Az.TV sədri Alışanov dövlət şirkətinin rəhbəri olsa da, dövlət əleyhinə olanların varislərini müdafiə edir?!

Azərbaycan üçün getdikcə adiləşən, komandaya və dövlətə xəyanətin təntənəsi üstündə ucalmanın dadını çıxarmanın yaşam prinsipinə çevrilmə faciəsini qısaca belə izah edək: Az.TV sədri Alışanov Arif qulluq göstərə biləcəyi bütün antimilli, antikomanda ünsürlərinin qulluğunda durub! Ki… xəyanət edənlərin sırasında və komandasında personaların biri də özü olsun. Hər kəs yaşam və əxlaq seçimində azaddır və demokratik dəyərlərə hörmət əlaməti olaraq, Alışanov Arifin seçiminə hörmət edirik. Hörmət etmədiyimiz odur ki, arifliyini karyeristlikdə sərgiləyən (lazım gələndə “narxoz”un diplomunu, lazım gələndə jurnalistika fakültəsinin diplomunu dekanı Cahangir Məmmədli ilə birgə “satın alıb” ortada gah “buxaltır”, gah da “jurnalist” kimi “ucalma”, vəzifə tutma) Alışanovun həm də adamları, vəzifəni, hörmətdən salmağıdır. Bunlar da bir yana, adam dövlətçilikdə ittiham etdiyi adamın balasını qanadı altına alıb, özünə “kölgə komandası” yaradır! Bu isə ölkədə “hər şeyin nəzarətdə olması” söhbətlərini şübhə altına alır.
Deməli, diqqətə belə bir faktı çatdırmaq çox vacibdir ki, dediklərimizin nədəni, yanğısı bəlli olsun və Alışanovun kimliyi kimi, bizim də səmimiyyətimiz, dövlətçilik təəssübümüz ortada olsun!
ƏVVƏLA: Alışanov, Nizami Xudiyevin dönəmində çox parlaq “uğurlara” imza atıb və bu uğurlardan biri də odur ki, Elşad Quliyevin əleyhinə toplanmış yüzlərlə imzadan biri və birincisi elə onun özünün imzası olub. Və məhz bu imzaatmadan sonra həmən də mükafatdan şirniklənən Alışanovun Az.TV-dəki bütün maliyyə maxinasiyalarını sadalamağa və üstünə getməyə ehtiyac görmürük – adını “müstəqil” və “azad” qoyan “demokratik mətbuatın qaranquşları” çoxdan “aylıq haqlarını” Alişanovdan ədəbi-ərkanla alırlar və heç onların vecinə də deyil ki, dövətin əmlakının dağıdılması faktı üstündə özlərinə gün qururlar. Və həm də ona görə dərinə getmirik ki, bu yandan Arif öz neqativlərini belə satınalmalarla yuyursa, o yandan da həmin qəzetləri “Qasid”in qabağında “pulumuzu verin” aksiyasını yaşama acizliyində saxlayır. Bu maraqlı deyil. Maraqlı olan bax budur:
Xudiyevin rəhbərliyi Alışanovun imza başçılığı ilə başlanan “Elşad Quliyev enerji blokunu partladıb” kampaniyası onunla ilkləndi ki…
TARİXƏ EKSKURS: Əslində nə olmuşdu? 97-98-99-cu illərdə hər “Qanlı Yanvar” ərəfəsində məlum verilişlər verilirdi və bu verilişlərdə “Qanlı Yanvar” faciəsinin başlanğıcı kimi, enerji blokunun partladılması nümayiş etdirilirdi. Ayrı cür mümkün də ola bilməzdi və o verilişlərdə faciənin haradan qaynaqlandığı və necə start götürməsini bizlər efirdən görürdük!!! Bizə “Elşad Quliyevin düşmənlə əlbirlik və xəyanət” həqiqətlərini Az.TV-nin çoxminli kollektivi birbaşa öz efirindən çatdırırdı! Hal şahidləri qeyd edirdilər