Yetişməmiş saxta diplomlar

Azərbaycan Müəllimlər İnstitutunun Qazax Filialında baş verən şok maxinasiyalar

“Anarxiya, özbaşınalıq və antipot” kimi sərt ifadələr hələ possovet məkanında ən çox Brejnevin dilindən eşidilərdi. Mərhum dövlət başçısı bu sözləri o qədər hallandırmışdır ki, sovet respublikalarında deyilən ifadələr tuğyan etsə də, müvafiq orqanlar artıq onu mahnının nəqarəti kimi başa düşürdülər.
Yəni, prokurorluq və daxili işlər nazirliyi bu məsələyə qarşı tədbir görmək əvəzinə onu həmışəişlək və çürük fikir kimi qulaqardına vururdular. İndi bu məsələ Azərbaycan Müəllimlər İnstitutunun Qazax Filialında sabiq direktor dosent İsa Veysovun qalmaqallı hərəkətlərinə bənzəyir. Bəlkə də 500 gənci aldadaraq filialda oxumaya-oxumaya onlara diplom verəcəyini söz verib. Ən azından ilkin olaraq hərəsindən 5000 manat pul alan İsa Veysov bu gün azadlıqda rahatca fırlanır. Bu da yəqin ki, aidiyyəti orqanların dilində nəqarətə çevrilib. Qəribədir, aldadan və aldadılan, alan və verən göz qabağında ola-ola tədbir görən yoxdur. Həmin mövzunu ən çox “Gündəm Xəbər” üzə çıxardığı üçün redaksiyanın ünvanına gələn şikayətlərin ardı-arası kəsilmir.
Sabiq təhsil naziri Misir Mərdanovun tələbə yoldaşı olmuş İsa Veysov Azərbaycan təhsili tarixində saxta diplom məsələsində görünməmiş addımlar atan bir şəxsdir. Adamın adama “qurd ürəyi yemisən” deməsi də elə belə hərəkətlərin nümunəsidir. Müəllimlər İnstitutunun Qazax filialında saxta diplom oyunu filialda zəncirvari reaksiya rolunu oynamışdır. Belə ki, İsa Veysova çatan vəsait çox vaxt özünün etibar etdiyi müəllimlərin əlı ılə verilirmiş. Bu gün onların da adlarını barmaqla saymaq mümklündür. Özləri də “burnu qanamadan” belə filialda çalışırlar. Hətta, saxta diplomlar müəllifi kimi ad-san çıxarmış İsa Veysov da filialdan əlini tamam üzməyərək 0,5 stavka dərslə yüklənmişdir. Bu da analoqu olmayan daha bir yenilikdir. Mövzuya baxın: anarxiya və özbaşınalıq, korrupsiya və rüşvətxorluq. Eyni fikir, eyni “tədbir”.
Qəzetin ötən saylarının birində İsa Veysov tərəfindən aldadılmış saxta 290 saylı tələbə biletinin sahibi, tarix-coğrafiya fakültəsinin tələbəsi Süleymanov Elnur Oktay oğlu “İsa məktəbini” bitirməsinə baxmayaraq nə pulunu geri ala bilir, nə də ki, saxta diplomunu. “Məzun”un söylədiyinə görə Veysov hay-hayla yığdığı 100 minlərin hesabına aldığı əmlklarını satdığa qoyub. Satan kimi Elnur Süleymanovun nəğd verdiyi 5000 manatı qaytaracaq. Sessiyalardakı verilənlərdən hələ ki, söhbət getmir. Fərz edək ki, saxta diplom kimi saxta vədlər boşa çıxdı, bəs gənc Elnur Süleymanovun 4 illik məhv olmuş tələbə həyatını kim geri qaytaracaq? Həyatda bundan ağır nə ola bilər?
Məqaləni işləyərkən ürəyinə dammış kimi Bakı şəhəri, Xətai rayonu, A.Novruzov küçəsi ev 20, 1 saylı mənzildə yaşayan Qarayeva Gülnarə Müzəffər qızı da redaksiyaya zəng edərək eyni mövzu ətrafında danışdı. Müəllimlər İnstitutunun Qazax filialında guya “Azərbaycan dili və ədəbiyyat” fakültəsində təhsil alan Qarayeva diplomunu 2011-ci ildə almalıymış. Vaxtilə filialda dərs aparan Goranboy rayonunun Borsunlu kəndindən olan Akif adlı müəllimin əli ilə “tələbənin” valideynindən 6000 manat pul alınaraq İsa Veysova verilmişdir. Bu da nəticəsi, ortada nə pul var, nə də ki diplom. Qarayevlər ailəsi ilkin ödənişdən əlavə “İsa Veysov dəstəsinə” ildə 400 manat da pul keçirirmiş. “Məzun” qız son sözünü bununla yekunlaşdırdı ki, 6 ay bundan əvvəl məndən diploma 500 manat pul da aldılar. “Yazıq Kərəm belə yerdə odlanmasın, neyləsin!” Yeri gəlmışkən misala zaval yoxdur deyirlər. Günlərin birində Molla Nəsrəddinin uzunqulağı çaydan keçərkən suda axır. Molla alışıb yandığından bir abbası da uzunqulağın arxasınca atır. Görənlər soruşur ki, “Ay molla, bu nə hərəkətdir edirsən?” Molla cavab verir ki, dəyməyin ayağını nalladar!
Araşdırmalar göstərir ki, İsa Veysovun təhsil nazirliyində və prokurorluq orqanında işləyən yaxın qohumları vardır. Bu günə kimi onun toxunulmazlığı, görünür onların hesabınadır. Necə olur ki, kimsəsiz birisi 5 manat alanda məsuliyyətə cəlb olunur, ancaq 100 min manatlar alan azdlıqda gəzir?

Müəllimlər İnstitutunun Qazax Filialında baş verən saxta diplom əməliyyatının qurbanlarından biri də Qazax şəhəri S. Vurğun küçəsində yaşayan Əliyeva Səkinə Qədir qızıdır. Yazdığı ərizədən görünür ki, Səkinə Əliyeva bu günə kimi 8000 manat pul xərcləsə də təhsil aldığı institutun diplomunun rəngini görməyib. “Məzun”un ilk dəfə pulu hansı müəllimlərə verdiyi də ərizədə aydın şəkildə göstərilib.

İham Hacalı