Fətullah Güləndən alınan tapşırıqlar necə icra edilib?

Məlumatlı mənbədən «Gündəm xəbər»ə Prezident Administrasiyası Analitik Təhlil və İnformasiya Təminatı şöbəsi vəzifəsindən azad olunan Elnur Aslanovla bağlı növbəti məlumatlar daxil olub. Məlumatda bildirilir ki, E.Aslanov nurçu şəbəkəsinin üzvü olaraq hələ də fəaliyyətdə olan Gənclər və İdman nazirinin müavini İntiqam Babayevin vasitəsi ilə bir müddət gənclər sektoruna nəzarəti ələ keçirmişdir. Onun himayə etdiyi gənclər təşkilatları arasında ASAİF və İRƏLİ İctimai Birliyinın olması heç kimə sirr deyil. Lakin, bunlar hamısı deyil. Belə ki, 2012-ci ilin aprel ayında Azərbaycan Dövlət Neft Şirkətinin (SOCAR) dəstəyi ilə Azərbaycan-ABŞ diplomatik münasibətlərinin 20 illiyi: “Gələcəyə baxış”adlı ABŞ-ın Vaşinqton şəhərində təşkil olunan mötəbər tədbirə Azərbaycandan QHT-lər məhz Elnur Aslanovun himayəsi ilə salınmışdır. Bu şəxslər Vətəndaş Cəmiyyətində Debat İctimai Birliyinin sədri Şahin Seyidzadə, Azərbaycan-Amerika Gənclər Birliyinin sədri Vüqar Əhmədov, ABŞ Təhsilli Məzunlar Birliyinin sədri Aynurə Piriyeva və o Azərbaycan Gənclər Alyansının sədri Leyla Məmmədlidir.
Leyla Məmmədli hal-hazırda Azərbaycan Dövlət Neft Şirkətində çalışır. Ora Elnur Aslanovun himayəsi ilə yerləşdirilib.

Elnur Aslanov barəsində daha bir şok iddia
Konfrans iştirakçılarının geniş heyyətdə ABŞ-ın müxtəlif siyasi dairələri ilə bağlı olan şəxslərlə, ABŞ konqresmenləri və vitse prezident Cou Baydenlə konfrans çərçivəsində görüşləri olmuşdur.
Lakin orada ictimaiyyətə məlum olmayan daha bir gizli görüş olmuşdur ki, bu da Elnur Aslanovun Fətullah Gulənlə təşkil olunan görüşüdür. Elnur Aslanov bu görüşdə Fətullah Hocadan xüsusi tapşırıqlar almışdır. Ehtimallara görə adı çəkilən QHT sədrləri və Milli Məclisin üzvü Ceyhun Osmanlı da bu görüşdə iştirak etmişlər. Etibarlı mənbədən verilən məlumata görə Vaşinqtonda sözügedən Azərbaycan-ABŞ diplomatik münasibətlərinin 20 illiyi: “Gələcəyə baxış” lobbi tədbiri məhz Fətullah Gülənin himayəsi altında fəaliyyət göstərən və onun ABŞ-dakı şəbəkə təşkilatı sayılan Türk Amerikan Alyansının dəstəyi ilə baş tutmuşdur.

Elnur Aslanov barəsində daha bir şok iddia
ABŞ-dakı məlum görüşdən sonra adı çəkilən şəxslər Elnur Aslanovdan geniş dəstək almağa başlamışlar.
Belə ki, həmən ilin 30 iyun tarixində gənclər sektorunda elə də nüfuzu ilə tanınmayan və o zamanlar Vətəndaş Cəmiyyətində Debat İctimai Birliyinin sədri olan Şahin Seyidzadə Elnur Aslanovun himayəsi və nurçu şəbəkəsinin üzvü olaraq hələ də fəaliyyətdə olan Gənclər və İdman nazirinin müavini İntiqam Babayevin, Prezident Yanında Strateji Araşdırmalar Mərkəzinin rəhbəri Fərhad Məmmədovun və Milli Məclisin üzvü Ceyhun Osmanlının gənclər təşkilatlarına və alternativ namizədlərə etdiyi qeyri-qanuni təzyiqlər vasitəsi ilə Azərbaycan Respublikası Gənclər Təşkilatları Milli Şurasının sədri vəzifəsinə gətirilir.

Elnur Aslanov barəsində daha bir şok iddia
Elnur Aslanov bu şəxslər vasitəsi ilə seçki prosesinə müdaxilə edərək şəxsən Milli Şuranın seçki konfransında iştirak edir və gənclər təşkilatlarının seçiminə Şahin Seyidzadənin xeyrinə təsir göstərir və nəticədə Şahin Seyidzadə Milli Şuranın sədri seçilir. Vüqar Əhmədovun rəhbərlik etdiyi təşkilat-Amerika Azərbaycan Gənclər Birliyi Prezident Yanında Strateji Araşdırmalar Mərkəzindən siyasi və maddi dəstək almağa başlamışdır, SAM-la Amerika istiqamətində bir neçə uğurlu layihələr müştərək həyata keçirilmişdir. Vüqar Əhmədovun vasitəsi ilə SAM Amerika Azərbaycan münasibətləri ilə bağlı ötən il beynəlxalq konfrans keçirmiş və onun Amerika ilə bağlantıları vasitəsi ilə bır sıra ABŞ ekspertlərinin Azərbaycana gəlişini təmin edilmişdir.
Eyni zamanda məlum tədbirdən sonra həmən ilin iyul ayında ABŞ Təhsilli Məzunlar Birliyinin sədri Aynurə Piriyevanın xüsusi xidmətləri nəticəsində ilk dəfə Prezident Administrasiyasınının rəsmisi Elnur Aslanov bu təşkilatın qərərgahında təşkilat üzvləri ilə geniş görüş keçirmişdir və deyilənlərə görə bu andan etibarən təşkilat Elnur Aslanovun tam nəzarətinə keçmişdir.
Amerikanın Azərbaycandakı səfirliyinin xüsusi himayəsində və nəzarətində olan bu təşkilatın Elnur Aslanovun nəzarətinə düşməsi səfirliyin narahatçılığına və gizli etirazına da səbəb olmuşdur. Bu andan etibarən ABŞ Təhsilli Məzunlar Birliyinin kurasiyasını Elnur Aslanov Ceyhun Osmanlıya tapşırmışdır və Amerika Azərbaycan Alyansının təsisçisi və iş adamı Anar Məmmədovun idarə etdiyi şirkətlər vasitəsi ilə ABŞ Təhsilli Məzunlar Birliyinin iri həcimli maliyyə layihələri maliyyələşməyə başlanmışdır. Yazıda adı keçən şəxslərin mövqeyini dərc etməyə hazırıq…
Fuad