Bu həftənin sonunda ölkə ərazisində hava şəraiti dəyişəcək

Ekologiya və Təbii Sərvətlər Nazirliyinin Milli Hidrometeorologiya Departamentindən “gundemxeber.az”ya verilən məlumata görə, martın 06-dan 07-nə keçən gecədən başlayaraq martın 09-dək ölkə ərazisində hava şəraitinin qeyri-sabit keçəcəyi, arabir yağıntılı olacağı, dağlıq rayonlarda qar yağacağı gözlənilir. Martın 07-si gündüzdən 08-i axşamadək şimal-qərb küləyinin arabir güclənəcəyi gözlənilir. Martın 08-də havanın temperaturu ötən günlərlə müqayisədə 5-7 dərəcə aşağı enəcək.