Qazaxda uşaq dünyaya gətirən ana həkim səhvindən dünyasını dəyişib. ANS PRESS-in məlumatına görə, hamilə olan Qazax rayon sakini Vüsalə Siyavuş qizı Məmmədova 31 dekabr tarixində xəstəxananın doğuş şöbəsinə gətirilib. Ailənin istəyi ilə secilən mama ginekoloq Diləfrüz Cəfərova doğuşdan ana və oğlunu salamat çıxarıb. Ancaq ailə üzvlərinin dediyinə görə ananın temperaturu aşağı düşməyib. Vüsalə Məmmədovanın yaxınları xəstəyə qoyulan diaqnozun düzgün olmadığını və bu səbəbdən də onun xəstəxanaları gəzərək sonda dünyasını dəyişməsinə gətirdiyini bildirib.

Mərhumun bibisi Mətanət Məmmədova həkimi günahlandırıb: "Uşağı vaxtsız güc iynəsi vurmaqla doğuzdurublar. Doğuş yanvarın 17 - si olmalıydı, dekabrın 31-də doğuzdurublar. Buradakı həkimlərin heç biri boynuna almır. Ancaq infeksiya çıxmağı dəqiqləşdi və məlum oldu ki, həqiqətən də infeksiya rayonda keçib.

Mətanət xanımın dediyinə görə, 22 yaşlı qardaşı qızı ötən gün Gürcüstan xəstəxanalarının birində dünyasını dəyişib. Yaxınlarının iddiasina görə Vüsalənin dünyasını dəyişməsinə 1 ay əvvəl doğuşdan aldığı travma səbəb olub.

Mərhumun qohumu Firuzə Məmmədova həkimin doğuş zamanı Vüsalə Məmmədovanın orqanizmini zədələdiyini deyib: "Stola çıxardığı ilə doğdu. Amma doktor dəli kimi cıxdı, elə bil aralığı təmiz yarıb bağırsağı da zədələyib. 2-3 gün istilik əl çəkmədi. Dedim doğanin istiliyi olar. Diləfruz həkim dedi ki, birsilyozdur, özüm müalicə edəcəm. 10 gündən sonra gördük, halı dəyişdi, ölür.

Qazax rayon doğum evində 9 gün qalan xəstənin vəziyyətində yaxşılığa doğru addım olmadığından, daha doğrusu xəstənin istiliyinin enməməsi həkimlərin Səhiyyə Nazirliyi ilə məsləhətləşməsindən sonra Göygöl Renetal mərkəzə gətirilir. Burada da xəstənin rayonda müalicəsinin davam etdirilməsi tövsiyyə edilir. Xəstənin yaxınları işıq yolunu paytaxta gəlməkdə görürlər. Diləfrüz Cəfərova ilə qohumlar göndərişlə Kliniki Tibbi Mərkəzə gəlsələr də, burada xəstəni ilk əvvəl qəbul etmək istəmirlər. Daha sonra uzun təzyiqdən sonra bu razilaşma baş tutur. Vusalənin atasının bildirdiyinə görə Kliniki Tibbi Mərkəzdə bir gün qalan qızın istiliyi getdikcə artdığından və tibbi qulluğun olmamasından onu təcili bu xəstəxanadan çıxmasını istəyib.

Məhrumun atası Səyavuş Məmmədova: "Semaşka"da qızım dedi ki, ata məni burdan çixart, qurban olum. Əgər çıxarmasan, özümü 3-cü mərtəbədən atacam. Mən dedim uşağı aparıram, dilimdən də kağız yazıram. Siz mənim uşağımı qurtara bilmirsiz. Dedim qızim şikayət edir ki, sistem asırlar, nəzarət yoxdur, qurtaranda özü çıxardır. Tualetə gedir nəzarət yoxdur, tibb bacısı yoxdur, orada yıxılıb, xəstələr kömək edib, oradan çıxarıblar.

Dediyinə görə burada da dərdinə əlac tapa bilnməyən ata təcili 160 manat verib xarici dövlətə kecmək ücün pasport alır. Elə oradan da Qazaxa, ertəsi gün Gürcüstana gedir.

Siyavuş Məmmədovun bildirdiyinə görə, Gürcüstanda qızını müayinə edən həkimlər gecikdiklərini və bu vəziyyətin həkimlərin səhvi ucbatından baş verdiyini deyir.

Lakin Vüsaləni doğuş stoluna çıxaran həkim Diləfrüz Cəfərova bunun əksini deyir. Onun sözlərinə görə ailənin israr etməsindən sonra onların uşağının doğuşuna razılıq verib. Həkim muayinə zamanı açılış olduğunu və bundan sonra Vüsaləni doğuş stoluna çıxardığını deyir. Bundan başqa həkim xəstənin hamiləlik müddətində bir dəfə həkim müayinəsindən kecdiyini və mikrobun olduğunu deyir. Həkimin dediyinə görə xəstənin az təminatli olması səbəbindən onu tək buraxmayıb. 10 000 manata yaxın pulun xərcləndiyini xəstə ilə, hətta Gürcüstana belə getdiyini və orada gedən müayinələrlə də maraqlandığını deyir: "5 qarışıq infeksiya və bunların öhdəsindən gələ bilmirik. Çünki qadının imuniteti cox zəif idi. Bu mikroblar mualicəyə tabe olmadı. Ona gorə də bizdə 3-4 gün gözlədik ki, qanında analizini etdik, gördük dəyişiklik getmir. Roye, travmasit artır, biz başa düşduk ki, müalicə ilə bətni saxlaya bilmədik. Ona gorə də bətndəki infeksiya ocağı götürüldü. Əməliyyatdan sonra valideynlərə deyildi ki, qadının infeksiyasi olub və doğuşun fəsadıdır.

Ya zəlzələdən, ya da ki, vəlvələdən nə fərqi. Əsas olan gənc ananın həyatı idi. O da ki, söndü. Dünən səhər saatlarında Gürcüstanda canını tapşıran ana bu gün rayonda dəfn olundu. İndi ondan yadigar ancaq döğdüğu 38 günlük oğlan uşağıdır. Bəs görəsən Səhiyyə nazirliyi bu cür faktlarla bağlı nə fikirləşir.