Əhliman Əmiraslanov təhsil ocağını özününküləşdirib

Son vaxtlar Azərbaycan Tibb Universitetinin fəaliyyətində müşahidə olunan çeşidli korrupsiya haları yenidən mətbuatın gündəminə gətirilməkdədir. Bu ali təhsil müəssisəsində baş verən rüşvət yığımları, qeyri-qanuni tələbə transferləri, müəllim-professor heyətinə qarşı yol verilən haqsızlıqlar və digər qanun pozuntuları müxtəlif kütləvi informasiya vasitələrinə, o cümlədən redaksiyamıza ünvanlanan şikayət məktublarında da öz əksini tapır. İlk növbədə daxil olan məlumatlarda bildirilir ki, bir müddət əvvəl qəbul olunmuş yaş senzi birbaşa Tibb Universitetinin rektoru Əhliman Əmiraslanovun müəyyən səbəblərdən “yaxa qurtarmaq” istədiyi müəllimlərə tətbiq olunur. Qeyd olunur ki, rektorun universitetdə tətbiq etdiyi qaydalara etiraz etməyənlər hətta 80-90 yaşında belə burada işləyə bilərlər. Narazılarla isə artıq əmək müqaviləsi bağlanmır. Mənbələr bildirirlər ki, Əhliman Əmiraslanov Tibb Universitetinə rektor təyin ediləndə, buna bir çox əməkdaşlar öz kəskin etirazlarını bildiriblər. Təyinatdan sonra isə universitetdə həmin əməkdaşlara qarşı əməlli-başlı kampaniyaya start verilib ki, bu təqiblər indi də davam etməkdədir.Daha sonra məlumatlarda qeyd olunur ki, rektorun tapşırığı ilə bütün kafedraların kollektivindən aylıq puı yığımları həyata keçirilir. Bu pulların məbləği isə işçilərin sayından asılı olaraq 3-5 min manat təşkil edir. Bildirilir ki, universitetdə bəzi müəllimlər 1 və ya 2 qrupa dərs deyirlər. Bu isə illik dərs yükünün 100 və 200 saatını təşkil edir. Lakin jurnalda illik dərs yükü kimi 500 saat doldurulur. Göstərilən artıq saatları həmin qruplarda ya loborantlar dərs deməklə ödəyir, yaxud da başqa müəllimlər öz qurpları ilə birləşdirərək dərs keçirlər. Həmin müəllimlər əmək haqlarını normal alsalar da, onun 60-80 faizini kafedra müdirlərinə verirlər.Məlumatlarda həmçinin Tibb Universitetində sessiya imtahanlarının keçirilməsinə dair də maraqlı açıqlamalar təqdim olunur. Bildirilir ki, imtahandan xeyli əvvəl kafedra müdirləri qrup nümayəndələri ilə danışıq aparırlar. Kafedra müdirləri tərəfindən pul müqabilində bütün “problemlərin həlli” birbaşa təklif olunur. Bu isə tələbələri arxayın edir. Buna görə də tələbələrin hazırlıq səviyyələri aşağı olur. İmtahanlar ərəfəsində isə o qədər yüksək məbləğ təyin olunur ki, bu da tələbələri pis vəziyyətdə qoyur.Məlumatlarda qabardılan problemlərdən biri də Əhliman Əmiraslanovun göstərişinə əsasən universitetdə yaradılmış kitab biznesidir. Bildirilir ki, bəzi kafedralarda praktik məşğələlər aparmaq üçün xüsusi kitablar çap olunur. Onların da qiyməti üst-üstə 100 manat edir. Kafedra müdiri qruplara gedərək həmin kitabları tələbələrə göstərərək, deyir ki, bu kitabların hamısını alıb oxumalısınız. Əks halda, imtahan zamanı qiymət ala bilməyəcəksiniz. Maraqlıdır ki, növbəti ildə yeni qəbul olunmuş tələbələrdə həmin kitablar varsa, onları oxumaq qadağan olunur və mütləq qaydada yenilərini almaq “tövsiyyə” edilir. Təbii ki, bunda dayeganə məqsəd pul toplamaqdır...Yəqin elə bütün bunların nəticəsidir ki, son illər Azərbaycanda olan imkanlı xəstələr müalicə və əməliyyat olunmaq üçün daha çox xarici ölkələrə üz tuturlar. Yeri gəlmişkən bunu da qeyd etmək lazımdır ki, elə bizim səhiyyə başbilənlərimiz özləri də, imkan düşdükdə xarici ölkələrdə tibb ocaqlarına sahib olmaqdan imtina etmirlər. Elə Əhliman müəllimin oğlu, Azər Əmiraslanov da Dubayda və Moskvada iki (bildiyimiz qədər iki) özəl klinikanın sahibidir. Həm də maraqlıdır ki, hər iki klinika fəaliyyət göstərdikləri şəhərlərdə məhz “Metropoliten” otellərinin yanında yerləşirlər...