Qeyri-standart prezident seçkiləri ili ölkənin inkişaf marşrutunu dəyişməlidir[/b][/i]

2013-cü il Azərbaycan üçün çox mühüm olacaq. Ona görə ki, qeyri-standart prezident seçkiləri ili ölkənin inkişaf marşrutunu dəyişməlidir. Azərbaycan Əqrəb zodiak işarəsinə daxil olan ölkələr qrupuna aiddir. Azərbaycandan başqa, Əqrəb işarəsinə Türkiyə, Hind-Çin, İran, Əfqanıstan, İsveçrə, Macarıstan, Kuba, İslandiya, eləcə də qismən Norveç daxildir.
Ölkə üçün 2013-cü il çox ziddiyyətli olacaq. O, təkcə yeniliklər yox, həm də əski illüziyalardan ayrılmaq vəd edir. Ətrafdakılarla münasibətlər davamlı olmayacaq, anlaşılmazlıq və tez-tez baş verən münaqişələr MDB, Aİ kimi müxtəlif təşkilatlardakı müttəfiqlərlə ayrılığa gətirib çıxaracaq.
2012-ci ildə hakimiyyətin davamlılığını azaldan tendensiyalar – onlara Qərb və Şimalla fikir ayrılığını aid etmək olar, - davam edəcək. Rejimin dünya demokratik camiəsi ilə dəyərlər münaqişəsi dərinləşəcək və bu, özünü artıq 2013-cü ilin yanvarında göstərəcək.
“Gülərqeyt” tipində, milyardlarla vəsaitlərin talan edilməsi və s. kimi yeni ifşalar hakimiyyətin dayaqlarını daha da laxladacaq. Əksinə, daxili və xarici müxalifətin konsolidasiyası prosesi gedəcək. Bu, payızda, prezident seçkiləri dövründə özünü daha bariz göstərəcək, bu isə rejim və onun opponentləri üçün dumanlı perspektiv vəd edir. Maliyyə cəhətdən il yaxşı görünür – valyuta davamlı, inflyasiya zəif olacaq. Əhalinin gəlirləri az artsa da, rifah qismən də olsa yaxşılaşacaq.
2013-cü ildə xalqın azad cəmiyyət barədə arzusunun həyata keçmə imkanı yaranacaq. Tünd İlan ilində Azərbaycan cəmiyyətinin fəallığı qibtə doğuracaq. O, ilin vacib məsələlərini həll etməyə qadir olacaq. İl isə ölkəyə böyük enerji və ciddi uğurlar vəd edir.
Amma ən başlıcası il ölkənin həyati vacib yolunu dəyişmək şansı kimi görünür. Cəmiyyət dövlətin gələcək taleyinin asılı olduğu bir neçə çox vacib qərar qəbul etməlidir. 2013-cü ildə o, insanların hansı dövlətdə yaşamaq istədiyini müəyyən etməlidir. 2013-cü ildə Azərbaycan, ulduz falına əsasən, Qara Su İlanının xüsusi himayəsi altında olacaq və ölkə onun dəstəyinə ümid bəsləyə bilər. Azərbaycan xalqı çox yaxşı intuisiyaya və hadisələrin inkişafını anlamaq qabiliyyətinə malikdir. Bu, böhranlı vəziyyətləri dəf etməyə imkan verəcək. Mahiyyətcə, 2013-cü il ölkəyə gələcək nəhəng işlər üçün möhkəm və davamlı təməl qoymaq imkanı verəcək.

Turan Analitik Xidməti