Bir neçə gün öncə Rusiyadakı səfirimiz Polad Bulbuloğlu sosial səbəkədə “Azərbaycanda erməniləri düşmən kimi qəbul edən yeni nəsil yetişir. Buna imkan verməməliyik” – deyə status paylaşıb. Bu fikirlərlə bağlı “Yeni Müsavat” qazeti də bir neçə siyasi xadimdən münasibət öyrənib. Təbii ki, siyasilərimiz bu fikirn yanlış olduğunu birldirməklə yanaşı, bunun həm də ölkə başçısının apardığı siyasətə tam zidd olduğunu vurğulayıblar. Eyni zamanda müğənni-diplomatımıza müəyyən tövsiyyələrdə bulunublar.

Qarşı tərəfin cavabı da çox gecikməyib. “Qarşı tərəf” dedikdə, yanlış anlamayın. Çox təəssüf ki, bu cavab səfirimizdən gəlməyib, söhbət kimliyi hər kəsə bəlli olan, “zakaz” yazıların mahir ustası Eynulla Fətullayevdən gedir.

Əslində, cavabın kim tərəfindən verilməsi elə də önəmli deyil. Önəmli olan cavabın içindəki təhqirlə dolu olan ifadələrdir…

Siyasilərimizin səfirimiz haqqında heç bir təhqiramiz ifadə işlətməməsinə rəğmən, Eynulla yenə də “Papadan artıq katoliklik edərək”, onlara tam özünə yaraşan bir şəkildə “cavab” verib.

Yazını oxuduqca, gözümün qarşısında uşaqlıqda ən çox sevdiyim “Mauqli” cizgi filmi canlanırdı. Həmin cizgi filmində Şirxan adında bir pələng Mauqlini parçalamaq üçün fürsət axtarır. Pələngin yanında da Tabaki adında yaltaq bir çaqqal vardı. Hər dəfə Şirxanla Mauqli üz-üzə gələndə, çaqqal yeri gəldi-gəlmədi, pələngin o tərəf, bu tərəfinə keçməklə, irəli-geri hoppanaraq, kəndincə özünü bir şey zənn edirdi…

Sən də indiki halda Tabaki kimi yeri gəldi-gəlmədi, sifarişçilərə xoş gəlmək üçün o tərəfə, bu tərəfə hoppanmaqla, özünü bir şey zənn edirsən, Eynulla!

Mən sənin yaltaqlanaraq üz-gözünü cırmağının əleyhinə deyiləm. Bu, sənin yolundur. Ən azından çörək pulunu çıxarırsan. Amma qarşındakıların kim olduğuna da diqqət etmək lazımdır. Əgər bilmirsənsə, mən sənə xatırladım. O insanların hər biri QARABAĞımız uğrunda gedən döyüşlərdə ya QAZİ, ya da ŞƏHİD vermiş insanlardır. Bəlkə də sən o insanlara ölkədə söz deyə biləcək axırıncı adamsan…

Bəli, sən ermənini sevə bilərsən. Çünki sən irqindən, dinindən asılı olmayaraq, səni saxlayanların hamısını sevməyə məhkum olan bir zavallısan. Sən ermənini həm də ona görə sevirsən ki, nə tayfa-toluğunda, nə də ailəndə kimsə erməniylə savaş meydanında üz-üzə gəlməyib. Nə siz onlara, nə də onlar sizə güllə atmayıb. Amma Sərdar Cəlaloğlunun qardaşları və qohumları, bu sətirlərin müəllifi də daxil olmaqla, müharibə başlayandan erməni ilə qarşı-qarşıya duranda, sənin rəhmətlik atan oğurlatdığı başqasına məxsus 104 karatlıq brilyant bilərziyin arxasınca düşmüşdü. Yəqin ki, yaxşı xatırlayırsan…

Hə, az qalırdı unudam. Yazdığın məqalənin axırında “ürəyim bulanır" yazmısan. Əgər üryin bulanır, başın gicəllənir, könlündən də bir şeylər yemək keçirsə (məsələn, alça), deməli, hamiləliyin əlamətidir. Biz dədə-babadan belə eşitmişik, cənab Fətullayev. Mən anladım ki, sən yenə qarışdırmısan, övladının atasını tapa bilmədiyindən belə aqressivsən. Çox təəssüf, yanlış zamanda, yanlış yerdə və yanlış kişiləri axtarırsan. Mən səni tam əmin edirəm, təhqir etdiyin kişilərdən heç biri sənin övladının atası deyil. Bundan sonra kimin qucağında oturduğunu dəqiqləşdir ki, övladını atasız böyütməyəsən.

P.S. Onu da deyim ki, “pozisiyanı” tez-tez dəyişdikcə, ürəkbulanman daha da artacaq...

P.P.S. Mən bu sətirləri yazarkən belə, itirdiyim vaxta görə heyifsilənirəm. Çün, sən buna dəyməzsən, Eynulla Fətullayev.