“ŞƏMS-95” MMC şirkəti H.Əliyev Fondunun vəsaitlərini mənimsəməkdə davam edir

Bir müddət əvvəl Qarabağ regionunda məcnuri köçkünlər üçün inşa edilən qəsəbələrin yerli rayonlarda fəaliyyət göstərən orta məktəblərinin tikintisi ilə məşğul olan “Şəms-95”MMC şirkətinin maliyyə fırıldaqları ilə bağlı məlumat dərc etmişdik. Həmin məlumatda bildirilirdi ki, adı çəkilən şirkət Ağdam rayonunda Heydər Əliyev Fondunun maliyyə dəstəyi ilə inşa edilən orta məktəblərin tikintisində yüz min manatlarla vəsaiti mənimsəyir. Belə ki, “Şəms-95” MMC-nin rəhbəri Qasım Qasımov tikintidə istifadə olunan matrealların qiymətini və işçi qüvvəsinə verilən əmək haqqlarının miqdarını bir neçə dəfə şişirdərək və eyni zamanda tikintidə təzə əvəzinə köhnə avadanlıqlardan istifadə edir.
Redaksiyamıza “Şəms-95” MMC -nin yeni bir maxinasiyası ilə bağlı informasiya daxil olub. Həmin məlumatda bildirilir ki, şirkət Beyləqan rayonunda inşa etdiyi 4 məktəbin asvaltlanması əməliyyatında yüz minlərlə manat vəsait mənimsəyib. Belə ki, şirkət son 1 ayda Xalac və Kəbirli qəsəbələrində inşa etdirdiyi məktəblərin həyətyanı sahələrini asfaltlayıb. Qoyulan asfaltın qiyməti AZ “Şəms-95”MMC şirkəti sənədləşdirilmədə hər kvadratmetrə görə 14 manat yazsada, əslində şirkət həmin asvaltlama işinə 7 manat sərf edib.
Bu məsələ ilə bağlı məlumat verən mənbə nildirir ki, Qasım Qasımov inşa etdirdiyi bütün məktəblərin asfaltlarını ucuz qiymətə və standartlara uyğun olmayan şəkildə necə gəldi qoyur və sonda məktəb direktoruna, ya da lahiyyənin işlərini yoxlayan nümayəndə heyətinə müəyyən miqdarda rüşvət verərərk işinin qəbul olunmasına nail olur.
Bildirilir ki, son 1 ildə “Şəms-95” MMC Beyləqan, Ağcabədi, Ağdam, Fizuli və İmişli rayonlarında inşa etdiyi məktəblərin həyətinə təqribən 40 min kvdratmetrə yaxın asfalt qoydurub. Qoyulan asfaltın qiymətini hesablayanda Qasım Qasımovun il ərzində 300 min manata yaxın vəsaiti mənimsədiyi üzə çıxır.
Eyni zamanda şirkət rəhbəri fəaliyyət göstərdiyi rayonlarda təhsil şöbələrinin rəhbərləri ilə isti münasibəöt yaradaraq hər hansı bir şikayətin olmamasına çalışır. Mənbə qeyd edir ki, hal hazırda İmişli rayonunda məcburi köçkünlərə qəsəbə tikən Qasım Qasımovun şirkəti inşa etdiyi yaşayış evlərinin tikintisi zamanı külli miqdarda dövlət vəsaitini mənimsəyir. Bu məsələ ilə bağlı verilən informasiya araşdıırılır və növbəti saylarımızda oxucularımıza məlumat verəcəyik.
Qarşı tərəfin mövqeyini dərc etməyə hazırıq…