İstilərə dözə bilmirəm. Bekarçılıqdan şəkil çəkdirib paylaşıram.

gundemxeber.az bildirir ki, bu sözləri axşam.az-a açıqlamasında müğənni Xatirə İslam deyib.

Sənətçi İnstaqram-da "Çox halsızıq, Allah özün kömək ol" şərhi ilə paylaşdığı fotosundan bəhs edib.

O bildirib ki, isti havada oğlu Emilin də, özünün də halı pisləşib:

"İsti hava mənə pis təsir edir. Bilmirəm hara gedim ki, sərinlik olsun. Uşağı da gün vurub, halsız qalıb. Bir şəkil çəkdirib qoyan kimi, başlayırlar bəxtəvərçilik verməyə, nələrsə yazmağa. İnanın, bekarçılıqdan şəkil çəkdirirəm. Bizimki İnstqram xoşbəxtçiliyidir".