Dövlət xəstəxanası təssərüfat heablı olduğunu iddia edib camaatı qarət edir! Azərbaycan Respublikasının Səhiyyə Nazirliyinin M. Əliyev adına Respublika Təsərrüfat Hesablı Polikninikasında, analiz verməyə gedən xəstələr eşitdikləri qiymətlərdən əməlli başlı ürək xəstəliyi tapırlar. Ötən gün “Gündəm Xəbər”in əməkdaşı həmin xəstələrdən biri ilə sözügedən polikninikaya analiz verməyə üz tutub. Xəstənin qohumu kimi içəri daxil olan əməkdaşımız, mövcud acınacaqlı mənzərənin şahidi olub. Belə ki, üzərində Azərbaycan Respublikasının səhiyyə nazirliyinin tabeliyində olan, adı da dövlət müəssisəsi kimi göstərilən xəstəxana, ora müraciət edən xəstələrin hüquqlarını pozmaqla yanaşı, vergidən də yayınır. Görəsən şəhərin mərkəzində yer alan bu dövlət xəstəxanası hansı vəzifəli şəxsin cibini doldurur ki, səhiyyə naziri Oktay Şirəliyev də, bu cür biabırçılığa göz yumur? Polikninikanın adını qoyublar təsərrüfat hesablı. Yaxşı anladıq ki, dövlətin xəstəxanası olsa da, adına təsərrüfat hesablı qoyub bu millətin dərisini soğan kimi soyurlar. Amma sormaq gərəkir ki, təsərrüfat hesablı polikninikanın görəsən özəl klinikalardan fərqi nədir? Axı, hamının pulu başından aşmır ki, İrana və ya Türkiyəyə gedib müayinə olunsun... Axı hamı Avropadakı əmək haqqından alıb “Avropa standartları”na

uyğun özəl klinikalarda, elə Avropasayağı müalicə olunmaq imkanına malik deyil. Bunu da nəzərə alıb cənab prezidentimiz İlham Əliyev sərəncam verdi ki, bütün dövlət xəstəxanaları və polikninikalar pulsuz olaraq xidmət göstərməlidirlər. Yəni, cənab Prezidentin sözünü çeynəyən və əhəmiyyət verməyən Səhiyyə Nazirliyi, görəsən kimlərə güvənib insanları göz görə-görə qarət edir? Yaxşı tutalım ki, təsərrüfat hesablı polikninikadır və müəyyən qədər ödəniş olunmalıdır. O zaman görəsən nə üçün sözü gedən polikninikada ödəniş üçün kassa aparatı yoxdur? Görəsən nə üçün ödəniş olunduqda, sözü gedən polikninikadan ödənişin olunduğunu sübut edən qəbz verməkdən çəkinirlər? Məgər təsərrüfat hesablı olsa belə, analiz üçün ayrılmış labaratoriyada ağ geyimdə olan tibb bacılarımı ödəniş pulunu yığmalıdır? Suallar çox olsa da, bircə onu deyə bilərik ki, Səhiyyə Nazirliyinin M. Əliyev adına Respublika Təsərrüfat Hesablı Polikninikası, insanları qarət etməklə məşquldur. Deməli, əməkdaşımızın xəstə ilə başına gəldiyini qısa nəql etsək, bəlkə də səhiyyə nazirliyi qəflət yuxusundan ayılıb, sözügedən polikninikanın baş həkimi Emin müəllimin iş zamanı, nə üçün yerində olmadığını da aydınlaşdırar... Xəstə ilə “Gündəm Xəbər”in əməkdaşı polikninikaya daxil olub. Polikninikanın girişində kök bir qadın özəl klinikalarda olduğu kimi “resepşin”də oturmuşdu. Gələn gedəni sorğu-suala çəksə də, qarşısında özəl klinikalardakı kimi nə kasa yeri, nə kompyüter, nə də

