Vidadi İsgəndərli:
“Korrupsiya və korrupsiya üzərində qurulan rejimlər bəşəriyyət üçün çox təhlükəlidir”

“Gündəm xəbər” qəzetini dünya səviyyəsində müdafiə etməyə hazıram. Sizinlə baş verənlər təbiidir. Çünki zəhmət sayəsində hazırlayıb xalqa təqdim etdiyiniz qəzet ən popluyar qəzetdir və heç kimi fərq qoymadan tənqid edir. Məsələn, sizin qəzet Azərbaycanda korrupsiya əməllərini ifşa edir, bu istiqamətdə ciddi materiallar ortaya qoyub. Bu səbəbdən də “Gündəm xəbər” qəzetinə qarşı təzyiqlər başlayıb”

Suallarımıza sabiq prokuror, svicdan məhbusu və hazırda hüquq müdafiəsi ilə məşğul olan Vidadi İsgəndərli cavab verib. Hüquq müdafiəçisi, insan haqlarından, siyasi proseslərdən, özünün prezidentliyə namizədliyini irəli sürməsinin məqsədlərindən, qəzetimizə qarşı hücumlardan və azad sözü müdafiə olunması üçün atacağı addımlardan danışıb.
- Vidadi bəy, həbsdən çıxandan sonra səhhətinizlə bağlı problemlər yaranmışdı. Hazırda necəsiniz və hüquq müdafiə işinə başlamısınızmı?
- Açığı, mən həbsdən çıxan zaman bəlkədə bir balaca səhvə yol verdim. İş ondadır ki, mən həbsxnanın daxilində hakimiyyətə çox tənqidi və onların baxışına görə, pis mesajlar verdim. Onlara bir növ cihad elan etdim. Həbsdən çıxandan sonra isə faktiki bir siyasətçinin və ya ictimai xadimin altı ay müddətində görə biləcəyi işi mən on gün müddətində gördüm. Eyni zamanda üzərimə çox böyük yük işlər götürdüm. İstər Binə Ticarət Mərkəzində baş verənlər, istər İsmayıllı rayonunda yaşananlar, istərsə də Quba hadisələri və həmdə əsgər ölümləri ilə əlaqədar fəaliyyət göstərdim və bir növ yükləndim. Düşündüm ki, bir hüquq müdafiəçisi olaraq mən bu məsələlərə ciddi yanaşmalıyam və ədalətin ortaya çıxması üçün əlimdən gələni etməliyəm. Əlbəttə ki, mən bir qədər naşılıq da elədim. Hansı mənada naşılıq etdiyimə gəldikdə bildirim ki, çox işlə məşğul olmağa başladım. Nəticədə hakimiyyət faktiki olaraq mənə qarşı müharibə elan etdi. Mən bir daha qeyd edim ki, ölkənin baş prokuroru Zakir Qaralovun və vergilər naziri Fazil Məmmədovun emisarları mənim yanıma gəldilər. Onlar mənə hədə-qorxu gəldilər. Qorxmadıqlarımı görüb yenə də təhdid etdilər. Bu təhdidlərlə bağlı əlimdə olan faktları bəzi saytlar yerləşdiriblər. Ona görə də, mən bu məsələnin üzərində xüsusi şəkildə dayanmaq istəmirəm. Həbxsanadan yenicə çıxan şəxs olaraq, habelə ailəmi və övladlarımı qorxutdular deyə ata məsuliyyətimi anladım. Məni tanıyanlar bilirlər ki, mən heç də qorxaq və cəsarətsiz insan deyiləm. Amma şərəfsiz insanlar belə hərəkətə yol verdikdən sonra sözsüz ki, səhhətimdə olan problemlərin üzərinə daha bir problem gəldi. Bu da sözün əsl mənasında psixoloji durumuma ciddi təsir etdi. Mən bunun fərqində idim. Çünki ölkənin baş prokurorunun, vergilər və nəqliyyat nazirinin belə xəbərdarlıqlar göndərməsinin arxasında sözsüz ki, real təhlükə dayanırdı. Bu da məni ciddi narahat etdi. Mən məcburiyyət qarşısında qalaraq yanvar ayında ailə üzvlərimlə birlikdə üç gün Fransanın ölkəmizdəki səfirliyində qalmalı oldum. Ailəmə siyasi sığınacaq istədim. Dolayısı yolla prezident İlham Əliyevdə bu işə qoşuldu və səfirlər vasitəsilə mesaj verdi ki, Azərbaycanda insanları inqilaba, qana-qadaya ən çox sürükləyən Vidadi İsgəndərlidir. Əgər o öz fəaliyyətində dönüş yaratmasa, onun təkrar həbs edilməsi məsələsi qoyulacaq. Sözsüz ki, mən həbs olunanda şəkərdən əziyyət çəkirdim, eləcədə mənə vurulan iynələrdən sonra ürəyimdə ciddi problemlər yaşandı. Həmdə ürəyimdə damar genişlənməsi halları yaşandı, eləcədə psixi durumumda ciddi nöqsanlar yaranmışdı. Əslində mənə ciddi istirahət lazım idi. Amma mənə, ailəmə və millətə qarşı törədilən bu cinayət sözün əsl mənasında ciddi problem yaratdı. Yəni mən demokratik ruhlu bir insandan qisasçı bir şəxsə çevrilməyə başladım. Amma buna rəğmən mən demokratik ab-havalı insanam. Və hər yerdə də deyirəm ki, Azərbaycanda demokratik cəmiyyət qurulsa son 20 ildə törədilən cinayətlərə görə, hər bir şəxs layiqli cəzasını alacaq. Mənim əsas məqsədim müxalifətlə xalqın birliyinin əldə olunmasını görməkdir. Bunun üçün əlimdən gələni etməyə hazıram. Və bildiyiniz kimi bu istiqamətdə də müəyyən çıxışlar edirəm.
