Təhlillər göstərir ki, müasir dövrdə ailələrin dağılmasının əsas səbəbi heç də maddi durum deyil. Erkən və qeyri-rəsmi nikahlar, uşaqların qüsurla doğulması və ya uşağın olmaması ailələrdə boşanma hallarına səbəb olur.

gundemxeber.az Trend-ə istinadən xəbər verir ki, bunu Ailə, Qadın və Uşaq Problemləri üzrə Dövlət Komitəsinin sədri Hicran Hüseynova 10 dekabr - Ümumdünya İnsan Hüquqları Gününə həsr edilmiş konfansda çıxışı zamanı deyib.

Onun sözlərinə görə, belə ailələrdə köməksiz qalan qadınların hüquqlarının müdafiəsi məsələni aktullaşdırır: "Hazırda dünyada ekstremizm, qarşıdurmalar ailə institutuna mənfi təsir göstərir, onu zəiflədir. Amma bununla belə, Azərbaycanda ailə institutu qorunub saxlanılır. Bu gün ailə instutuna təsir edən hallar var. Bəzi hallarda ailədə ünsiyyət problemləri, sosial-psixloji mühitin gərginliyi, erkən və qeyri-rəsmi nikah, məişət zorakılığı, uşaqların təhsildən yayınması ailənin zəifləməsinə, dağılmasına gətirib çıxarır. Amma bəzən də biz valideyn və uşaqların məsuliyyət hissinin zəif olması hallarına rast gəlirik".

Azərbaycandakı nümunəvi ailələrin tərcübəsinin təbliğini vacib sayan H.Hüseynova hesab edir ki, ümumilikdə Azərbaycan ailəsinin bütövlüyü ilə fəxr etmək olar.

Komitə sədri qeyd edib ki, valideyn münasibətlərinin düzgün qurulması, böyüyə olan hörmət Azərbaycan ailəsinin əsas xüsusiyyətidir.

Bu xsusiyyətlərin milli mentalitetimizdən irəli gəldiyini nəzərə çatdıran H.Hüseynova qeyd edib ki, ölkədə ailə institutunun möhkəmlənməsi üçün zəruri tədbirlər həyata keçirilir: "Təkcə son 5 ildə 71 min 270 vətəndaş Komitənin yerlərdəki mərkəzlərinin xidmətlərindən faydalanıblar".