Rayon sakininin 90 sot torpağını mənimsəyən hansı millət vəkilləridir?
“Gündəm xəbər” qəzetinə daxil olan məlumata görə, Quba rayon Qimil-Qazma kənd sakini Rəhimov Bəhruz Bünyədəli oglunun xüsusi torpaq sahəsini iki deputat qanunsuz şəkildə zəbt edib. Quba torpaq şöbəsinin müdüri Xudaverdiyev Allahverdi qanunsuz sənəd düzəldərək 90 sot torpağı satıb.
Əslində isə bütün bunlar gözdən pərdə asmaq üçündür və deputatlar torpağı zəbt ediblər. Belə ki, onlar Quba rayon Torpaq şöbəsinin müdiri Allahverdi müəllimdən saxta sənəd yəni, torpaq aktı alıblar. Torpaq alanlardan “Azəryolservis” ASC-nin rəhbəri, millət vəkili Cavid Qurbanovun oğlu Şəmşir Qurbanovdur. Həmin ərazi 45 sotu əhatə edir və bununla bağlı 4-466 saylı salqı satqı müqaviləsi 28.09.2004 ci lidə imzalanıb. Qanunsuz torpaq alqı-satqısında adı hallanan millət vəkillərinin biri isə Musayev Madər Ələsgər ogludur. ( Bu şəxs dagha çox Hacı Madər kimi tanınır-red ).
Elə bu səbəbdən də deputatlar arsında pay-puş edilən torpağın əsl sahibi Rəhimov Bəhruz onları məhkəməyə verib. Onun iddiası üzrə işə Sumqayıt İnzibati İqtisad Məhkəməsi baxıb. Məhkəmə Quba rayon Torpaq və Xəritəçəkmə şöbəsinin müdiri Allahverdi müəllimdən alqı-satqı müqaviləsi istədikdə isə o saxta sənəd düzəldərək onlara təqdim edib. Halbuki Quba Natariat Kontorunda bununla bağlı hər hansı alqı-satqı prosesi qeydə alınmayıb.
Məsələnin ilginc tərəfi isə ondadır ki, bu barədə natarius Zaur Dəmirov rəsmi sənəd verərək bildirib ki, məhkəməyə təqdim olunan sənəd saxtadır. İndi isə sözügedən iş Sumqayıt Apeliyyasiya Məhkəməsinə verilib.
Məlumatda həmçinin bildirilir ki, həmin ərazidə deputatlar dəbdəbəli villalar tikir. Mövzuya qayıdacağıq.

Aslan