- Hazırda hüquq müdafiə işi ilə məşğulsunuzmu?
- Bildiyiniz kimi artıq NİDA Gənclər Hərəkatının müdafiəsinə qalxmışam. Eləcədə haqsız yerə və siyasi motivlərlə həbs edilən hər bir şəxsi müdafiə edirəm. Hazırda səhhətimdə yaranan problemləri aradan qaldırdıqca daha aktiv şəkildə fəaliyyətimi bərpa edirəm.
- Prezidentliyə namizədliyinizi elan etmişdiniz. Siz siyasi fəaliyyətlə məşğulsunuzmu?
- Bildiyiniz kimi biz Namus Xalq Hərəkatı yaratmışıq, mən prezidentliyə namizəd olacağım haqqında siyasi bəyanat vermişəm. Ancaq mən namizədliyimi irəli sürməkdə məqsədim odur ki, xalqa xidmət edim. Daha doğrusu bu ideyanın özünün xalqa xidmət etdiyini düşünürəm. Yəni birlik naminə, Azərbaycanda hüquqi demokratik dövlət qurulması istiqamətində çalışmalarımızı davam etdiririk.
- Xalq hərəkatının liderlərindən olan İbrahim İbrahimlinin Naxçıvanda başına gətirilən olayları necə qiymətləndirirsiniz?
- Bilirsinizmi, mən sizə tam səmimi deyirəm. Mən Novruz Bayramı ərəfəsində video paylaşdım. Bu baş prokurorun keçmiş köməkçisinin mənimlə danışığının sürəti idi. Mən ordada da qeyd etmişəm ki, korrupsiya hüquqi termindir və cinayətdir. Bu faktiki olaraq korrupsioner sistemdir. Burada dövləti idarə edən şəxslər korrupsiyalaşırlar və bir növ teroristik təşkilata çevirilir. İbahim İbrahimli ilə bağlı cinayət əməlinə kimlər yol verib? Əlbəttə ki, dövlət məmurları. Onlara belə addım atmağa kim icazə verib? Şübhəsiz ki, korrupsiya, sistem və quruluş. İbrahim İbrahimli çox fədakar insandır, 1988-ci ildən üzü bu yana Azərbaycan xalqının gələcəyi naminə fəaliyyət göstərir, vuruşur, mübarizə aparır. Ən dəhşətlisi odur ki, Azərbaycanda hüquq deyilən bir anlayış yoxdur. Başqa sözlə desək cinayət var, amma cəza yoxdur. Nə vaxt ölkələrdə hakimiyyət dəyişikliyi baş verir və ya iqtidarlar sarsılır? Təbii ki, ölkədə cinayətin tüğyan edib cəzanın olmadığı, habelə cəzanın olub cinayətin olmadığı dövrdə. İbrahim İbrahim sadə vətəndaş deyil. Xatırlayıram, o zaman Heydər Əliyev Milli Məclisdə dedi ki, İbrahimlini hələ Zeynəddin kəndindən tanıyır. İbrahim bəy 30 ildir ki, siyasətlə məşğul olur, özü də ziyalı insandır. Bəs onun başına gətirilən bu olaylarla əlaqədar hansı səlahiyyət sahibi danışdı, ciddi reaksiya verdi? Danışan belə olmadı. Mən sizi əmin edirəm ki, belə hərəkətlər heç bir nəticə verməyəcək. Bu gün məni də, elə sizə də qarşı bel hal tətbiq edilə bilər. Heç kim bundan sığortalanmayıb. Bəyəm Ziya Bünyadovla, Afiyəddin Cəlilovla, Elmar Hüseynovla bağlı nəyin baş verdiyi unudulub. Baxın, bir müddət əvvəl Elşad Abdullayev Hacı Məmmədovun əməlləri, hətta dövlətə qulluq etməli olan nazir müavini və digər şəxslərlə bağlı informasiyalar səsləndirir, ortaya ciddi faktlar qoyur. Lakin bunu nəzərə alan yoxdur. Bu gün əslində əsas mübarizə hakimiyyət-müxalifət sərhəddindən daha çox iqtidarın daxilində olan klanlar arasında gedir. Bunu Elşad Abdullayevin ortaya qoyduğu kasetlər və faktlarda sübut edir. Abdullayev bu qədər faktları ortaya çıxarıb, amma bu hadisələrə görə bir nəfər də saxlanmayıb. Hakimiyyətdən bir nəfərdə olsun İbrahim İbrahimlinin döyülməsi faktına diqqət etmədi. Bəyəm belə hadisə Seymur Həziyevlə, Ramin Deko, Bahəddin Həziyevlə bağlı baş vermədi? Bəs bu hllarla bağlı aparılan