Bu ifadənin müəllifi 1 il öncə Qazax şəhərindən doğulduğu Gürcüstan Respublikasının Marneul rayonunun Aşağı Qullar kəndinə gedən Sofiyev Alı Bayram oğludur. Alı Sofiyev Azərbaycan Kənd Təsərrüfatı Akademiyasının Qazax filialında müəllim vəzifəsində işləyib. Prezidentin sərəncamı ilə filial bağlandıqdan sonra, o bir müddət işsiz qalaraq Azərbaycan Müəllimlər İnstitutunun Qazax filalında vaxtı ilə filialın direktoru işləmiş İsa Veysovun tapşırıqlarına əməl edib. Təbii ki, hər tələbədən saxta diplom üçün İsa Veysov 5000 manat alanda Alı Sofiyevə də çörək pulu verib. Bunu Alı qəzetin elektron poçtuna ünvanladığı şikayət ərizəsində etiraf edir.

Ərizədə utanc fikirlər

Alı Sofiyevin ərzəsini diqqətlə nəzərdən keçirdikdə burada bir sıra fikirlər diqqəti cəlb edir. Məsələn, Sofiyev filialda saxta diplomların verilməsində vaxtı ilə ona “qardaş-qardaş” deyən, hazırda filialda çalışan Məmməd Abdulkərimovu daha çox vurğulayır. Ərizə müəllifi bildirir ki, “Azərbaycan Müəllimlər İnstitutunun Qazax filialında baş verən “saxta diplom əməliyyatında” mən Qazax şəhərində yaşayarkən məni də “oyuna” salıblar. Müxtəlif adda ölkə vətəndaşlarına müraciət edirdilər ki, mənimlə əlaqə saxlasınlar. Mən də onlara saxta diplomların verilməsi ücün Gürcüstanın müxtəlif ali təhsil ocaqlarından övladlarının burada oxumaqları haqqında saxta arayışlar gətirim. Guya saxta diplom verdikləri adamlar filiala dəyişdirilib. Mən bunu bacarmayacağım halda İsa Veysov və Məmməd Adulkərimiov mənə hədə-qorxu gəlirdilər. Bu minvalla təxminən 13-15 nəfərə Marneul rayonunda yerləşən Aqrar Universitetdən qeyri-qanuni akademik arayış aparmışam. Yaxşı bilirəm ki, Məmməd Abdulkərimov bu işdən 100 000-ə yaxın pul mənimsəyib. Bəs belə deyilsə o, mənim iştirakımla Gürcüstandan 22 və 26 000 manata aldığı “KAMAZ” markalı maşınlar hansı vəsaitin hesabınadır? Hansı ki, həmin yük maşınları onun daş karxanasında gecə-gündüz işləyir. Mənim sözlərimin təsdiqi kimi həmin yük maşınlarını almağa gedərkən sərhəddi keçəndə xarici pasportlarımıza eyni dəqiqədə vurulan möhürləri göstərmək olar”.

Məmməd Abdulkərimovun”cücərti”si İlham Pirməmmədovun hesabınadır

Alı Sofiyev daha sonra qeyd edir ki, “Məmməd Abdulkərimov təhsil nazirinin müşaviri İlham Pirməmmədovun xalası oğludur. Əks halda vaxtı ilə avtobazada “mexannik” işləmiş bir adam Müəllimlər İnstitunun Qazax filialına işə düzələrək fizika-riyaziyyat üzrə elmlər namizədi dərəcəsinə qədər qalxmazdı. Aldığım məlumata görə, Məmməd Abdulkərimov hazırda filialda kafedra müdiri dərəcəsindədir. Əslində bu gülünc deyilmi? Bunları deməkdə məqsədim budur ki, saxta diplomlarda birbaşa əli olan Abdulkərimov necə ola bilər ki, korrupsiya idarəsinin gözündən yayına? Qaldı ki, nə vaxt lazım gələrsə Gürcüstanda apardığım akademik arayışların kimlərin adlarına yazıldığını da açıqlaya bilərəm. Yəni, bu adamın saxta diplom məsələsində adının hələ ki, hallanmaması İlham Pirməmmədovun hesabınadır”.

Ərizədə üstüörtülü məqamlar

Ərizə müəllifi Məmməd Abdulkərimovun saxta diplomlarla məşğuliyyətindən başqa bir sıra məsələlərə də toxunur. Məmməd Abdulkərimovun oğlu, hazırda MTN-in Qazax şöbəsində işləyən Əhməd Abdulkərimov haqqında da şok ifadələr işlədir. Lakin həmin ifadələrin nə qədər dogru olub olmamağını dəqiqləşdirməkdə çətinlik çəkdiyimiz üçün ərizə sahibini redaksiyaya dəvət etmək qərarındayıq. Əgər ərizə müəllifi Alı Sofiyev təklifimizlə razılaşarsa və dediklərini inadırıcı şəkildə bizə çatdırarsa, müxtəlif foto-şəkillərlə geniş yazı dərc etməyə hazırıq.
Çünki ən azından vaxtı ilə Qazax şəhərində yaşayan, ərizəsində göstərdiyi kimi hazırda əsasız səbəblər üzündən Gürcüstanda yaşamağı qərarlaşdıran Alı Sofiyev ən yaxın məsləkdaşlarından ciddi etibarsızlıq görüb. Onu da qeyd edək ki, Alı Sofiyev ərizəsinin çap olunmasında məqsəd kimi bu məsələni ictimailəşdirilməsində xahişçidir.
FUAD