ki, enerji bloku elə-belə partladılmayıb! Onu Az.TV-nin sabiq sədri Elşad Quliyevin razılığı ilə “Alfa” qrupu efir cəbhəçi ünsürlərin əlinə keçməsin deyə partladıb! O verilişlərdəki həqiqət yükünü yadımda həmişəlik saxlayan məqamlardan birini çatdırmaqla xüsusi vurğulamaq istəyirəm ki, niyə “Elşad Quliyev xəyanəti” yadımdan nəinki bu günə qədər, ümumiyyətlə heç vaxt çıxmaz: Hal şahidlərinə başçılığı Elşad Quliyevin bacısının əri, indiki sədr Arif Alışanovun keçmiş qudası Əhməd Aşurbəyov, tanınmış rejissor Nazim Abbas(ov) “Qanun” proqramının baş redaktoru Araz Əliyev, onda da, indi də həmkarlar komitəsinin sədri olan Sərhəd Qasımov və neçə-neçə digər Az.TV “sanballıları”ciddi dəlillərlə göstərirdilər ki, bu cinayətin müəlliflərindən biri Elşad Quliyevdir!!! Və elə o verilişlərdə məlumat verildi ki, Bakı Şəhər Prokurorluğunda “Alfa” qrupunu Az.TV-nin enerji blokunu partlatmaq üçün dəvət etdiyinə görə Elşad Quliyevə qarşı cinayət işi başlanılıb. Az.TV kollektivinin Elşad Quliyevin “xəyanətə köklənən müstəsna xidmətləri”ni təsdiqləyən ucdantutma sorğu-sual kampaniyası da göz yaddaşımızdan silinməz! Çünki, bu kampaniyanı aparan adamlar bütün kollektivlə qol çəkmişdilər ki, onlar məlum cinayətdə Quliyevin iştirakını təsdiqləyirlər. Allah keçsin günahımdan, bəlkə də qol çəkməyən iki-üç adam olub, bilmirəm, amma onu bilirəm ki, neçə il bu kampaniya efirdə davam elədi. Elşad Quliyevin adı “Qanlı Yanvar” faciəsində hallandı, hallandı və…nəticəsi bu gün də bəlli deyil. Kampaniya o başlanan oldu!
Digər tərəfdən, tapşırılan hər bir xəyanət kampaniyasını yüksək səviyyədə başa çatdıran Alışanov Arifin bu missiyası hələ də bitməyib və səs-soraq da yoxdur. Əksinə, dövlətə, xalqa, dövlətçiliyə xəyanətdə ittiham etdiyi Elşad Quliyevin oğlu Cəmil Quliyev çox az sonra Alışanovun sədr olduğu Az.TV-də “Mədəniyyət” kanalının rəhbəri kimi peyda oldu. Özünün nə ixtisası, nə də televiziya sistemində heç bir uğuru olmayan, bacardığı “almanı tumuyla bir yerdə yeməkdən o yana keçməyən Kərimov” artıq… ölkənin İCTİMAİ telekanalının rəhbəridir! Demək artıqdır ki, kuluarlarda hamı “İctimai”ni Az.TV-nin kölgəsi və əvəzedici heyəti kimi qəbul edir. Bax, faciə həm də budur: ölkə susur və dünənəcən özlərini “razrez”ə və “dekolte”yəcən cırıb şivən qoparanlar Elşad Quliyevin də xəyanətini, Alışanovun da xəyanətini və “İctimai”-də baş verən iyrənclikləri də görməməzliyə vururlar. Özlərini lezvalayanlar üçün “İctimai”nin özü yox, kimin orada işləyib işləməməsi maraqlı imiş! Maraqlı olan bu – “azad və demokratik mətbuatın BƏYquşlarını” məhz bu narahat edirmiş!!!
SÖZARASI: Xudiyevin bu xalq qarşısında xidmətləri dəhşətli dərəcədə müstəsnadır – adam müəllim olaraq hamıya görk etdi və başa saldı ki, Az.TV-dəki iki minə yaxın əməkdaş başda Alışanov olmaqla, bir qarın çörəyə ən müqəddəs dəyərlərə tüpürənlərdir!