cinayət işlərinin, araşdırmaların nəticəsi hanı, kimlər həbs edilib və ya cəzalandırılıb? Mən “Gündəm-xəbər” qəzeti vasitəsilə İlham Əliyevə müraciət edirəm. Cənab prezident, siz bilin ki, məmurlar o həddə harınlayıblar ki, siz dediyiniz kimi qudurublar ki, artıq özlərinin ətrafında silahlı dəstələr saxlayaraq terrorçu qruplar halına gəlirlər. Azərbaycanda artıq bu proses baş verməkdədir. Sizə tam səmimi deyirəm ki, artıq Azərbycan azərbaycanlılar üçün deyil, bəşəriyyət, demokratik cəmiyyətlər üçün qorxulu bir rejimə çevrilir. Çünki Azərbaycanda mövcud olan bu rejim mal, dövlət, pul vasitəsilə dünyanın ən demokratik dövlətlərini belə ələ ala bilir. Demək olar ki, Azərbaycandakı rejim bütün dünyanı çirkaba batırıb. Belə olmaz. Korrupsiya və korrupsiya üzərində qurulan rejimlər bəşəriyyət üçün çox təhlükəlidir. Və dünya bu haqda ciddi şəkildə düşünməlidir. Əgər xatırlayırsınızsa, bir zamanlar Avropa Şurasında kürü dilomatiyasına dair açıqlamalarda verilmişdi və uzun müddət bu haqda danışıldı.
- Vidadi bəy, sidə görürsünüz ki, təkcə siyasi müxalifətə, müstəqil gənclər təşkilatlarına deyil, həmdə mətbuata müəyyən basqılar var. Konkret desək “Gündəm xəbər”qəzeti ilə bağlı Baş Prokurorluq yanında Korrupsiya ya Qarşı Mübarizə İdarəsində cinayət işi açıb, araşdırmalar aparılıb və iş artıq məhkəməyə göndərilib. Hətta Vergilər Nazirliyi iddia edir ki, qəzet 100 min manatdan çox maliyyəni vergidən gizlədib. Bu vəziyyəti necə qiymətləndirirsiniz?
- Elan edirəm ki, bu gündən “Gündəm xəbər” qəzetini dünya səviyyəsində müdafiə etməyə hazıram. Sizinlə baş verənlər təbiidir. Çünki zəhmət sayəsində hazırlayıb xalqa təqdim etdiyiniz qəzet ən popluyar qəzetdir və heç kimi fərq qoymadan tənqid edir. Məsələn, sizin qəzet Azərbaycanda korrupsiya əməllərini ifşa edir, bu istiqamətdə ciddi materiallar ortaya qoyub. Bu səbəbdən də “Gündəm xəbər” qəzetinə qarşı təzyiqlər başlayıb. Bu gün nəinki müxalifətə, gənclər təşkilatlarına, hüquq müdafiəçilərinə, eləcədə əsas qəzetlərə qarşı müharibə açıblar. Bəyəm “Gündəm xəbər” qəzetinin 100 min manat pulu var? Bu məbləğdə pul Ziya Məmmədovda, Fazil Məmmədovda ola bilər. Qəzetin bu qədər maliyyəni vergidən gizlətməsi haqqında deyilənlər yalan və bəhanədən başqa bir şey deyil.Mən bir hüquq müdafiəçisi olaraqbu azad söz qalasının müdafiəsinə qalxıram. Və buradan xəbərdarlıq da edirəm. Əgər söhbət vergidən yayınmaqdan gedirsə, buyurub əsl vergidən yayınan obyektlər haqqında ölçü götürsünlər. Məsələn, Sədərək və Binə Ticarət mərkəzləri fəaliyyətə başlayandan bu günə qədər oradan vergi qeyri qanuni, nəqdi şəkildə yıqilib və Vərqi Nazirliyi tərəfindən mənimsənilib.Mənim hesablarıma bu mənimsəmənin dəyəri təxminən 15 ildə 1 bir miliyard olduğunu ortaya qoyur. Bundan başqa, Ziya Məmmədova məxsus obeyktlərdən ümümiyətlə vergi yiqilmir ,həmcinin digər nazirlərə məxsus şadlıq evləri ,restoranlardan, başqa obyektlərdən vergi formal şəkildə yıqılır.Mən Fazim Məmmədova sual verirəm Kislovadski,Esentuki və Rusiyanın digər şəhərlərində tikdirdiyin motelləri, ponsionatları və s obyektlərı hansı pulla tikdirmisən?.Mən rəsmən “Gündəm xəbər” qəzetini müdafiyə edəcəm yaxşı fikirləşin ki, əsl faktlar ortaya çıxanda deməyə sözünüz olsun.

HÜSEYN ABBASOĞLU