Məlum olduğu kimi Azərbaycan Müəllimlər İnstitutunun Qazax filialında sabiq direktor, dosent İsə Veysovun dövründə filialda baş alıb getmiş neqativ proseslər təbii ki, heç kimin yaddaşından silinməmiş olar. Saxta diplomlara qarşı təhsil nazirliyinin bu gün apardığı təqdirəlayiq ışlər, əlbəttə ki ictimaiyyət tərəfindən alqışlanmaqdadır. Çünki elmı, mədəniyyəti və incəsənəti ilə tanınan ölkə üçün saxta sənəd və onun himayədarları gec-tez ifşa olunmalıdır. Məsələ isə bunda deyil. Necə olur kli, vasitəçilərinin əli ilə 5000 manat pul alıb vətəndaşlara saxta diplom verən İsə Veysov hələ də məsuliyyətdən kənardır? Bundan yaxşıca məlumatı olan, başlarının üstündə Ulu öndərin şəklini asan əlaqədar orqanların susması çox ciddi maraq doğurur. Fakt ola-ola biz nə axtarırıq? Qəzetin ötən saylarının birində “Qazaxda saxta tələbə bileti” getmiş məqalə, hərçənd ki qeyd etdiyimiz kimi əlaqədar orqanlar tərəfindən hələlik reaksiyasız qalsa da ictimaiyyət tərəfindən geniş müzakirəyə səbəb olmuşdur. Beş illik gənclik dövrünü İsa Veysov kimilərinin yalançı əməllərinə qurban vermış 290 saylı tələbə biletinin sahibi Süleymanov Elnur Oktay oğlu bu gün də onun əzablarını çəkməkdədir. Yenidən apardığımız araşdırmalar onu göstərir ki, sabiq direktor İsə Veysov hər bir görəcəyi işi özünün yaxın qohumu, vaxtilə Qazax avtobazasında mexanik işləmiş, hazırda sözügedən filialın müəllimi Məmməd Abdulkərimov və tədris hissəsində çalışan Tofiq Alhüseynovla görürmüş. Bunu Elnur Süleymanovun atası Oktay Süleymanov da öz ifadəsində təsdiqləyir. Şifahi müsahibəmizə görə zərərçəkən “tələbənin” atası bildirdi ki, “ övladımın müəllimlər institutunun Qazax filialında testdən kənar təhsil alması üçün sabiq direktor məndən 5000 manat istədi. Mən də bangdan kredit götürüb İsə müəllimin qəbulunda oldum. O, həmin vəsaiti köməkçi kimi işlətdiyi Məmməd Abdulkərimova verməyimi tpşırdı. Məmməd müəllimlə görüşəndə isə o da öz növbəsində tədris hissəsində işləyən Tofiq müəllmə ççatacağını bildirdi. Təbii ki, həmin vəsait Tofiq müəllimə verdim. Nəticə isə İsə Veysovda cəmləşdi. Çox keçmədən oğlumun adına 290 saylı tarix-coğrafiya fakültəsi üçün tələbə bileti verildi”. Bəli, bu da Oktay Süleymanovun səmimi şərhi. Burada bir məsələ də diqqəti cəlb edir. Vəzifəsindən sui istifadə edn Veysov məsuliyyətə cəlb edilmək əvəzinə üstəlik 0.5 ştat vahidi ilə sözügedən filialın riyaziyyat-informatika fakültəsində dərs aparır.Bu cür məsələlərin qanunlarımızla bir araya gəlməsi həddən ziya maraqlıdır. Çox gümün ki, belə də getməz. Onsuz da isə Veysovun saxta diplom əməliyyatı ilə məşğuliyyəti heç də təkbaşına aparılmayıb. Bu işdə yuxarı dairədən ona havadarları yaxşı tanıyırıq. Sadəcə açıqlamağın yeri deyil. Lakin “tələbənin” atası Oktay Süleymanova dəyən maddi və mənəvi ziyan İsə Veysov tərəfindən tezlikə ödənilməsə, yəqin ki hər şey güzgü kimi ictimaiyyətə çatdırılacaqdır. (mövzunu diqqətdə saxlayacağıq).
İlham Hacalı