bu sahədə də ağlagəlməz hadisələr baş verir, bu müqəddəs ad belə hərraca çıxarılır.
Qanuna görə, yalnız döyüş əməliyyatı zamanı həlak olmuş şəxslərə şəhidlik statusu verilir. Lakin bir çox şəxslər hərbi xidmət zamanı xəstəlik və digər səbəblərdən vəfat etmələrinə baxmayaraq, belələrinə yerli hərbi komissarlıqlardan şəhidlik statusu almaları üçün arayışlar verilmişdir. Saxta şəhidliyə görə prezident təqaüdü və bir sıra dövlət imtiyazlarından istifadə olunduğuna görə uzun illər dövlət büdcəsinə xeyli miqdarda ziyan dəymişdir. Araşdırmalara görə , Masallıda 11 nəfərə saxta şəhid ststusu verilib. Bu şəxslər aşağıdakılardır:
1. Alışov Tofiq Bəhram oğlu
2. Quliyev Müşviq Abış oğlu
3. Cabbarov Vüqar Cabbar oğlu
4. Əhmədov Araz Bəxtiyar oğlu
5. Əliyev Zöhrab Qadir oğlu
6. Əmirov Elşən Əlirza oğlu
7. Hüseynov Əfqan Rafiq oğlu
8. Məmmədov Nazim Sahib oğlu
9. Novruzov Fuad Qorxmaz oğlu
10. Rəhimov Saleh Tofiq oğlu
11. Şahbazov Rəşad Murad oğlu
Adları çəkilən şəxslər düşmən gülləsindən deyil, müxtəlif xəstəlik və ya bədbəxt hadisələr zamanı vəfat ediblər. Belələrinin sayı son 14 ildə təəssüflər olsun ki, 3 mini keçib.
Azərbaycanda son zamanlar əfsuslar olsun ki, milli-mənəvi dəyərlər yox olub gedir. Əgər şəhidlik adı da hərraca çıxarılıbsa, bax,bunun haqqında artəq düşünməyə dəyər. Hesab edirik ki, müvafiq dövlət qurumları “Gündəm xəbər”in qaldırdığı bu problemin araşdırılması üçün lazımi addımları atacaqlar.

Çinarə Vüqar