qeyd aparmaq üçün dəftər-kitab vardı. Həmin qadın başını heç qaldırmadan əlindəki telefonda oyun oynayırdı. Xəstənin labaratoriyanın yerini iki dəfə soruşmasından sonra, nəhayət ki, telefondan bir an da olsa başını qaldıran tibb müəssisəsinin əməkdaşı, labaratoriyanın yerini göstərdi və yenidən telefondakı oyununa qayıtdı... Çox axtardıqdan sonra, labaratoriyanın yerini tapdıq. Labaratoriyanın içərisi təmiz olsa da, kinolarda və özəl klinikalarda gördüyümüz kimi deyildi. Əlimizdə çanta və geyimlərlə, xəstədən başqa əməkdaşımız da içəri daxil ola bilmişdi. İçəri girər-girməz həkimin göstərişi ilə verəcəyi analizlərin siyahısını xəstə tibb bacısına təqdim etdi. Tib bacısı isə tələsik bir vərəq çıxarıb, tez bütün analizlərin qiymətini hesabladı. Daha sonra üzünü xəstəyə tutub “cəmi 119 manat edir dedi. Ödənişinizi etdikdən sonra analizlərinizi götürəcəyik”-dedi. Xəstə məbləğin olduqca çox olduğunu desə də, tib bacısı başını yırğalayaraq, “Beledir xanım. Istəyirsiz pulun yarısını indi ödəyin, birinci gün də analizin cavablarını götürən də qalanını ödəyərsiz”-dedi. Əməkdaşımız dözməyib müdaxilə etməli olur: “Xanım bura dövlət xəstəxanası deyil?” “Dövlət xəstəxanasıdır, amma bu aparatlar heç yerdə yoxdur, biz analiz edərkən müəyyən maddələr istifadə edirik. Onlar sizcə hardan gəlir?” “Məgər dövlət lazimi avadanlıqlarla dövlət xəstəxanalarını təmin etmirmi?”-deyə əməkdaşımız sual verib. Tibb bacısı tələsik bayaq qiymət hesabladığı kağızı və

qələmi götürüb labaratoriyada xəstə və əməkdaşımızı tək qoyub digər otağa keçərək qapını arxadan bağlayıb. Əməkdaşımız baş həkimin otağını sorub və bildirib ki, baş həkim bu gün işə gəlməyib. Baş həkimin adının Emin doktor olduğunu deyən tibb bacısı, baş həkimin soyadını bilmədiyini etiraf edib. Daha sonra, polikninikada bir sıra şəkil çəkən əməkdaşımıza mane olmağa çalışıblar. Hətta əməkdaşımızın çantası da qaşıdurma zamanı çırılıb. Xəstə və əməkdaşımız məcburiyyət qarşısında qalaraq, həmin məkandan uzaqlaşmalı olublar. Burada deyirlər həm suçlu, həm güclü. Polikninkanın təsərrüfat hesablı olmasını yekə hərflərlə üstünə yazmalarından istifadə edən bütün tibb personalı, sözün əsl mənasında vətəndaşların hüquqlarını ciddi şəkildə pozur, xəstələrə qətiyyən hörmət etmir, vergidən yayınır, öz haqlarını tələb edən xəstələrə qarşı kobud sürətdə və ya zorbalıqla cavab verirlər. Əsas məsələ odur ki, deyilənlərə görə, səhiyyə nazirliyində “rul” əslində səhiyyə naziri Oktay Şirəliyevin əlində olmadığından, səhiyyə sözün əsl mənasında kor qalıb. Səhiyyəmizin isə, Oktay Şirəliyevin qaynanası və həyat yoldaşı tərəfindən idarə olunduğu söylənilir. Qeyd edək ki, Oktay Şirəliyevin həm həyat yoldaşının, həm də qaynanasının hərəsinin bir xəstəxana rəhbəri olduğu bildirilir. Faktla bağlı araşdırmalarımız davam

edir. Növbəti sayımızda Oktay Şirəliyevin gözündən yayınan doğum evlərindəki maliyyə yeyintisindən və icarəyə verilən xəstəxana otaqlarından danışacağıq. Nəzərinizə çatdıraq ki, xəstə dövlət polikninkasında şəkər, hemoqlobin və qarmonal dəyişikliklə bağlı analizlər vermək istəyidi. Dövlət polikninikasında sözü gedən analizlər nə az, nə çox düz 119 manat edir.

Ülkər