İkincisi, Alışanovun kimliyini bu gün biz məhz Nizami Xudiyevin ustadlığına görə müəyyən edə bilirik. Adam “xəyanətkar” deyə taleyinə qara çəkdiyi adamın tərbiyəsini almış, çörəyini yemiş birisini əsir götürüb, zombi kimi qəddarcasına ondan istifadə edərək, xalqın müqəddəs dəyərlərinə hörmətsizliyə məcbur edir.
Cəmil Quliyev Azərbaycanda “İctimai” televiziyanın tarixində ən silinməz və miskin “rəhbəri” kimi qalacaq.
ƏVVƏLA:
1. Bu dövləti müxalif düşüncəyə qənimlikdə və antidemokratiklikdə ittiham edənlər öz yaxınlarının və ətaflarının təzyiq altında saxlanmasını bəyan və iddia etdikləri halda, bu yandan görürlər ki, dövlətə xəyanət etmiş birisinin oğlu ən birinci kanaldadır və rəhbərdir. İkinci qüsur odur ki, əqidə və komanda müxalifliyi önəm daşısa da, dövlətə xəyanət önəm daşımır?! Ən böyük zərbə dövlətin imicinə dəyir!!!
İşim bir daha bunu vurğulamaqdı: bu ölkədə vəzifə üçün hər şeyindən keçən o qədəri var ki, nə hay düşüb ki, bir almanı tumsuz yeyib gizlətməyi də bacarmayan “Kərimov”un umudunamı qaldınız? Həyatda bircə nəfərlə də dostluğu olmayan, “peraşki”dən başqa nəsə həzmə göndərdiyini görməyən bir şişmanı bir bu qədər də şişirtməyə dəyərdimi?

Bəlkə, Alışanovun arifliyinin nədənini anlayaydınız – Az.TV-dəki iki minə yaxın adından keçənlərlə birgə olması təhlükəsini (bizim üçün yox e, özünüz üçün) nə qədər dəhşətli olduğunu anlayaydınız?
İtirən biz deyilik. Komanda və dövlətin imicidir.
TƏƏSSÜB: Prezidentə bunu çatdırmaq çox çətin məsələdir. Ona “Kərimov”dan və Alışanovdan ancaq və ancaq “yaxşı” olanı çatdırırlar. Təlaş və təəccüb də bu doğurur ki, doğrudan da, cənab prezident doğrudandamı bu tip yaxşıları təqdir edir!”
Alışanovun yaratdığı və yaşatdığı faciə bax budur!!!
YAZININ HÖKMÜ: Bu mövzuya müraciətdə məqsədimiz odur ki, XALQIN MÜQƏDDƏSLİYƏCƏN UCALTDIĞI faciədən yararlanma amilləri günümüzdə tramplinə çevrilib. Haqlı sual ondan ibarətdir ki, əgər bu mücadilədə xəyanət yolu tutmuş adamlar olubsa, onda niyə Az.TV-nin keçmiş və indiki, həm də aralıq rəhbərliyi başda Elşad Quliyev olmaqla cəzasız qaldılar, qalıblar və qalacaqlar?! Yox, o verilişlər həqiqət donunda yalan, şantaj idisə, yenə də cəzasız qalanlar var: bu yalana imza atanlar, müəlliflər niyə cəzasız qalıb!? Hər bir halda, ən doğru və dürüst fikri istintaq deyə bilər. İstintaq isə susur.
SON: Xatırlatmağı borc bilirəm – Heydər Əliyevin o hadisələrlə bağlı münasibəti bəlli idi və verilişlər də məhz Onun sağlığında efirdən yayımlanıb. Cinayət işi də Onun sağlığında başlanıb! Mən bu baxımdan hətta məntiqi sualı yazmağa üşənirəm. Görəsən, Bakı Şəhər Prokurorluğunda da pəncərələri taybatay açmağa ehtiyac varmı ki, otaqların havası dəyişsin, cinayətkarlar cəzalansın???

Aydın Canıyev