İnanmırıq ki, 2014-cü ilin yayında Baş Dövlət Yol Polis İdarəsinin 9-cu tağımında baş verən cinayət hadisəsini kimsə unutmuş ola.


gundemxeber.az xəbər verir ki, uzun müddətdir yol polis zabiti işləyən, kapitan Malik Qəhrəmanovun odlu silahla yaralanması ölkədə böyük rezonans doğurdu. Hadisədən sonra, müxtəlif versiyalar irəli sürüldü. Birinci növbədə polis kapitanının xidmətində olan “Makarov” tipli silahdan ehtiyatsızlıqla davranması söylənildi. Yaralı Qazax Müalicə - Diaqnostika Mərkəzinə çatdırılaraq həkimlərin səyi nəticəsində ölümdən qurtardı. Çox kerçmədi ki, həmin hadisə ilə əlaqədar başqa versiya dolaşdı. Xəbər yayıldı ki, az bir müddətdə yol polisi işləyən, 9-cu tağımın əməkdaşı, çavuş Tural yol polis məntəqəsində tabeçiliyindəki silahla Malik Qəhrəmanovla zarafatlaşarkən silahdan açılan atəş polis kapitanını ölümcül yaralayıb. Necə deyərlər, hadisəni görməmiş və yanında oılmamışıq. Lakin dilimizdə belə bir misal da dolaşmaqdaır: “ Elin sözü əvvəl axır düz olar”.

Bəli, bu günlər tutduğumuz peşə ilə əlaqədar bizə çox suallar ünvanlanır: - “Necə oldu ki, Tural cinayət məsuliyyətinə cəlb olunmadı? Və yaxud, yol polis sistemində böyük təcrübəyə malik, kapitan Malik Qəhrəmanov xidmətində olan silahı təhvil alarkən və ya verərkən onun təhlükəsizliyinə imza atırsa, sonradan ehtiyatsız davranırsa, bəs niyə məsuliyyətə cəlb olunmadı? Yəni, istər Malik Qəhrəmanov, istərsə də Tural hər ikisi heç bir şey olmamış kimi yerlərində işləyirlər?

Doğurdan da, ictimaiyyətin ünvanladığı suallara cavab vermək bir o qədər də asan deyildir. Ancaq, suallar yerində və düşünülmüş şəkildədir.

gundemxeber.az bildirir ki, belə bir kobud hadisəıdən narahat qalanlar onu da vurğulayırlar ki, Turalın əmisi Elcan Hacıyev Baş Dövlət Yol Polisində uzun müddətdir xidmət göstərir. Alınan məlumata görə, onun BDYP-də böyük nüfuzu var. Hadisədən dəqiqə keçməmiş Elcan Hacıyevə xəbər edilib. Nəticədə, iş həmin dəqiqə ört-basdır edilib. Qaldı ki, Tural polis çavuşu olduğu halda qanuna görə nə ixtiyarı var ki, polis kapitanı ilə ya mübahisə ,ya da zarafat edir?

Vətəndaşların maraqlı sualları ilə əlaqədar Turala müraciət etsək də o, yalnız telefon vasitəsi ilə belə cavab verdi: - “məsələyə hüquqi qiymət verilib. İş də bağlanıb. Məni narahat etməyin”. Elə Tural Hacıyevin sözündən məsələ aydın olur. Əgər, hadisəni həqiqətən də Tural törətməyibsə, konkret olaraq deyərdi ki, “mənim o məsələdən xəbərim yoxdur, məndən nahaq soruşursunuz”. Lakin onun bizimlə (telefon danışığı var) belə davranışı müqəssirliyini ifarə edir. Sadəcə, çinli adamlarının köməyi ilə işin qaysaqlandırıldığı görünür. Görünür, Tural Hacıyev törətdiyi cinayət işini yuxarıların əli ilə düz-qoş edə bilib. Belə düşünürük. Əks halda baş verən hadisəyə görə nə Malik Qəhrəmanov, nə də Tural tutduğu vəzifədə işləməməliydilər. Demək, ictimaiyyətin məsənin təzədən baxılması fikrinə bəraət qazandırmağa dəyər.
Qarşı tərəflərin də fikrini dinləməyə hazırıq
Qafur
İlham Hacalı